RCB vs UPW ಪಂದ್ಯದ ವೇಳೆ ಒಂದೇ ಓವರ್‌ನಲ್ಲಿ 32 ರನ್; ಡಿಯಾಂಡ್ರಾ ಡಾಟಿನ್‌ಗೆ ಬೆವರಿಳಿಸಿದ ಗ್ರೇಸ್ ಹ್ಯಾರಿಸ್!
ಗ್ರೇಸ್ ಹ್ಯಾರಿಸ್ ಅವರ ಬ್ಯಾಟಿಂಗ್ ನೆರವಿನಿಂದ, ಆರ್‌ಸಿಬಿ ತಂಡವು 6 ಓವರ್‌ಗಳ ನಂತರ 78/0 ರನ್ ಗಳಿಸುವ ಮೂಲಕ ಡಬ್ಲ್ಯುಪಿಎಲ್ ಇತಿಹಾಸದಲ್ಲಿ ಮೂರನೇ ಅತ್ಯಧಿಕ ಪವರ್‌ಪ್ಲೇ ಸ್ಕೋರ್ ದಾಖಲಿಸಿತು.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ಮಹಿಳಾ ತಂಡದ ತಾರೆ ಗ್ರೇಸ್ ಹ್ಯಾರಿಸ್, ಯುಪಿ ವಾರಿಯರ್ಜ್‌ನ ಡಿಯಾಂಡ್ರಾ ಡಾಟಿನ್ ಎಸೆತದಲ್ಲಿ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ನೀಡಿ, ಕೇವಲ ಒಂದು ಓವರ್‌ನಲ್ಲಿಯೇ 32 ರನ್‌ಗಳನ್ನು ಗಳಿಸಿದರು. ಡೆಲ್ಲಿ ಕ್ಯಾಪಿಟಲ್ಸ್ vs ಗುಜರಾತ್ ಜೈಂಟ್ಸ್ ಪಂದ್ಯದಲ್ಲಿ ಸೋಫಿ ಡಿವೈನ್ ಕೂಡ ಸ್ನೇಹ್ ರಾಣಾ ಅವರ ಎಸೆತದಲ್ಲಿ 32 ರನ್ ಗಳಿಸುವ ಮೂಲಕ ಡಬ್ಲ್ಯುಪಿಎಲ್‌ನಲ್ಲಿ ಅತ್ಯಂತ ದುಬಾರಿ ಓವರ್ ಆಗಿ ಮಾಡಿದ್ದರು. ಇದಾದ ಒಂದು ದಿನದ ಬಳಿಕ ಮತ್ತೊಮ್ಮೆ ಒಂದೇ ಓವರ್‌ನಲ್ಲಿ 32 ರನ್ ಬಂದಿದೆ. ಯುಪಿಡಬ್ಲ್ಯು ನೀಡಿದ್ದ 143 ರನ್‌ಗಳ ಗುರಿಯನ್ನು ಬೆನ್ನಟ್ಟಿದಾಗ, ಗ್ರೇಸ್ ಹ್ಯಾರಿಸ್ ಅವರು 17 ಎಸೆತಗಳಲ್ಲಿ 25 ರನ್‌ಗಳಿಂದ 24 ಎಸೆತಗಳಲ್ಲಿ 55 ರನ್‌ಗಳಿಗೆ ತಲುಪಿಸಿತು.
6ನೇ ಓವರ್ ಅನ್ನು ಡಾಟಿನ್ ಅತ್ಯಂತ ಕೆಟ್ಟ ರೀತಿಯಲ್ಲಿ ಆರಂಭಿಸಿದರು. ನೋ ಬಾಲ್ ಆಗುವುದರೊಂದಿಗೆ ಚೆಂಡು ಬೌಂಡರಿ ಹೋಯಿತು. ಬಳಿಕ ಮುಂದಿನ ಫ್ರೀ-ಹಿಟ್ ಅನ್ನು ಸಂಪೂರ್ಣವಾಗಿ ಬಳಸಿಕೊಂಡ ಹ್ಯಾರಿಸ್ ಮುಂದಿನ ಎಸೆತದಲ್ಲಿ ಸಿಕ್ಸರ್ ಬಾರಿಸಿದರು. ಗ್ರೇಸ್ ಮುಂದಿನ ಮೂರು ಎಸೆತಗಳಲ್ಲಿ ಬೌಂಡರಿ ಮತ್ತು ಸತತ ಎರಡು ಸಿಕ್ಸರ್‌ಗಳನ್ನು ಬಾರಿಸಿದರು. ಮುಂದಿನ ಎಸೆತದಲ್ಲಿ ವೈಡ್ ಬಾಲ್ ಆಯಿತು. ಗ್ರೇಸ್ ಆ ಓವರ್‌ನ ಕೊನೆಯ ಎಸೆತದಲ್ಲಿ ಮತ್ತೊಂದು ಬೌಂಡರಿ ಬಾರಿಸಿದರು. ಅಂತಿಮವಾಗಿ, ಹ್ಯಾರಿಸ್ 32 ರನ್ ಗಳಿಸುವ ಮೂಲಕ ಓವರ್ ಮುಗಿಸಿದರು.
WPL ನಲ್ಲಿ ಅತ್ಯಂತ ದುಬಾರಿ ಓವರ್‌ಗಳು
32 ರನ್‌ಗಳು; ಸ್ನೇಹಾ ರಾಣಾ, DC vs GG ನವಿ ಮುಂಬೈ 2026
32 ರನ್‌ಗಳು; ಡಿಯಾಂಡ್ರಾ ಡಾಟಿನ್, UPW vs RCB ನವಿ ಮುಂಬೈ 2026*
28 ರನ್‌ಗಳು; ದೀಪ್ತಿ ಶರ್ಮಾ, UPW vs RCB ಲಕ್ನೋ 2025
25 ರನ್‌ಗಳು; ತನುಜಾ ಕನ್ವರ್, GG vs RCB ಬ್ರಬೋರ್ನ್ 2023
ಗ್ರೇಸ್ ಹ್ಯಾರಿಸ್ ಅವರ ಬ್ಯಾಟಿಂಗ್ ನೆರವಿನಿಂದ, ಆರ್‌ಸಿಬಿ ತಂಡವು 6 ಓವರ್‌ಗಳ ನಂತರ 78/0 ರನ್ ಗಳಿಸುವ ಮೂಲಕ ಡಬ್ಲ್ಯುಪಿಎಲ್ ಇತಿಹಾಸದಲ್ಲಿ ಮೂರನೇ ಅತ್ಯಧಿಕ ಪವರ್‌ಪ್ಲೇ ಸ್ಕೋರ್ ದಾಖಲಿಸಿತು. ಹ್ಯಾರಿಸ್ ಕೇವಲ 22 ಎಸೆತಗಳಲ್ಲಿ ಅರ್ಧಶತಕ ಬಾರಿಸಿದರು. ಈ ಮೂಲಕ ಡಬ್ಲ್ಯುಪಿಎಲ್‌ನಲ್ಲಿ ಪವರ್‌ಪ್ಲೇನಲ್ಲಿ ಐವತ್ತು ರನ್ ಗಳಿಸಿದ ನಾಲ್ಕನೇ ಮತ್ತು ಮೂರನೇ ಅತ್ಯಂತ ವೇಗದ ಆಟಗಾರ್ತಿ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.
ಯುಪಿ ವಾರಿಯರ್ಜ್‌ನ ಬೌಲಿಂಗ್ ದಾಳಿಯನ್ನು ಹಿಮ್ಮೆಟ್ಟಿಸಿದ ಹ್ಯಾರಿಸ್ ಆರ್‌ಸಿಬಿ ಸುಲಭವಾಗಿ ಗೆಲುವಿನ ದಡ ಸೇರಲು ನೆರವಾದರು. ಅಂತಿಮವಾಗಿ ಅವರು 40 ಎಸೆತಗಳಲ್ಲಿ 85 ರನ್‌ಗಳಿಗೆ ಔಟಾದರು. ಕೊನೆಯಲ್ಲಿ, ಸ್ಮೃತಿ ಮಂಧಾನ ಮತ್ತು ಪಡೆ 9 ವಿಕೆಟ್‌ಗಳ ಸುಲಭ ಜಯ ಸಾಧಿಸಿತು. ಇನ್ನೂ 47 ಎಸೆತಗಳು ಬಾಕಿ ಇರುವಾಗಲೇ ಗುರಿ ಮುಟ್ಟಿತು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.