ದಾಖಲೆ ಬರೆದ ದಾಮಿನಿ

ಬೆಂಗಳೂರು: ಕರ್ನಾಟಕದ ಭರವಸೆಯ ಈಜುಗಾರ್ತಿ ದಾಮಿನಿ ಕೆ.ಗೌಡ, ರಾಜ್ಯ ಸಬ್ ಜ್ಯೂನಿಯರ್ ಮತ್ತು ಜ್ಯೂನಿಯರ್ ಈಜು ಚಾಂಪಿಯನ್‌ಶಿಪ್‌ನಲ್ಲಿ ರಾಜ್ಯ ದಾಖಲೆ ಬರೆದಿದ್ದಾರೆ.

ಬಸವನಗುಡಿ ಈಜು ಕೇಂದ್ರದಲ್ಲಿ ಸೋಮವಾರ ಆರಂಭವಾದ ಮಹಿಳೆಯರ 200 ಮೀ.ಫ್ರೈ ವಿಭಾಗದ ಸ್ಪರ್ಧೆಯಲ್ಲಿ ದಾಮಿನಿ ಕೆ.ಗೌಡ 2: 23.6 ನಿಮಿಷದಲ್ಲಿ ದುರಿ ತಲುಪಿ ರಾಜ್ಯ ಮಟ್ಟದ ದಾಖಲೆ ಬರೆದಿದ್ದಾರೆ. ಈ ಮೂಲಕ ಚಿನ್ನದ ಪದಕ ಪಡೆದಿದ್ದಾರೆ.

ಈ ವಿಭಾಗದಲ್ಲಿ ನಿಖಿತಾ ಎಸ್.ವಿ ಮತ್ತು ಹಿತಾ ನಾಯಕ ಕ್ರಮವಾಗಿ ಬೆಳ್ಳಿ ಮತ್ತು ಕಂಚಿನ ಪದಕ ಪಡೆದುಕೊಂಡಿದ್ದಾರೆ.

ಬಾಲಕಿಯರ 100 ಮೀ. ಬ್ರೆಸ್ಟ್‌ಸ್ಟ್ರೋಕ್ ವಿಭಾಗದಲ್ಲಿ ಸಲೋನಿ ದಲಾಲ್ 1:19. ನಿಮಿಷದಲ್ಲಿ ಗುರಿ ಮುಟ್ಟುವ ಮೂಲಕ ರಾಜ್ಯ ಮಟ್ಟದ ದಾಖಲೆ ಬರೆದಿದ್ದಾರೆ. ಈ ವಿಭಾಗದಲ್ಲಿ ಹರ್ಷಿತಾ ಜಯರಾಮ್ ಮತ್ತು ಪ್ರತೀಕ್ಷಾ ಪಟೇಲ್ ಅವರು ಕ್ರಮವಾಗಿ ಎರಡು ಹಾಗೂ ಮೂರನೇ ಸ್ಥಾನ ಪಡೆದಿದ್ದಾರೆ.

ಬಾಲಕರ 100 ಮೀ. ಬ್ರೆಸ್ಟ್‌ಸ್ಟ್ರೋಕ್ ವಿಭಾಗದಲ್ಲೂ ರಾಜ್ಯ ಮಟ್ಟದ ದಾಖಲೆ ನಿರ್ಮಿತವಾಗಿದೆ. 1:4.99 ನಿಮಿಷದಲ್ಲಿ ಗುರಿ ತಲುಪಿ ಈ ಸಾಧನೆ ಮಾಡಿ ಎನ್ ಶ್ರೀಹರಿ, ಸ್ವರ್ಣ ಪದಕ ಸಂಪಾದಿಸಿದ್ದಾರೆ. ಈ ವಿಭಾಗದಲ್ಲಿ ಭಾವೇಶ್ ಆರ್ ಹಾಗೂ ಚಿರಾಗ್ ಅನಿರುಧ್ ನಂತರದ ಸ್ಥಾನ ಪಡೆದುಕೊಂಡಿದ್ದಾರೆ.