'ಎಲ್ಲರಿಗೂ ತಿಳಿಸುವ ಅಥವಾ ಪ್ರಚಾರ ಮಾಡುವ ಅಗತ್ಯವಿರಲಿಲ್ಲ': ರಶ್ಮಿಕಾ ಜೊತೆಗಿನ ರಿಲೇಷನ್‌ಶಿಪ್ ಕುರಿತು ವಿಜಯ್ ದೇವರಕೊಂಡ

ರಶ್ಮಿಕಾ ಮಂದಣ್ಣ ಮತ್ತು ವಿಜಯ್ ದೇವರಕೊಂಡ 2026ರ ಫೆಬ್ರುವರಿಯಲ್ಲಿ ವಿವಾಹವಾದರು; ಅದಕ್ಕೂ ಮುನ್ನ ಅವರು ಎಂಟು ವರ್ಷ ಪರಸ್ಪರ ಪರಿಚಯವಿದ್ದರು. ಈ ಜೋಡಿಯ ಮದುವೆ ಸಾಕಷ್ಟು ಸುದ್ದಿಯಾಗಿತ್ತು. ವಿವಾಹದ ಸ್ಥಳ, ಅವರ ಶೈಲಿ ಹಾಗೂ ಸಮಾರಂಭದ ಆಪ್ತ ಕ್ಷಣಗಳವರೆಗೆ - ಹೀಗೆ ಪ್ರತಿಯೊಂದನ್ನೂ ಕಂಡು ಅಭಿಮಾನಿಗಳು ಸಂಭ್ರಮಿಸಿದರು.

'ರಣಬಾಲಿ' (Ranabaali) ಚಿತ್ರದ ಪ್ರಚಾರ ಕಾರ್ಯಗಳ ನಡುವೆ, ಶುಭಂಕರ್ ಮಿಶ್ರಾ ಅವರ ಪಾಡ್‌ಕಾಸ್ಟ್‌ನಲ್ಲಿ ಈ ಜೋಡಿ ತಮ್ಮ ಸಂಬಂಧವನ್ನು ಏಕೆ ಗೌಪ್ಯವಾಗಿಟ್ಟಿದ್ದರು ಎಂಬುದರ ಕುರಿತು ಮಾತನಾಡಿದ್ದಾರೆ.

ಕಾರ್ಯಕ್ರಮದ ನಿರೂಪಕರು ದಂಪತಿಯನ್ನು, ತಾವು ಎಂಟು ವರ್ಷಗಳ ಕಾಲ ತಮ್ಮ ಸಂಬಂಧವನ್ನು ಹೇಗೆ ಗೌಪ್ಯವಾಗಿರಿಸಿಕೊಂಡಿದ್ದೀರಿ ಎಂದು ಪ್ರಶ್ನಿಸಿದರು. ರಶ್ಮಿಕಾ ಮತ್ತು ವಿಜಯ್ ಇಬ್ಬರೂ ತಾವು ಎಂಟು ವರ್ಷಗಳ ಕಾಲವೂ ರಿಲೇಷನ್‌ಶಿಪ್‌ನಲ್ಲಿ ಇರಲಿಲ್ಲ. ಆದರೆ, ಮದುವೆಗೆ ಮುನ್ನ ಅಷ್ಟು ದೀರ್ಘಕಾಲದಿಂದ ಪರಸ್ಪರ ಪರಿಚಯವಿದ್ದೆವು ಎಂದು ಹೇಳಿದರು.

'ಅವರು ನನ್ನ ಸಹೋದ್ಯೋಗಿಯಾಗಿದ್ದು ನಂತರ ನನ್ನ ಸ್ನೇಹಿತೆಯಾದರು. ಕ್ರಮೇಣ ನಮ್ಮ ಸ್ನೇಹ ಪ್ರೇಮಕ್ಕೆ ತಿರುಗಿತು ಮತ್ತು ಅಂತಿಮವಾಗಿ ಅವರು ನನ್ನ ಪತ್ನಿಯಾದರು. ಆದರೆ ನಾವೆಂದೂ ಈ ವಿಷಯವನ್ನು ಮುಚ್ಚಿಡುವ ಅಥವಾ 'ಕಣ್ಣಾಮುಚ್ಚಾಲೆ' ಆಡುವ ಕೆಲಸ ಮಾಡಲಿಲ್ಲ. ವಿಷಯವನ್ನು ಸಾರ್ವಜನಿಕವಾಗಿ ಹಂಚಿಕೊಳ್ಳುವ ಅಗತ್ಯವಿದೆ ಎಂದು ನನಗೆ ಎಂದಿಗೂ ಅನ್ನಿಸಲಿಲ್ಲ, ಅಷ್ಟೇ. ಇದು ನನ್ನ ವೈಯಕ್ತಿಕ ಜೀವನ, ಹಾಗಾಗಿ ಅದನ್ನು ಎಲ್ಲರಿಗೂ ತಿಳಿಸುವ ಅಥವಾ ಪ್ರಚಾರ ಮಾಡುವ ಅಗತ್ಯವಿರಲಿಲ್ಲ' ಎಂದು ವಿಜಯ್ ದೇವರಕೊಂಡ ಹೇಳಿದರು.

'ತಮ್ಮ ಸಂಬಂಧವು ಮನರಂಜನೆ ಅಥವಾ ಗಾಸಿಪ್‌ಗಾಗಿ ಅಲ್ಲ. ನಮ್ಮ ಸಂಬಂಧವು ನಮಗಾಗಿಯೇ ಮೀಸಲು. ಜೀವನದಲ್ಲಿ ನಾವು ಯಾವುದನ್ನು ರಕ್ಷಿಸಿಕೊಳ್ಳಲು ಬಯಸುತ್ತೇವೆಯೋ, ಅದನ್ನು ಖಾಸಗಿಯಾಗಿಯೇ ಇಟ್ಟುಕೊಳ್ಳುತ್ತೇವೆ' ಎಂದು ರಶ್ಮಿಕಾ ಮಂದಣ್ಣ ಹೇಳಿದರು.

ಮದುವೆಗೆ ಒಂದು ವರ್ಷ ಮುಂಚಿತವಾಗಿಯೇ ತಾವು ರಶ್ಮಿಕಾ ಅವರ ಮೇಲೆ ಅವಲಂಬಿತನಾಗಿದ್ದೇನೆ ಎಂದು ಅನ್ನಿಸಿತ್ತು. ಅವರೊಂದಿಗೆ ಕೆಲಸ ಮಾಡುವಾಗ, ತರಬೇತಿ ಪಡೆಯುವಾಗ ಅಥವಾ ಯಾವುದೇ ಚಟುವಟಿಕೆಯಲ್ಲಿ ತೊಡಗಿರುವಾಗ ಸಿಗುವ ಆನಂದವು, ಬೇರೆಯವರೊಂದಿಗೆ ಅಥವಾ ಏಕಾಂಗಿಯಾಗಿ ಆ ಕೆಲಸಗಳನ್ನು ಮಾಡುವಾಗ ಸಿಗುವ ಆನಂದಕ್ಕಿಂತ ಹೆಚ್ಚು ಎಂಬುದನ್ನು ನಾನು ಅರಿತುಕೊಂಡಿದ್ದೆ ಎಂದು ವಿಜಯ್ ಹೇಳಿದರು.

'ನಾನು ಒಬ್ಬನೇ ಊಟ ಮಾಡುತ್ತಿದ್ದಾಗ, ರಶ್ಮಿಕಾ ಕೂಡ ನನ್ನೊಂದಿಗೆ ಇದ್ದಿದ್ದರೆ ಅದು ಇನ್ನೂ ಚೆನ್ನಾಗಿರುತ್ತಿತ್ತು ಮತ್ತು ಹೆಚ್ಚು ಆನಂದದಾಯಕವಾಗುತ್ತಿತ್ತು ಎಂದು ನನಗೆ ಅನ್ನಿಸುತ್ತಿತ್ತು. ಕಳೆದ ಒಂದು ವರ್ಷದಲ್ಲಿ, ನನ್ನ ಜೀವನದ ಪ್ರತಿಯೊಂದು ಹಂತದಲ್ಲೂ ನಾನು ಆಕೆಯ ಕೊರತೆಯನ್ನು ಅನುಭವಿಸುತ್ತಿದ್ದೆ ಮತ್ತು ಆಕೆಯೊಂದಿಗೆ ಎಲ್ಲವೂ ಹೆಚ್ಚು ಉತ್ತಮವಾಗಿರುತ್ತಿತ್ತು ಎಂಬುದು ನನಗೆ ಅರಿವಾಯಿತು. ಆಗ ನಾನು 'ನಾವು ಮದುವೆಯಾಗೋಣ' ಎಂದು ನಿರ್ಧರಿಸಿದೆ' ಎಂದು ಹೇಳಿದರು.

ಈ ಕುರಿತು ರಶ್ಮಿಕಾ ಮಾತನಾಡುತ್ತಾ, ಮೂರ್ನಾಲ್ಕು ವರ್ಷಗಳ ಕಾಲ ಪರಸ್ಪರ ಬಲ್ಲವರಾಗಿದ್ದ ನಂತರ, ತಮ್ಮ ನಡುವೆ ಒಂದು ವಿಶೇಷವಾದ ಬಾಂಧವ್ಯ ಏರ್ಪಟ್ಟಿದೆ ಎಂಬುದನ್ನು ತಾವು ಅರಿತುಕೊಂಡೆವು. 'ನಾವು ಒಬ್ಬರಿಗೊಬ್ಬರು ಜೊತೆಗಿದ್ದಾಗ ಹೆಚ್ಚು ಪರಿಪೂರ್ಣರೆನಿಸುತ್ತಿದ್ದೆವು' ಎಂದರು.

ರಶ್ಮಿಕಾ ಮತ್ತು ವಿಜಯ್ ಎಂದಿಗೂ ಪರಸ್ಪರ ತಮ್ಮ ಪ್ರೇಮ ನಿವೇದನೆ ಮಾಡಿಕೊಂಡಿಲ್ಲ. ಅವರು ಪರಸ್ಪರರ ಪ್ರೀತಿಯಲ್ಲಿ ಬಿದ್ದರು ಮತ್ತು ದಿನ ಕಳೆದಂತೆ ಆ ಪ್ರೀತಿ ಇನ್ನಷ್ಟು ಗಾಢವಾಗುತ್ತಾ ಹೋಯಿತು. ಅಂತಿಮವಾಗಿ ವಿವಾಹವಾದರು.