ಮಟನ್ ರೋಸ್ಟ್ | Mutton Roast Recipe in Kannada

ಬೇಕಾಗುವ ಪದಾರ್ಥಗಳು..

• ಮಟನ್: 1/2 ಕೆಜಿ (ಚಿಕ್ಕದಾಗಿ ಕತ್ತರಿಸಿದ್ದು)

• ಈರುಳ್ಳಿ: 2-3 (ಸಣ್ಣದಾಗಿ ಹೆಚ್ಚಿದ್ದು)

• ಶುಂಠಿ-ಬೆಳ್ಳುಳ್ಳಿ ಪೇಸ್ಟ್: 1 ದೊಡ್ಡ ಚಮಚ

• ಖಾರದ ಪುಡಿ: 1-2 ಚಮಚ (ರುಚಿಗೆ ತಕ್ಕಂತೆ)

• ದನಿಯಾ ಪುಡಿ: 1 ಚಮಚ

• ಗರಂ ಮಸಾಲ ಪುಡಿ: 1/2 ಚಮಚ

• ಅರಿಶಿನ ಪುಡಿ: 1/2 ಚಮಚ

• ಕಾಳು ಮೆಣಸಿನ ಪುಡಿ: 1 ಚಮಚ

• ಕರಿಬೇವು: 2 ಎಸಳು

• ಹಸಿಮೆಣಸಿನಕಾಯಿ: 2-3

• ಎಣ್ಣೆ ಅಥವಾ ತುಪ್ಪ: 3-4 ಚಮಚ

• ನಿಂಬೆ ರಸ: 1 ಚಮಚ

• ಉಪ್ಪು: ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ...

• ಕುಕ್ಕರ್‌ನಲ್ಲಿ ಮಟನ್, ಅರಿಶಿನ, ಉಪ್ಪು, ಸ್ವಲ್ಪ ಖಾರದ ಪುಡಿ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಮತ್ತು ಸ್ವಲ್ಪ ನೀರು ಸೇರಿಸಿ 4-5 ಸೀಟಿ ಬರುವವರೆಗೆ ಬೇಯಿಸಿಕೊಳ್ಳಿ.

• ಒಂದು ಬಾಣಲೆಗೆ ಎಣ್ಣೆ ಅಥವಾ ತುಪ್ಪ ಹಾಕಿ ಬಿಸಿ ಮಾಡಿ. ಅದಕ್ಕೆ ಕರಿಬೇವು, ಹಸಿಮೆಣಸಿನಕಾಯಿ ಮತ್ತು ಈರುಳ್ಳಿ ಸೇರಿಸಿ ಚೆನ್ನಾಗಿ ಹುರಿಯಿರಿ. ಈರುಳ್ಳಿ ಚಿನ್ನ ಬಣ್ಣ ಬರುವವರೆಗೆ ಹುರಿಯಬೇಕು.

• ಈಗ ಇದಕ್ಕೆ ಧನಿಯಾ ಪುಡಿ, ಖಾರದ ಪುಡಿ ಮತ್ತು ಗರಂ ಮಸಾಲ ಸೇರಿಸಿ ಸಣ್ಣ ಉರಿಯಲ್ಲಿ 1 ನಿಮಿಷ ಹುರಿಯಿರಿ.

• ಬೇಯಿಸಿದ ಮಟನ್ ಅನ್ನು ಮಸಾಲೆಯೊಂದಿಗೆ ಸೇರಿಸಿ (ಮಟನ್ ಬೇಯಿಸಿದ ನೀರು ಇದ್ದರೆ ಅದನ್ನೂ ಸೇರಿಸಿ). ಮಟನ್ ನೀರಿನಂಶ ಸಂಪೂರ್ಣವಾಗಿ ಆವಿಯಾಗಿ ಅದು ಎಣ್ಣೆ ಬಿಡುವವರೆಗೆ ಚೆನ್ನಾಗಿ ಫ್ರೈ ಮಾಡಿ.

• ಕೊನೆಯಲ್ಲಿ ಕಾಳು ಮೆಣಸಿನ ಪುಡಿ ಮತ್ತು ಲಿಂಬೆ ರಸ ಸೇರಿಸಿ ಚೆನ್ನಾಗಿ ಕಲಸಿ. ಬೇಕಿದ್ದಲ್ಲಿ ಸಣ್ಣದಾಗಿ ಹೆಚ್ಚಿದ ಕೊತ್ತಂಬರಿ ಸೊಪ್ಪನ್ನು ಮೇಲಿನಿಂದ ಉದುರಿಸಿ. ಇದೀಗ ರುಚಿಕರವಾದ ಮಟನ್ ರೋಸ್ಟ್ ಸವಿಯಲು ಸಿದ್ಧ.