ಬ್ರೆಕ್ಸಿಟ್ ನಿರ್ಣಯ: ಬ್ರಿಟನ್ ಸಂಸತ್ತಿನಲ್ಲಿ ಮೊದಲ ಸುತ್ತಿನ ಮತದಾನ ಯಶಸ್ವಿ
ಬ್ರಿಟನ್, ಯುರೋಪಿಯನ್ ಯೂನಿಯನ್ ನಿಂದ ಹೊರಬರುವ ಮಹತ್ವದ ಬ್ರೆಕ್ಸಿಟ್ ಕಾಯ್ದೆ ಬೆಂಬಲಿಸಿ ಬ್ರಿಟಿಷ್ ಸಂಸದರು ಇಂದು ಮತ ಚಲಾಯಿಸಿದ್ದಾರೆ. ಇದು ಬ್ರೆಕ್ಸಿಟ್ ಕಾರ್ಯತಂತ್ರದ ಪ್ರಮುಖ ಭಾಗವಾಗಿದೆ ಎಂದು ವಿಶ್ಲೇಷಿಸಲಾಗಿದೆ.
Published On :
ಲಂಡನ್: ಬ್ರಿಟನ್, ಯುರೋಪಿಯನ್ ಯೂನಿಯನ್ ನಿಂದ ಹೊರಬರುವ, ಮಹತ್ವದ ಬ್ರೆಕ್ಸಿಟ್ ಕಾಯ್ದೆ ಬೆಂಬಲಿಸಿ ಬ್ರಿಟಿಷ್ ಸಂಸದರು ಮತ ಚಲಾಯಿಸಿದ್ದಾರೆ. ಇದು ಬ್ರೆಕ್ಸಿಟ್ ಕಾರ್ಯತಂತ್ರದ ಪ್ರಮುಖ ಭಾಗವಾಗಿದೆ ಎಂದು ವಿಶ್ಲೇಷಿಸಲಾಗಿದೆ.
13 ಗಂಟೆಗಳ ಸುದೀರ್ಘ ಚರ್ಚೆಯ ಬಳಿಕ ಒಟ್ಟು 326 ರಲ್ಲಿ 290 ಸಂಸದರು ಕಾಯ್ದೆ ಪರವಾಗಿ ಮತ ಚಲಾಯಿಸಿದರು. ಈಗ ಈ ಕಾಯ್ದೆ ಅನುಷ್ಟಾನಕ್ಕಾಗಿ ಮತ್ತೆ ಮುಂದಿನ ಕ್ರಮ ತೆಗೆದುಕೊಳ್ಳಲು ಅನುಕೂಲವಾಗಲಿದೆ.
1972 ರ ಕಾನೂನನ್ನು ರದ್ದುಗೊಳಿಸುವುದರ ಮೂಲಕಈ ಕಾಯ್ದೆ ಜಾರಿ ಮಾಡಲು ಮುಂದಾಗಿದ್ದು, ಈ ಮೂಲಕ ಬ್ರಿಟನ್ 12,000 ಕ್ಕೂ ಹೆಚ್ಚು ಯುರೋಪಿಯನ್ ಯೂನಿಯನ್ ನಿಯಮಾವಳಿಗಳನ್ನು ಬ್ರಿಟನ್ ಶಾಸನ ಪುಸ್ತಕದಿಂದ ತೆಗೆದುಹಾಕಲಾಯಿತು.
ಮಾರ್ಚ್ ನಲ್ಲಿ ಪ್ರಧಾನಿ ಥೆರೆಸಾ ಮೇ ಬ್ರೆಕ್ಸಿಟ್ ಘೋಷಣೆಯನ್ನು ಔಪಚಾರಿಕವಾಗಿ ಪ್ರಕಟಿಸಿದ ನಂತರದಲ್ಲಿ ಇದು ಮಹತ್ವದ ಹೆಜ್ಜೆಯಾಗಿದೆ. ಕಳೆದ ವರ್ಷ ಬ್ರೆಕ್ಸಿಟ್ ಕುರಿತಂತೆ ಬ್ರಿಟನ್ ನಲ್ಲಿ ಐತಿಹಾಸಿಕ ಜನಾಭಿಪ್ರಾಯ ಮತವನ್ನು ಸಂಗ್ರಹಿಸಲಾಗಿತ್ತು. ಇದನ್ನು ಜಾರಿ ಮಾಡುವಲ್ಲಿ ಈಗಿನ ಮತದಾನ ಮಹತ್ವದ ಹಂತವಾಗಿದೆ.
ಮೇ ಅವರ ಕನ್ಸರ್ವೇಟಿವ್ ಸರ್ಕಾರ ಇಂದಿನ ಸಂಸತ್ತಿನ ಮತದಾನದಲ್ಲಿ ಉತ್ತರ ಐರ್ಲೆಂಡ್ ನ ಡೆಮೋಕ್ರಾಟಿಕ್ ಯೂನಿಯನಿಸ್ಟ್ ಪಾರ್ಟಿಯೊಂದಿಗಿನ ಮೈತ್ರಿ ಯಿಂದಾಗಿ ಗೆದ್ದುಕೊಂಡಿತು.
"ಐರೋಪ್ಯ ಒಕ್ಕೂಟದಿಂದ ನಮ್ಮ ವಾಪಸಾತಿಗೆ ಮುಂಚಿತವಾಗಿ ನಡೆದಿರುವ ಈ ಮತದಾನ ನಿಶ್ಚಿತತೆ ಮತ್ತು ಸ್ಪಷ್ಟತೆ ನೀಡುತ್ತದೆ. ಇದು ಒಂದು "ಐತಿಹಾಸಿಕ ನಿರ್ಣಯ" ಎಂದು ಯ ಫಲಿತಾಂಶವನ್ನು ಪ್ರಧಾನಿ ಥೆರೇಸಾ ಮೇ ವರ್ಣಿಸಿದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.