ರೋಮಾಂಚಕಾರಿ ಘೋಷಣೆಗೆ ಕಾಯ್ತಿರಿ ಅಂದಿದ್ದ ಅಮೆರಿಕಾಗೆ ಶಾಕ್: ಗುಪ್ತಚರ ಸಂಸ್ಥೆಯನ್ನೇ ಟಾರ್ಗೆಟ್ ಮಾಡಿದ ಇರಾನ್!: ಅಲ್ಲಿ ಆಗಿದ್ದೇನು?

ವಾಷಿಂಗ್ ಟನ್: ಇರಾನ್-ಸಂಬಂಧಿತ ಹ್ಯಾಕರ್‌ಗಳು ಎಫ್‌ಬಿಐ ನಿರ್ದೇಶಕ ಕಾಶ್ ಪಟೇಲ್ ಅವರ ವೈಯಕ್ತಿಕ ಇನ್‌ಬಾಕ್ಸ್‌ ನ್ನು ಹ್ಯಾಕ್ ಮಾಡಿ ನುಸುಳಿದ್ದಾರೆ ಎಂದು ಸಾರ್ವಜನಿಕವಾಗಿ ಹೇಳಿಕೊಂಡಿದ್ದಾರೆ. ನಿರ್ದೇಶಕರ ಛಾಯಾಚಿತ್ರಗಳು ಮತ್ತು ಅವರ resume ನ್ನು ಇಂಟರ್ನೆಟ್‌ ನಲ್ಲಿ ಪ್ರಕಟಿಸಿದ್ದಾರೆ.

ಹ್ಯಾಕರ್ ಗುಂಪು ಹಂಡಲಾ ಹ್ಯಾಕ್ ಟೀಮ್ ತಮ್ಮ ವೆಬ್‌ಸೈಟ್‌ನಲ್ಲಿ, ಪಟೇಲ್ "ಈಗ ಯಶಸ್ವಿಯಾಗಿ ಹ್ಯಾಕ್ ಮಾಡಿದ ಬಲಿಪಶುಗಳ ಪಟ್ಟಿಯಲ್ಲಿ ಅವರ ಹೆಸರನ್ನು ಕಾಣಬಹುದು" ಎಂದು ಹೇಳಿದೆ.

ಹಂಡಲಾ ಪ್ರಕಟಿಸಿದ ಇಮೇಲ್‌ಗಳನ್ನು ರಾಯಿಟರ್ಸ್ ತಕ್ಷಣವೇ ದೃಢೀಕರಿಸಲು ಸಾಧ್ಯವಾಗಲಿಲ್ಲ, ಆದರೆ ಹ್ಯಾಕರ್‌ಗಳು ಅಪ್‌ಲೋಡ್ ಮಾಡಿದ ಮತ್ತು ರಾಯಿಟರ್ಸ್ ಪರಿಶೀಲಿಸಿದ ವಿಷಯದ ಮಾದರಿಯು 2010 ಮತ್ತು 2019 ರ ನಡುವಿನ ವೈಯಕ್ತಿಕ ಮತ್ತು ಕೆಲಸದ ಪತ್ರವ್ಯವಹಾರದ ಮಿಶ್ರಣವನ್ನು ತೋರಿಸುತ್ತಿದೆ.

ಪಟೇಲ್ ಅವರ ಇಮೇಲ್‌ಗಳನ್ನು ಹ್ಯಾಕ್ ಮಾಡಲಾಗಿದೆ ಎಂದು ನ್ಯಾಯಾಂಗ ಇಲಾಖೆಯ ಅಧಿಕಾರಿಯೊಬ್ಬರು ರಾಯಿಟರ್ಸ್‌ಗೆ ದೃಢಪಡಿಸಿದ್ದಾರೆ. ಆದರೆ ವಿವರಗಳನ್ನು ಬಹಿರಂಗಪಡಿಸಿಲ್ಲ. ಪ್ರತಿಕ್ರಿಯೆ ವಿನಂತಿಗೆ ಎಫ್‌ಬಿಐ ತಕ್ಷಣ ಸ್ಪಂದಿಸಿಲ್ಲ. ಹ್ಯಾಕರ್‌ಗಳು ಸಂದೇಶಗಳಿಗೆ ತಕ್ಷಣ ಪ್ರತಿಕ್ರಿಯಿಸಲಿಲ್ಲ.