ವಿಶ್ವದಲ್ಲೇ ಅತೀ ಅಗ್ಗದ ಸ್ಮಾರ್ಟ್‌ಫೋನ್: ನಮೋಟೆಲ್ ಅಚ್ಛೇದಿನ್ ಫೋನ್, ಬೆಲೆ ರು.99!
ಬೆಂಗಳೂರು ಮೂಲದ ನಮೋ ಟೆಲ್ ಕಂಪನಿ ಅಗ್ಗದ ಸ್ಮಾರ್ಟ್‌ಫೋನ್‌ವೊಂದನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಅಚ್ಛೇದಿನ್ ಎಂದು ಹೆಸರಿರುವ...
Published On :
ಬೆಂಗಳೂರು: ಬೆಂಗಳೂರು ಮೂಲದ ನಮೋ ಟೆಲ್ ಕಂಪನಿ ಅಗ್ಗದ ಸ್ಮಾರ್ಟ್‌ಫೋನ್‌ವೊಂದನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಅಚ್ಛೇದಿನ್ ಎಂದು ಹೆಸರಿರುವ ಈ ಫೋನ್‌ನ ಬೆಲೆ ಕೇವಲ ರು.99 ಮಾತ್ರ!
ಪ್ರಸ್ತುತ ಫೋನ್ ಖರೀದಿಸುವುದಕ್ಕಾಗಿ ಮುಂಗಡ ಬುಕಿಂಗ್ ಮಾಡಬೇಕು. ನಮೋಟೆಲ್ ಡಾಟ್ ಕಾಂ (namotel.com) ವೆಬ್‌ಸೈಟ್‌ಗೆ ಹೋಗಿ ಮುಂಗಡ ಬುಕಿಂಗ್ ಮಾಡಬಹುದಾಗಿದೆ ಎಂದು ಕಂಪನಿಯ ಪ್ರೊಮೋಟರ್ ಮಾಧವ್ ರೆಡ್ಡಿ ಹೇಳಿದ್ದಾರೆ. ಮೇ 17 ರಿಂದ ಮೇ 25ರ ವರೆಗೆ ಬುಕಿಂಗ್ ಮಾಡಬಹುದಾಗಿದೆ.
ಬುಕಿಂಗ್ ಮಾಡುವುದು ಹೇಗೆ?
ಈ ಫೋನ್ ಖರೀದಿಸಲು ಬಯಸುತ್ತಿರುವ ಗ್ರಾಹಕರು bemybanker.com ವೆಬ್‌ಸೈಟ್‌ನಲ್ಲಿ ನೋಂದಣಿ ಮಾಡಿ ಅಲ್ಲಿಂದ ಯೂಸರ್ ಐಡಿ ಮತ್ತು ಪಾಸ್‌ವರ್ಡ್ ನ್ನು ಪಡೆಯಬೇಕು. ಈ ಯೂಸರ್ ನೇಮ್ ಮತ್ತು ಪಾಸ್‌ವರ್ಡ್ ಬಳಸಿ ನಮೋಟೆಲ್ ಡಾಟ್‌ಕಾಂಗೆ ಲಾಗಿನ್ ಆಗಬಹುದಾಗಿದೆ. ಅಂದ ಹಾಗೆ ಬಿಮೈ ಬ್ಯಾಂಕರ್ ಡಾಟ್ ಕಾಂನಲ್ಲಿ ನೋಂದಣಿಯಾಗಬೇಕಿದ್ದರೆ, ಬಳಕೆದಾರರು ರು. 199 ಪಾವತಿ ಮಾಡಿ ಆಜೀವ ಸದಸ್ಯತ್ವ ಪಡೆಯಬೇಕಾಗಿದೆ.
ಏನೆಲ್ಲಾ ವಿಶೇಷತೆ ಇದೆ?
4 ಇಂಚು ಡಿಸ್‌ಪ್ಲೇ
480 X 800 ಪಿಕ್ಸೆಲ್ ಡಬ್ಲ್ಯುಜಿಎ ರೆಸಲ್ಯೂಷನ್
ಆಂಡ್ರಾಯಿಡ್ 5.1 ಲಾಲಿಪಾಪ್ ಓಎಸ್
1 ಜಿಬಿ ರ್ಯಾಮ್
4 ಜಿಬಿ ಇಂಟರ್‌ನಲ್ ಸ್ಟೋರೇಜ್ ( 32 ಜಿಬಿ ಎಕ್ಸ್‌ಪಾಂಡೇಬಲ್ ವಯಾ ಮೈಕ್ರೋ ಎಸ್ ಡಿ ಕಾರ್ಡ್ )
2 ಮೆಗಾ ಪಿಕ್ಸೆಲ್ ಕ್ಯಾಮೆರಾ ( ಬ್ಯಾಕ್ ಮತ್ತು ವಿಜಿಎ ಸೆಲ್ಫೀ ಕ್ಯಾಮೆರಾ)
3ಜಿ ಮತ್ತು ಡ್ಯುಯೆಲ್ ಸಿಮ್
ರು. 2999 ಬೆಲೆಯ ಫೋನ್‌ನನ್ನು ರು. 99 ನೀಡುತ್ತಿದ್ದೇವೆ ಎಂದು ಹೇಳುವ ನಮೋಟೆಲ್, ಕ್ಯಾಶ್ ಆನ್ ಡೆಲಿವರಿ ಮೂಲಕ ಫೋನ್‌ನ್ನು ಒದಗಿಸುತ್ತೇವೆ ಎಂದು ಜಾಹೀರಾತಿನಲ್ಲಿ ಹೇಳಿದೆ.
ಏತನ್ಮಧ್ಯೆ, ಮೇಲೆ ಉಲ್ಲೇಖಿಸಿರುವ ಎರಡೂ ವೆಬ್ ಸೈಟ್ ಗಳು ಸದ್ಯ ತಟಸ್ಥವಾಗಿವೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.