ಏಷ್ಯನ್ ಗೇಮ್ಸ್ 2018: ಭಾರತಕ್ಕೆ ಮತ್ತೆರಡು ಪದಕ ಖಚಿತ, ಬ್ಯಾಡ್ಮಿಂಟನ್ ಸೆಮೀಸ್ ಪ್ರವೇಶಿಸಿದ ಸೈನಾ, ಪಿವಿ ಸಿಂಧು
ಭಾರತದ ಬ್ಯಾಡ್ಮಿಂಟನ್ ತಾರೆಗಳಾದ ಸೈನಾ ನೆಹ್ವಾಲ್ ಮತ್ತು ಪಿವಿ ಸಿಂಧು, ಏಷ್ಯನ್ ಗೇಮ್ಸ್ ಕ್ರೀಡಾಕೂಟದ ಮಹಿಳೆಯರ ಸಿಂಗಲ್ಸ್‌ ವಿಭಾಗದಲ್ಲಿ ಸೆಮಿಫೈನಲ್‌ ಪ್ರವೇಶಿಸಿದ್ದಾರೆ.
Published On :
ಜಕಾರ್ತ: ಭಾರತದ ಬ್ಯಾಡ್ಮಿಂಟನ್ ತಾರೆಗಳಾದ ಸೈನಾ ನೆಹ್ವಾಲ್ ಮತ್ತು ಪಿವಿ ಸಿಂಧು, ಏಷ್ಯನ್ ಗೇಮ್ಸ್ ಕ್ರೀಡಾಕೂಟದ ಮಹಿಳೆಯರ ಸಿಂಗಲ್ಸ್‌ ವಿಭಾಗದಲ್ಲಿ ಸೆಮಿಫೈನಲ್‌ ಪ್ರವೇಶಿಸಿದ್ದಾರೆ.
ಭಾನುವಾರ ಜಕಾರ್ತದ ಜಿಬಿಕೆ ಅಂಗಳದಲ್ಲಿ ನಡೆದ ಕ್ವಾರ್ಟರ್‌ ಫೈನಲ್ ನಲ್ಲಿ ವಿಶ್ವ ಕ್ರಮಾಂಕ ಪಟ್ಟಿಯಲ್ಲಿ 10ನೇ ಸ್ಥಾನದಲ್ಲಿರುವ ಸೈನಾ 21–18, 21–16ರ ನೇರ ಸೆಟ್ ಗಳಿಂದ ಥಾಯ್ಲೆಂಡ್‌ನ ರಚನೊಕ್‌ ಇಂಟನಾನ್‌ ಎದುರು ಗೆದ್ದರು. ಒಟ್ಟು 42 ನಿಮಿಷಗಳ ಹೋರಾಟದಲ್ಲಿ ಸೈನಾ ನೆಹ್ವಾಲ್ ಪ್ರಾಬಲ್ಯ ಮೆರೆದರು. ಎರಡು ಗೇಮ್ ಗಳಲ್ಲೂ ಅಬ್ಬರದ ಆಟ ಆಡಿ ಗಮನ ಸೆಳೆದರು.
ಎಂಟರ ಘಟ್ಟದ ಇನ್ನೊಂದು ಹಣಾಹಣಿಯಲ್ಲಿ ಪಿವಿ ಸಿಂಧು 21–11, 16–21, 21–14ರಲ್ಲಿ ಥಾಯ್ಲೆಂಡ್ ನ ನಿಚಾವೊನ್‌ ಜಿಂದಾಪಾಲ್‌ ಅವರನ್ನು ಸೋಲಿಸಿದರು. 17 ನಿಮಿಷಗಳ ಮೊದಲ ಗೇಮ್ ನಲ್ಲಿ ಸಿಂಧು ಮಿಂಚಿನ ಆಟ ಆಡಿ ಎದುರಾಳಿಯನ್ನು ಕಂಗೆಡಿಸಿದರು. ಎರಡನೇ ಗೇಮ್ ನಲ್ಲಿ ಜಿಂದಾಪೊಲ್‌ ತಿರುಗೇಟು ನೀಡಿ 1–1ರಲ್ಲಿ ಸಮಬಲ ಮಾಡಿಕೊಂಡರು. ಮೂರನೇ ಗೇಮ್ ನಲ್ಲಿ ಸಿಂಧು ಅಮೋಘ ಆಟ ಆಡಿ ಜಯಗಳಿಸಿದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Sportsಕ್ರೀಡೆBadmintonಬ್ಯಾಡ್ಮಿಂಟನ್Saina Nehwalಸೈನಾ ನೆಹ್ವಾಲ್PV SindhuJakartaಜಕಾರ್ತಪಿ.ವಿ. ಸಿಂಧುAsian Games 2018ಏಷ್ಯನ್ ಗೇಮ್ಸ್ 2018
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.