ಮತ್ತೆ ಮುಗ್ಗರಿಸಿದ ಬೆಂಗಳೂರು ಬುಲ್ಸ್, ತವರಿನಲ್ಲಿ ಸತತ 2ನೇ ಸೋಲು

ಬೆಂಗಳೂರು: ಪ್ರೊ ಕಬಡ್ಡಿ ಪಂದ್ಯಾವಳಿಯ ಪಂದ್ಯದಲ್ಲಿ ಬೆಂಗಾಲ್ ವಾರಿಯರ್ಸ್ ವಿರುದ್ಧದ ಪಂದ್ಯದಲ್ಲಿ ದುರ್ಬಲ ಆಟ ಪ್ರದರ್ಶಿಸಿದ ಬೆಂಗಳೂರು ಬುಲ್ಸ್ ತಂಡ ತವರಿನಲ್ಲಿ ಸತತ ಎರಡನೇ ಸೋಲು ಅನುಭವಿಸಿದೆ.

ಕಂಠೀರವ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ ಬೆಂಗಾಲ್ ವಾರಿಯರ್ಸ್ ವಿರುದ್ಧ 24-34 ಅಂಕಗಳ ಅಂತರದಲ್ಲಿ ಸೋಲು ಕಂಡಿದೆ.

ಪಂದ್ಯಕ್ಕೆ ಪ್ರೇಕ್ಷಕ ಪ್ರಭುವಿನ ಬರ
ಕಳೆದ ವರ್ಷಕ್ಕೆ ಹೋಲಿಸಿದರೆ, ಬೆಂಗಳೂರಿನಲ್ಲಿ ಪ್ರೊ ಕಬಡ್ಡಿ ಪಂದ್ಯಾವಳಿಯ ಹವಾ ತುಸು ಕಡಿಮೆಯಾದಂತಿದೆ. ಬುಧವಾರ ಆರಂಭಗೊಂಡ ಬೆಂಗಳೂರು ಆವೃತಿಯ ಮೊದಲ ಪಂದ್ಯವಾದ ಪಾಟ್ನಾ ವಿರುದ್ಧದ ಹಣಾಹಣಿಗೆ ಬುಲ್ಸ್ ತಂಡದ ಆಟ ನೋಡಲು ಆಗಮಿಸಿದ್ದ ಪ್ರೇಕ್ಷಕರ ಸಂಖ್ಯೆ ತೀರಾ ಕಡಿಮೆಯಾಗಿತ್ತು. ಕ್ರೀಡಾಂಗಣದ ಶೇ.70 ರಷ್ಟು ಸೀಟುಗಳಷ್ಟೇ ತುಂಬಿದ್ದವು. ಸಮಾಧಾನದ ಸಂಗತಿ ಎಂದರೆ. ಇದರಲ್ಲಿ ಬಹುಪಾಲು ಬೆಂಗಳೂರು ತಂಡದ ಅಭಿಮಾನಿಗಳೇ. ಆದರೆ, ವೀಕೆಂಡ್ ಗಳಲ್ಲಿ ಪ್ರೇಕ್ಷಕರ ಸಂಖ್ಯೆ ಹೆಚ್ಚುವ ನಿರೀಕ್ಷೆಯಿದೆ.

ಇಂದಿನ ಪಂದ್ಯಗಳು
ದಬಾಂಗ್ ಡೆಲ್ಲಿ-ಯು ಮುಂಬಾ(ರಾ.8ಕ್ಕೆ)
ಬೆಂಗಳೂರು ಬುಲ್ಸ್-ಜೈಪುರ ಪ್ಯಾಂಥರ್ಸ್(ರಾ.9ಕ್ಕೆ)