ಕನ್ನಡಪ್ರಭ

ಮನರಂಜನೆ

ಬರ್ತಿದೆ ಸಿಂಪಲ್ ಆಗಿ ಇನ್ನೊಂದು ಲವ್ ಸ್ಟೋರಿ

ಸಿಂಪಲ್ ಆಗಿ ಒಂದು ಲವ್ ಸ್ಟೋರಿಯಂತ ಬಿಗ್ ಹಿಟ್ ಚಿತ್ರ ನೀಡಿದ್ದ ಸಿಂಪಲ್ ಸುನಿ ಇದೀಗ ಸಿಂಪಲ್ ಆಗಿ ಇನ್ನೊಂದು ಲವ್ ಸ್ಟೋರಿ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಚಿತ್ರದ ಟ್ರೈಲರ್ ಬಿಡುಗಡೆಯಾಗಿದ್ದು ಸಿಂಪಲ್ ಆಗಿ ಒಂದು ಲವ್ ಸ್ಟೋರಿಯಂತೆ ಈ ಟ್ರೈಲರ್ ಸಖತ್ ರೆಸ್ಪಾನ್ಸ್ ಪಡೆದಿದೆ.

ಬರ್ತಿದೆ ಸಿಂಪಲ್ ಆಗಿ ಇನ್ನೊಂದು ಲವ್ ಸ್ಟೋರಿ
ಕ್ಯಾರೋಲ್ ಚಿತ್ರದ ಟ್ರೈಲರ್

ಕ್ಯಾರೋಲ್ ಚಿತ್ರದ ಟ್ರೈಲರ್

ಕ್ಯಾರೋಲ್ ಚಿತ್ರ ಬ್ರಿಟೀಷ್-ಅಮೆರಿಕನ್ ರೊಮ್ಯಾಂಟಿಕ್ ಡ್ರಾಮ ಚಿತ್ರವಾಗಿದ್ದು, 1950ರಲ್ಲಿ ನ್ಯೂಯಾರ್ಕ್ ನಗರದ ಓರ್ವ ಛಾಯಾಚಿತ್ರಗಾರ್ತಿಯ ಕಥೆಯನ್ನು ಒಳಗೊಂಡಿದೆ. ಈ ವೇಳೆ ಆಕೆಗೆ ಓರ್ವ ಹಿರಿಯ ಮಹಿಳೆಯ ಪರಿಚಯವಾಗಿ ಇಬ್ಬರ ನಡುವಿನ ಸ್ನೇಹ ಸಂಬಂಧದ ಕುರಿತು ಚಿತ್ರದ ಕಥೆ ಸಾಗುತ್ತದೆ. ಈ ಚಿತ್ರವು ಬೆಂಗಳೂರು ಅಂತಾರಾಷ್ಟ್ರೀಯ ಚಿತ್ರೋತ್ಸವದಲ್ಲಿ ಪ್ರದರ್ಶನಗೊಳ್ಳುತ್ತಿದೆ.

ಮದರ್ ಲ್ಯಾಂಡ್ ಚಿತ್ರದ ಟ್ರೈಲರ್

ಮದರ್ ಲ್ಯಾಂಡ್ ಚಿತ್ರದ ಟ್ರೈಲರ್

ಗಂಡನಿಂದ ವಿಚ್ಚೇದನ ಪಡೆದ ನಸ್ರಿನ್ ಎಂಬ ಮಧ್ಯಮವರ್ಗದ ಹೆಣ್ಣು ತನ್ನ ಕೆಲಸವನ್ನು ತ್ಯಜಿಸಿ ಸ್ವಗ್ರಾಮಕ್ಕೆ ಬಂದು ನೆಲೆಸುತ್ತಾಳೆ. ನಸ್ರಿನ್ ಸಾಹಿತ್ಯದ ಮೇಲೆ ಆಸಕ್ತಿ ಇದ್ದು, ತನ್ನ ರೋಗ ಪೀಡಿತ ಅಜ್ಜಿಯನ್ನು ನೋಡಿಕೊಳ್ಳಲು ಗ್ರಾಮಕ್ಕೆ ಆಗಮಿಸಿ ಅಲ್ಲಿಯೇ ತನ್ನ ಸಾಹಿತ್ಯ ಕೆಲಸವನ್ನು ಮುಂದುವರೆಸುತ್ತಾಳೆ. ತನ್ನ ಬಾಲ್ಯವನ್ನೇ ಕಥೆಯಾಗಿರಿಸಿಕೊಂಡು ಕಥೆ ಬರೆಯಲಾರಂಭಿಸುವ ನಸ್ರಿನ್ ಗೆ ಗ್ರಾಮದಲ್ಲಿ ಕೆಲವು ಸವಾಲುಗಳು ಎದುರಾಗುತ್ತವೆ. ಈ ಸವಾಲುಗಳನ್ನು ನಸ್ರಿನ್ ಹೇಗೆ ಎದುರಿಸುತ್ತಾಳೆ ಎಂಬುದೇ ಮದರ್ ಲ್ಯಾಂಡ್ ಚಿತ್ರದ ತಿರುಳು. ಈ ಚಿತ್ರವು ಬೆಂಗಳೂರು ಅಂತಾರಾಷ್ಟ್ರೀಯ ಚಿತ್ರೋತ್ಸವದಲ್ಲಿ ಪ್ರದರ್ಶನಗೊಳ್ಳುತ್ತಿದೆ.

"ಎ ಡೇ ಇನ್ ದಿ ಸಿಟಿ" ಕನ್ನಡ ಚಿತ್ರದ ಟ್ರೈಲರ್

"ಎ ಡೇ ಇನ್ ದಿ ಸಿಟಿ" ಕನ್ನಡ ಚಿತ್ರದ ಟ್ರೈಲರ್

ಬೆಂಗಳೂರು ನಗರದಲ್ಲಿ ಬೆಳಗ್ಗೆ 6 ರಿಂದ ರಾತ್ರಿ 12 ಗಂಟೆಯವರೆಗೆ ನಡೆಯುವ ಕಥೆ ಇದಾಗಿದ್ದು, ನಗರವೊಂದರ ದಿನಚರಿ ಮತ್ತು ಇದರಿಂದ ಪರಿಸರದ ಮೇಲಾಗುತ್ತಿರುವ ಪರಿಣಾಮಗಳ ಕುರಿತಾದ ಚಿತ್ರವೇ ಎ ಡೇ ಇನ್ ದಿ ಸಿಟಿ. ನಗರ ಪ್ರದೇಶದ ಸಮಸ್ಯೆಗಳನ್ನು ಎದುರಿಸಲು ರಾಜಕಾರಣಿಗಳು ಮತ್ತು ಸಾರ್ವಜನಿಕರು ಒಟ್ಟಿಗೆ ಸೇರಿ ಹೇಗೆ ಕೆಲಸ ಮಾಡಬೇಕಿದೆ ಎಂಬ ಅಂಶವನ್ನು ಚಿತ್ರದಲ್ಲಿ ವಿವರಿಸುವ ಪ್ರಯತ್ನ ಮಾಡಲಾಗಿದೆ. ಚಿತ್ರವನ್ನು ವೆಂಕಟ್ ಭಾರದ್ವಾಜ್ ಅವರು ನಿರ್ದೇಶಿಸಿದ್ದು, ಈ ಚಿತ್ರ ಬೆಂಗಳೂರು ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನಗೊಳ್ಳುತ್ತಿದೆ.

ಹೋಮ್ ಸಿಕ್ ಚಿತ್ರದ ಟ್ರೈಲರ್

ಹೋಮ್ ಸಿಕ್ ಚಿತ್ರದ ಟ್ರೈಲರ್

ಮಹತ್ವಾಕಾಂಕ್ಷೆಯ ಸೆಲ್ಲೋ ವಿದ್ಯಾರ್ಥಿನಿ ಜೆಸ್ಸಿಕಾ ಅಂತಾರಾಷ್ಟ್ರೀಯ ಸ್ಪರ್ಧೆಯೊಂದರಲ್ಲಿ ಪಾಲ್ಗೊಳ್ಳುವ ಅವಕಾಶ ಒದಗಿ ಬರುತ್ತದೆ. ಆಕೆಗೆ ತನ್ನ ಪ್ರತಿಭೆಯನ್ನು ಪ್ರದರ್ಶಿಸಲು ಉತ್ತಮ ಅವಕಾಶವಾಗಿರುತ್ತದೆಯಾದರೂ, ತನ್ನ ವೈಯುಕ್ತಿಕ ಕಾರಣಗಳಿಂದಾಗಿ ಸಾಕಷ್ಟು ನೋವು ಅನುಭವಿಸುತ್ತಿರುತ್ತಾಳೆ. ತನ್ನನ್ನು ಯಾರೋ ಹಿಂಬಾಲಿಸುತ್ತಿದ್ದಾರೆ ಏನೋ ಎಂಬ ಶಂಕೆ ನಿತ್ಯ ಆಕೆಯನ್ನು ಕೊಲ್ಲುತ್ತಿರುತ್ತದೆ. ಇಂತಹ ಕ್ಲಿಷ್ಟಕರ ಪರಿಸ್ಥಿತಿಯಿಂದ ಜೆಸ್ಸಿಕಾ ಹೊರಬರುತ್ತಾಳೆಯೇ ಎಂಬುದರ ಕುರಿತಾದ ಚಿತ್ರವೇ "ಹೋಮ್ ಸಿಕ್". ಈ ಚಿತ್ರವು ಬೆಂಗಳೂರು ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನಗೊಳ್ಳುತ್ತಿದೆ.

ಐ ಆ್ಯಮ್ ನೊಜೂಮ್, ಏಜ್ 10 ಅಂಡ್ ಡಿವೋರ್ಸ್ಡ್ ಚಿತ್ರದ ಟ್ರೈಲರ್

ಐ ಆ್ಯಮ್ ನೊಜೂಮ್, ಏಜ್ 10 ಅಂಡ್ ಡಿವೋರ್ಸ್ಡ್ ಚಿತ್ರದ ಟ್ರೈಲರ್

ಪೋಷಕರ ಒತ್ತಾಯಕ್ಕೆ ಮಣಿದು ತನ್ನ 10ನೇ ವರ್ಷದಲ್ಲಿಯೇ ಮದುವೆಯಾಗುವ ಪುಟ್ಟ ಬಾಲಕಿ ಕುರಿತಾದ ಚಿತ್ರವೇ ಐ ಆ್ಯಮ್ ನೊಜೂಮ್, ಏಜ್ 10 ಅಂಡ್ ಡಿವೋರ್ಸ್ಡ್. ಬಾಲ್ಯ ವಿವಾಹದಿಂದ ಸಾಕಷ್ಟು ತೊಂದರೆಗೀಡಾಗುವ ಪುಟ್ಟ ಬಾಲಕಿ ಅಂತಿಮವಾಗಿ ಗಂಡನಿಂದ ವಿಚ್ಚೇದನಕ್ಕೆ ಮುಂದಾಗುತ್ತಾಳೆ. ಬಾಲಕಿಯ ಈ ನಿರ್ಧಾರ ಆಕೆಯ ಗಂಡ ಸೇರಿದಂತೆ ಇಡೀ ಮೂಲಭೂತವಾದಿ ಸಮಾಜವೇ ಆಕೆಯತ್ತ ಒಂದು ಕ್ಷಣ ತಿರುಗಿ ನೋಡುವಂತೆ ಮಾಡುತ್ತದೆ. ಈ ಚಿತ್ರ ಬುಧವಾರ ಬೆಂಗಳೂರು ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನಗೊಳ್ಳುತ್ತಿದೆ.

ಮೂರ್ ಚಿತ್ರದ ಟ್ರೈಲರ್

ಮೂರ್ ಚಿತ್ರದ ಟ್ರೈಲರ್

ಹೆಂಡತಿಯನ್ನು ಕಳೆದುಕೊಂಡ ಓರ್ವ ರೈಲ್ವೇ ಸ್ಟೇಷನ್ ಮಾಸ್ಟರ್ ತನ್ನ ಸ್ಟೇಷನ್ ಅನ್ನು ತುಂಬಾ ಪ್ರೀತಿಸುತ್ತಿರುತ್ತಾನೆ. ಈ ನಡುವೆ ಆತನ ಸಹೋದರ ಭ್ರಷ್ಟಾಚಾರದಲ್ಲಿ ತೊಡಗುತ್ತಾನೆ. ಸಹೋದರನ ಸಂಪಾದನೆಯಲ್ಲಿ ಸ್ಟೇಷನ್ ಮಾಸ್ಟರ್ ವಿಲಾಸಿ ಜೀವನ ನಡೆಸಬಹುದಾಗಿರುತ್ತದೆಯಾದರೂ, ಅದೇ ಭ್ರಷ್ಟಾಚಾರ ತಾನು ಪ್ರೀತಿಸುತ್ತಿರುವ ರೈಲ್ವೇ ನಿಲ್ದಾಣಕ್ಕೆ ಎರವಾಗುತ್ತದೆ. ಇಂತಹ ಸಂದಿಗ್ಧ ಪರಿಸ್ಥಿತಿಯಲ್ಲಿ ಸ್ಟೇಷನ್ ಮಾಸ್ಚರ್ ಹೇಗೆ ಭ್ರಷ್ಟಾಚಾರದಿಂದ ನಿಲ್ದಾಣವನ್ನು ಹೇಗೆ ರಕ್ಷಿಸುತ್ತಾನೆ ಎಂಬುದೇ ಮೂರ್ ಚಿತ್ರದ ತಿರುಳು. ಈ ಚಿತ್ರ ಮಂಗಳವಾರ ಬೆಂಗಳೂರು ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನ ಕಾಣುತ್ತಿದೆ.

ಮಲೇಟ್ಟಂ ಚಿತ್ರದ ಟ್ರೈಲರ್

ಮಲೇಟ್ಟಂ ಚಿತ್ರದ ಟ್ರೈಲರ್

ಆಧುನೀಕರಣದ ಹೆಸರಿನಲ್ಲಿ ನೈಸರ್ಗಿಕ ಸಂಪತ್ತಿನ ಮೇಲೆ ಆಗುತ್ತಿರುವ ಅತ್ಯಾಚಾರ ಮತ್ತು ಸ್ಥಳೀಯ ಪ್ರಭಾವಿಗಳಿಂದ ತುಳಿತಕ್ಕೆ ಒಳಗಾಗುವ ಜನರ ಕಥೆಯನ್ನು ಮಲೇಟ್ಟಂ ಚಿತ್ರದಲ್ಲಿ ಚಿತ್ರಿಸಲಾಗಿದ್ದು, ಚಿತ್ರವನ್ನು ಥಾಮಸ್ ದೇವಸ್ಯ ಅವರು ನಿರ್ದೇಶಿಸಿದ್ದಾರೆ. ಚಿತ್ರವು ಬೆಂಗಳೂರು ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನಗೊಳ್ಳುತ್ತಿದೆ.

ದಿ ಸೈಲೆನ್ಸ್ ಚಿತ್ರದ ಟ್ರೈಲರ್

ದಿ ಸೈಲೆನ್ಸ್ ಚಿತ್ರದ ಟ್ರೈಲರ್

ಮಕ್ಕಳ ಮೇಲಿನ ದೌರ್ಜನ್ಯಗಳನ್ನು ಕೇಂದ್ರವಾಗಿಟ್ಟುಕೊಂಡು ನಿರ್ಮಿಸಿದ ಚಿತ್ರವೇ "ದಿ ಸೈಲೆನ್ಸ್". ಮರಾಠಿ ನಿರ್ದೇಶಕ ಗಜೇಂದ್ರ ಅಹಿರೇ ಅವರು ಚಿತ್ರವನ್ನು ನಿರ್ದೇಶಿಸಿದ್ದು, ದಿ ಸೈಲೆನ್ಸ್ ಒಂದು ನೈಜ ಘಟನೆಯಾಧಾರಿತ ಚಿತ್ರವಾಗಿದ್ದು, ಚಿನಿ ಎಂಬ ಪುಟ್ಟ ಬಾಲಕಿ ಮೇಲೆ ದುಷ್ಕರ್ಮಿಗಳು ನಡೆಸುವ ಅತ್ಯಾಚಾರ ಮತ್ತು ಆ ಬಳಿಕ ಆ ಪುಟ್ಟ ಹುಡುಗಿಯ ಬಾಳಿನಲ್ಲಿ ಎದುರಾಗುವ ದುಷ್ಪರಿಣಾಮಗಳನ್ನು ಚಿತ್ರದಲ್ಲಿ ಚಿತ್ರಿಸಲಾಗಿದೆ.

ಪ್ರಚಲಿತ