ವಿಡಿಯೋ

ದೇಶೀ ಕ್ರಿಕೆಟ್ ನ ಅದ್ಬುತ ಕ್ಯಾಚ್

ಅಂತಾರಾಷ್ಟ್ರೀಯ ಕ್ರಿಕೆಟ್ ನಲ್ಲಿ ಮಾತ್ರ ಅದ್ಭುತ ಕ್ಯಾಚ್ ಗಳು ದಾಖಲಾಗುತ್ತವೆ ಎಂದು ವಾದ ಮಂಡಿಸುವವರಿಗೆ ಟಾಂಗ್ ನೀಡುವ ಪರಿಯಲ್ಲಿ ಇಲ್ಲೊಂದು ದೇಶೀ ಕ್ರಿಕೆಟ್ ಸರಣಿಯಲ್ಲಿ ಅದ್ಭುತ ಕ್ಯಾಚ್ ವೊಂದು ದಾಖಲಾಗಿದೆ. ಬ್ಯಾಟ್ಸಮನ್ ಸಿಕ್ಸರ್ ಸಿಡಿಸಿದ ಚೆಂಡನ್ನು ಬೌಂಡರ್ ಲೈನ್ ಮೇಲೆ ಹಾರಿ ಅದನ್ನು ತಡೆದು ಬೇರೊಬ್ಬ ಕ್ಷೇತ್ರರಕ್ಷಕ ಅದನ್ನು ಕ್ಯಾಚ್ ಪಡೆಯುವಂತೆ ಮಾಡಿದ ಪರಿ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

'ಕಪೂರ್ ಅಂಡ್ ಸನ್ಸ್' ಟ್ರೇಲರ್

ಶಕುನ್ ಬಾತ್ರಾ ನಿರ್ದೇಶನದ, ರಿಷಿ ಕಪೂರ್, ಸಿದ್ಧಾರ್ಥ್ ಮಲ್ಹೊತ್ರಾ, ಆಲಿಯಾ ಭಟ್ ಮುಂತಾದವರು ನಟಿಸಿರುವ ಈ ಕಾಮಿಡಿ ಚಿತ್ರದ ಟೇಲರ್ ಸಾಮಾಜಿಕ ಜಾಲತಾಣದಲ್ಲಿ ಜನಪ್ರಿಯವಾಗಿದೆ. ನೀವೂ ನೋಡಿ. ಸಿನೆಮಾ ಮಾರ್ಚ್ ೧೮ಕ್ಕೆ ಬಿಡುಗಡೆಯಾಗಲಿದೆ.

ಜೆಸ್ಸಿ ಚಿತ್ರದ ಪ್ರೋಮೋ ಹೆಲ್ಮೆಟ್ ಸಾಂಗ್

ರಾಜ್ಯದಲ್ಲಿ ಹಿಂಬದಿ ಸವಾರರಿಗೂ ಹೆಲ್ಮೆಟ್ ಕಡ್ಡಾಯ ಮಾಡಿರುವ ಕುರಿತು ಪರ ವಿರೋಧ ಚರ್ಚೆಗಳು ಸಾಕಷ್ಟು ನಡೆಯುತ್ತಿವೆ. ಈ ಮಧ್ಯೆ ನಿರ್ದೇಶಕ ಪವನ್ ಒಡೆಯರ್ ಮತ್ತು ಸಂಗೀತ ನಿರ್ದೇಶಕ ಅನುಪ್ ಸೀಳಿನ್ ಹೆಲ್ಮೆಟ್ ಸಾಂಗ್ ಒಂದನ್ನು ರೆಡಿ ಮಾಡಿದ್ದಾರೆ. ಹೆಲ್ಮೆಟ್ ಬೇಕೋ ಬೇಡ್ವೋ ಎಂದು ಎರಡನ್ನು ಹೇಳುವ ಸಾಂಗ್ ಚೆನ್ನಾಗಿ ಮೂಡಿಬಂದಿದೆ.

ಕೌದಿ ಚಿತ್ರದ ಟ್ರೈಲರ್

ಹಿರಿಯನಟಿ ಬಿ.ಜಯಶ್ರೀ ಅವರು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಕೌದಿ ಚಿತ್ರವು ಲೇಖಕ ಅನಂತ ಶ್ರಾಂದೇಯ ಅವರ "ಕೌದಿ" ಕಾದಂಬರಿ ಆಧಾರಿತ ಚಿತ್ರವಾಗಿದ್ದು, ಚಿತ್ರದಲ್ಲಿನ ಜಯಶ್ರೀ ಅವರ ಪಾತ್ರಕ್ಕೆ "ಅತ್ಯುತ್ತಮ ಪೋಷಕ ನಟಿ" ಪ್ರಶಸ್ತಿ ದೊರೆತಿದೆ. ಆದರೆ ನಟಿ ಜಯಶ್ರೀ ಅವರು ಪ್ರಶಸ್ತಿಯನ್ನು ತಿರಸ್ಕಾರ ಮಾಡಿದ್ದು, ಚರ್ಚೆಗೆ ಕಾರಣವಾಗಿದೆ.

ವಿಶ್ವದಲ್ಲೇ ಅತಿ ಹೆಚ್ಚು ಮಾರಾಟ: ಬಿಎಂಡಬ್ಲ್ಯೂ ಐ8ಗೆ ಅಗ್ರ ಸ್ಥಾನ

ಖ್ಯಾತ ಕಾರು ತಯಾರಿಕಾ ಸಂಸ್ಥೆಯ ಬಿಎಂಡಬ್ಲ್ಯೂ ಐ8 ಸರಣಿಯ ಕಾರುಗಳು ವಿಶ್ವದಲ್ಲೇ ಅತಿ ಹೆಚ್ಚು ಮಾರಾಟವಾಗುತ್ತಿರುವ ಕಾರುಗಳ ಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆದಿದೆ. 2013ರಲ್ಲಿ ಬಿಡುಗಡೆಯಾದ ಈ ಕಾರು ಮಾರಾಟ ಪ್ರಕ್ರಿಯೆಯಲ್ಲಿ ಇತರೆ ಸಂಸ್ಥೆಗಳ ಕಾರುಗಳನ್ನು ಆರಂಭದಿಂದಲೂ ಹಿಂದಿಕ್ಕಿದ್ದು, ಇದೀಗ ವಿಶ್ವದ ಅತಿ ಹೆಚ್ಚು ಮಾರಾಟವಾದ ಕಾರುಗಳ ಪಟ್ಟಿಯಲ್ಲಿ ಅಗ್ರ ಸ್ಥಾನಕ್ಕೇರಿದೆ.

'ದ ಜಂಗಲ್ ಬುಕ್' - ಹೊಸ ಟ್ರೇಲರ್

ರಡ್ಯಾರ್ಡ್ ಕಿಪ್ಲಿಂಗ್ ಅವರ 'ದ ಜಂಗಲ್ ಬುಕ್' ಪುಸ್ತಕ ಆಧಾರಿತ ಸಿನೆಮಾ ಏಪ್ರಿಲ್ ೧೫ ಕ್ಕೆ ಬಿಡುಗಡೆಯಾಗಲಿದೆ. 'ಐರನ್ ಮ್ಯಾನ್' ಖ್ಯಾತಿಯ ಜಾನ್ ಫೆವ್ರು ಈ ಸಿನೆಮಾವನ್ನು ನಿರ್ದೇಶಿಸಿದ್ದು, ೩-ಡಿ ಆವೃತ್ತಿಯಲ್ಲಿ ಬಿಡುಗಡೆಯಾಗಲಿದೆ. ಈ ನೂತನ ಟ್ರೇಲರ್ ನೋಡಿ.

ಇಬ್ಬರ ಸಾವಿಗೆ ಕಾರಣವಾದ ಭೀಕರ ಅಪಘಾತ ದೃಶ್ಯ ಸಿಸಿಟಿವಿಯಲ್ಲಿ ಸೆರೆ

ಬ್ಯಾಂಕ್ ಮ್ಯಾನೇಜರ್ ಕಳಪೆ ಡ್ರೈವಿಂಗ್ ನಿಂದಾಗಿ ಅಪಘಾತದಲ್ಲಿ ಇಬ್ಬರು ಸಾವನ್ನಪ್ಪಿರುವ ಘಟನೆ ಚೆನ್ನೈನಲ್ಲಿ ಸಂಭವಿಸಿತ್ತು. ಈ ಅಪಘಾತದ ದೃಶ್ಯಾವಳಿ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ದೃಶ್ಯಾವಳಿ ತುಂಬಾ ಭೀಕರತೆಯಿಂದ ಕೂಡಿದೆ. ಚೆನ್ನೈನ ಅಪಾರ್ಟ್ ಮೆಂಟ್ ವೊಂದರಲ್ಲಿ 6 ಮಂದಿ ಗುಂಪಿನಲ್ಲಿ ಮಾತನಾಡುತ್ತಿದ್ದ ವೇಳೆ ಬ್ಯಾಂಕ್ ಮ್ಯಾನೇಜರ್ ಕಾರನ್ನು ವೇಗವಾಗಿ ಚಲಾಯಿಸಿದ್ದಾನೆ. ಕಾರು ಡಿಕ್ಕಿಯ ರಭಸಕ್ಕೆ ನಾಲ್ಕು ಮಂದಿ ದೂರಕ್ಕೆ ಎಸೆಯಲ್ಪಟ್ಟು ಅದರಲ್ಲಿ ಇಬ್ಬರು ಸಾವನ್ನಪ್ಪಿದ್ದಾರೆ.

ಮದಗಜ ರೌದ್ರವತಾರಕ್ಕೆ ಮನೆಗಳು ಜಕಂ, ಭಯಭೀತರಾದ ಜನತೆ

ಮದವೇರಿದ ಒಂಟಿ ಸಲಗವೊಂದು ಪಶ್ಚಿಮ ಬಂಗಾಳದ ಸಿಲಿಗುರಿಯ ಜಲ್ಪೈಗುರಿ ವಸತಿ ಪ್ರದೇಶವೊಂದರ ಮೇಲೆ ದಾಳಿ ನಡೆಸಿದೆ. ಸಿಕ್ಕ ಸಿಕ್ಕ ಮನೆಗಳ ಮೇಲೆ ದಾಳಿ ಮಾಡಿದ್ದು, ನೂರಾರು ಮನೆಗಳು ಜಕಂಗೊಂಡಿವೆ. ಆನೆಯನ್ನು ಹಿಡಿಯಲು ಅರಣ್ಯ ಸಿಬ್ಬಂದಿ ಹರಸಾಹಸ ಪಡುತ್ತಿದ್ದಾರೆ.

ಬೋರ್ನ್ ಸರಣಿಯ 'ಜೇಸನ್ ಬೋರ್ನ್' ಮತ್ತೆ ಬರಲಿದ್ದಾನೆ- ಟ್ರೇಲರ್

ರಾಬರ್ಟ್ ಲಡ್ಲಮ್ ಕಾದಂಬರಿಗಳನ್ನಾಧರಿಸಿ ನಿರ್ಮಿಸಲಾಗಿದ್ದ ಬೋರ್ನ್ ಸರಣಿ ಸಿನೆಮಾಗಳು ಅತಿ ಜನಪ್ರಿಯ. ಈಗ ಆ ಸರಣಿಯ ಪಾತ್ರವನ್ನೇ ಮುಂದುವರೆಸಿದ 'ಜೇಸನ್ ಬೋರ್ನ್' ಸಿನೆಮಾ ಮತ್ತೆ ತೆರೆಗೆ ಅಪ್ಪಳಿಸಲು ಸಿದ್ಧವಾಗಿದೆ. ಮ್ಯಾಟ್ ಡೆಮನ್ ಅಭಿನಯದ ಈ ಚಿತ್ರ ಅಭಿಮಾನಿಗಳಲ್ಲಿ ಹೆಚ್ಚೆಚ್ಚು ನಿರೀಕ್ಷೆ ಹುಟ್ಟಿಸಿದೆ.