WPL 2027: ಹರಾಜಿಗೂ ಮುನ್ನ ಗ್ರೇಸ್ ಹ್ಯಾರಿಸ್ ಸೇರಿ ನಾಲ್ವರನ್ನು ರಿಲೀಸ್ ಮಾಡಿದ RCB; 9 ಆಟಗಾರ್ತಿಯರನ್ನು ಕೈಬಿಟ್ಟ ಯುಪಿ ವಾರಿಯರ್ಸ್!

ಅಕ್ಟೋಬರ್ 28 ರಂದು ಕೊಚ್ಚಿಯಲ್ಲಿ ನಡೆಯಲಿರುವ 2027ರ WPL ಹರಾಜಿಗೆ ಮುಂಚಿತವಾಗಿ ಹಾಲಿ ಚಾಂಪಿಯನ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ಸೋಮವಾರ ಆಸ್ಟ್ರೇಲಿಯಾದ ವಿನಾಶಕಾರಿ ಬ್ಯಾಟ್ಸ್‌ಮನ್ ಗ್ರೇಸ್ ಹ್ಯಾರಿಸ್ ಅವರನ್ನು ಬಿಡುಗಡೆ ಮಾಡಲು ನಿರ್ಧರಿಸಿದೆ. ಬಿಸಿಸಿಐನ ಆಟಗಾರರನ್ನು ಉಳಿಸಿಕೊಳ್ಳುವ ಗಡುವು ಸೋಮವಾರ ಕೊನೆಗೊಂಡಿತು. ಐದು ತಂಡಗಳು 23 ವಿದೇಶಿ ಆಟಗಾರರನ್ನು ಒಳಗೊಂಡಂತೆ 63 ಆಟಗಾರರನ್ನು ಉಳಿಸಿಕೊಂಡಿವೆ.

2026ರಲ್ಲಿ RCB ವಿಜಯೋತ್ಸವದ ಭಾಗವಾಗಿರದ ಆಸ್ಟ್ರೇಲಿಯಾದ ಸ್ಟಾರ್ ಆಲ್‌ರೌಂಡರ್ ಎಲ್ಲಿಸ್ ಪೆರ್ರಿ, ಜನವರಿ 14 ರಿಂದ ಪ್ರಾರಂಭವಾಗುವ ಮುಂದಿನ ಆವೃತ್ತಿಗೆ ತನ್ನನ್ನು ತಾನು ಲಭ್ಯವಾಗುವಂತೆ ಮಾಡಿಕೊಂಡಿದ್ದಾರೆ. ಗ್ರೇಸ್ ಹ್ಯಾರಿಸ್, ಡಿ ಹೇಮಲತಾ, ಗೌತಮಿ ನಾಯಕ್ ಮತ್ತು ಲಿನ್ಸೆ ಸ್ಮಿತ್ ಸೇರಿದಂತೆ ಒಟ್ಟು ನಾಲ್ಕು ಆಟಗಾರ್ತಿಯರನ್ನು RCB ಬಿಡುಗಡೆ ಮಾಡಿದೆ. 'ಹರಾಜಿಗೆ ಮುಂಚಿತವಾಗಿ 7 ವಿದೇಶಿ ಸ್ಲಾಟ್‌ಗಳು ಸೇರಿದಂತೆ ಒಟ್ಟು 27 ಸ್ಲಾಟ್‌ಗಳು ಲಭ್ಯವಿದೆ' ಎಂದು ಬಿಸಿಸಿಐ ಪ್ರಕಟಣೆಯಲ್ಲಿ ತಿಳಿಸಿದೆ.

ಅತ್ಯಧಿಕ ಸಂಖ್ಯೆಯ ಆಟಗಾರ್ತಿಯರನ್ನು ಬಿಡುಗಡೆ ಮಾಡಿರುವ 'ಯುಪಿ ವಾರಿಯರ್ಸ್' (UP Warriorz) ತಂಡವು ₹3.65 ಕೋಟಿ ರೂಪಾಯಿಗಳ ಗರಿಷ್ಠ ಮೊತ್ತದೊಂದಿಗೆ ಹರಾಜಿನಲ್ಲಿ ಪಾಲ್ಗೊಳ್ಳಲಿದೆ. ತಂಡವು ಬಿಡುಗಡೆ ಮಾಡಿದ ಆಟಗಾರ್ತಿಯರ ಪೈಕಿ ಕಿರಣ್ ನವ್ಗಿರೆ ಮತ್ತು ಡಿಯಾಂಡ್ರಾ ಡಾಟಿನ್ ಕೂಡ ಸೇರಿದ್ದಾರೆ.

WPLನ ಎಲ್ಲ ನಾಲ್ಕು ಫೈನಲ್‌ಗಳಲ್ಲಿಯೂ ಸೋತಿರುವ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು, ಆಸ್ಟ್ರೇಲಿಯಾದ ಲೆಗ್ ಸ್ಪಿನ್ನರ್ ಅಲಾನಾ ಕಿಂಗ್ ಸೇರಿದಂತೆ ಆರು ಆಟಗಾರ್ತಿಯರನ್ನು ತಂಡದಿಂದ ಬಿಡುಗಡೆ ಮಾಡಿದೆ. ಬಿಡುಗಡೆಗೊಂಡ ಇತರ ಆಟಗಾರ್ತಿಯರಲ್ಲಿ ಸ್ನೇಹ ರಾಣಾ ಮತ್ತು ಲಿಜೆಲ್ ಲೀ ಸೇರಿದ್ದಾರೆ.

ಎರಡು ಬಾರಿ ಚಾಂಪಿಯನ್ ಆಗಿರುವ ಮುಂಬೈ ಇಂಡಿಯನ್ಸ್ ತಂಡವು, ಜಿ ಕಮಲಿನಿ ಮತ್ತು ಎಡಗೈ ಸ್ಪಿನ್ನರ್ ಸೈಕಾ ಇಶಾಕ್ ಸೇರಿದಂತೆ ಆರು ಆಟಗಾರ್ತಿಯರನ್ನು ಬಿಡುಗಡೆ ಮಾಡಿದೆ.

ಗುಜರಾತ್ ಜೈಂಟ್ಸ್ ತಂಡ ಬಿಡುಗಡೆ ಮಾಡಿದ ಪ್ರಮುಖ ಆಟಗಾರ್ತಿ ಇಂಗ್ಲೆಂಡ್‌ನ ಬ್ಯಾಟರ್ ಡೇನಿಯಲ್ ವ್ಯಾಟ್-ಹಾಡ್ಜ್ ಆಗಿದ್ದಾರೆ.

ಉಳಿಸಿಕೊಳ್ಳಲಾದ ಆಟಗಾರರ ಸಂಪೂರ್ಣ ಪಟ್ಟಿ...

ದೆಹಲಿ ಕ್ಯಾಪಿಟಲ್ಸ್ (DC)

ಅನ್ನಾಬೆಲ್ ಸದರ್‌ಲ್ಯಾಂಡ್*, ಚಿನೆಲ್ಲೆ ಹೆನ್ರಿ*, ದೀಯಾ ಯಾದವ್, ಜೆಮಿಮಾ ರೋಡ್ರಿಗಸ್, ಲಾರಾ ವೊಲ್ವಾರ್ಡ್*, ಲೂಸಿ ಹ್ಯಾಮಿಲ್ಟನ್*, ಮಮತಾ ಮಡಿವಾಳ, ಮರಿಜಾನ್ನೆ ಕಾಪ್*, ಮಿನ್ನು ಮಣಿ, ಎನ್ ಶ್ರೀ ಚರಣಿ, ನಂದನಿ ಶರ್ಮಾ, ನಿಕಿ ಪ್ರಸಾದ್, ಶಫಾಲಿ ವರ್ಮಾ

ಗುಜರಾತ್ ಜೈಂಟ್ಸ್ (GG)

ಅನುಷ್ಕಾ ಶರ್ಮಾ, ಆಶ್ಲೀ ಗಾರ್ಡನರ್*, ಬೆತ್ ಮೂನಿ*, ಭಾರ್ತಿ ಫುಲ್ಮಾಲಿ, ಜಾರ್ಜಿಯಾ ವೇರ್‌ಹ್ಯಾಮ್*, ಹ್ಯಾಪಿ ಕುಮಾರಿ, ಜಿಂತಿಮಣಿ ಕಲಿತಾ, ಕನಿಕಾ ಅಹುಜಾ, ಕಾಶ್ವೀ ಗೌತಮ್, ಕಿಮ್ ಗಾರ್ತ್*, ರಾಜೇಶ್ವರಿ ಗಾಯಕ್‌ವಾಡ್, ರೇಣುಕಾ ಸಿಂಗ್ ಠಾಕೂರ್, ಸೋಫಿ ಡಿವೈನ್, ತನುಜಾ ಕನ್ವರ್, ಯಸ್ತಿಕಾ ಭಾಟಿಯಾ

ಮುಂಬೈ ಇಂಡಿಯನ್ಸ್ (MI)

ಅಮನ್‌ಜೋತ್ ಕೌರ್, ಅಮೆಲಿಯಾ ಕೆರ್*, ಹರ್ಮನ್‌ಪ್ರೀತ್ ಕೌರ್, ಹೇಲಿ ಮ್ಯಾಥ್ಯೂಸ್*, ನ್ಯಾಟ್ ಸಿವರ್ ಬ್ರಂಟ್*, ನಿಕೋಲಾ ಕ್ಯಾರಿ*, ರಾಹಿಲಾ ಫಿರ್ದೌಸ್, ಸಜೀವನ್ ಸಜನಾ, ಸಂಸ್ಕೃತಿ ಗುಪ್ತಾ, ಶಬ್ನಿಮ್ ಇಸ್ಮಾಯಿಲ್*, ವೈಷ್ಣವಿ ಶರ್ಮಾ

ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB)

ಅರುಂಧತಿ ರೆಡ್ಡಿ, ಎಲ್ಲಿಸ್ ಪೆರ್ರಿ*, ಜಾರ್ಜಿಯಾ ವೋಲ್*, ಲಾರೆನ್ ಬೆಲ್*, ನಡಿನ್ ಡಿ ಕ್ಲರ್ಕ್*, ಪೂಜಾ ವಸ್ತ್ರಾಕರ್, ಪ್ರತ್ಯೂಷಾ ಕುಮಾರ್, ಪ್ರೇಮಾ ರಾವತ್, ರಾಧಾ ಯಾದವ್, ರಿಚಾ ಘೋಷ್, ಸಯಾಲಿ ಸತ್ಘರೆ, ಶ್ರೇಯಾಂಕ ಪಾಟೀಲ್, ಸ್ಮೃತಿ ಮಂಧಾನ

ಯುಪಿ ವಾರಿಯರ್ಜ್ (UPW)

ದೀಪ್ತಿ ಶರ್ಮಾ, ಹರ್ಲೀನ್ ಡಿಯೋಲ್, ಕ್ರಾಂತಿ ಗೌಡ್, ಮೆಗ್ ಲ್ಯಾನಿಂಗ್*, ಫೋಬಿ ಲಿಚ್‌ಫೀಲ್ಡ್*, ಪ್ರತೀಕಾ ರಾವಲ್, ಶಿಖಾ ಪಾಂಡೆ, ಶಿಪ್ರಾ ಗಿರಿ, ಸಿಮ್ರಾನ್ ಶೇಖ್, ಸೋಫಿ ಎಕಲ್‌ಸ್ಟನ್*, ತಾರಾ ನಾರ್ರಿಸ್*.