ನೀವೂ 80s ಟ್ರೆಂಡ್ ಫೋಟೋ ಹಾಕಿದ್ದೀರಾ?: ನಿಮ್ಮ ಜುಟ್ಟು ಈಗ AI ಕೈಲಿ! ಭವಿಷ್ಯದಲ್ಲಿ ನಿಮಗೆ ಎದುರಾಗಲಿದೆ ಈ ಸಮಸ್ಯೆ..

1980 ರ ದಶಕದಿಂದ ಪ್ರೇರಿತರಾಗಿ ಫೋಟೊಗಳನ್ನು ರೆಟ್ರೋ-ಲುಕಿಂಗ್ ಚಿತ್ರಗಳಾಗಿ ಪರಿವರ್ತಿಸುತ್ತಿರುವ ಇತ್ತೀಚಿನ ChatGPT ಟ್ರೆಂಡ್‌ಗೆ ನೀವು ಕೂಡ ಸೇರಿರುವ ಸಾಧ್ಯತೆಗಳಿವೆ.

ವಿಂಟೇಜ್ ಕೇಶವಿನ್ಯಾಸ ಮತ್ತು ಬಟ್ಟೆಗಳಿಂದ ಹಿಡಿದು ಫಿಲ್ಮ್ ತರಹದ ಟೆಕಶ್ಚರ್‌ಗಳವರೆಗೆ, ಬಳಕೆದಾರರು AI-ಉತ್ಪಾದಿಸುವ 80 ರ ದಶಕದಲ್ಲಿ ಕಂಡುಬರುತ್ತಿದ್ದ ಪ್ರವೃತ್ತಿಯನ್ನು ಹೆಚ್ಚು ಹೆಚ್ಚು ಅನುಸರಿಸುತ್ತಿದ್ದಾರೆ.

ಆದರೆ ಈ ಪ್ರವೃತ್ತಿ ವೈರಲ್ ಆಗುತ್ತಿದ್ದಂತೆ, ಇದು ಮತ್ತೊಂದು ಅಪಾಯವನ್ನು ಹೊತ್ತು ತಂದಿದೆ. ವೈಯಕ್ತಿಕ ಫೋಟೊವನ್ನು, ವಿಶೇಷವಾಗಿ ನಮ್ಮ ಮುಖವನ್ನು ತೋರಿಸುವ ಛಾಯಾಚಿತ್ರವನ್ನು AI ಚಾಟ್‌ಬಾಟ್‌ಗೆ ಅಪ್‌ಲೋಡ್ ಮಾಡುವುದು ಎಷ್ಟು ಸುರಕ್ಷಿತ? ಎಂಬ ಪ್ರಶ್ನೆಯನ್ನು ನಮಗೆ ನಾವೇ ಕೇಳಿಕೊಳ್ಳಬೇಕಿದೆ.

AI-ಉತ್ಪಾದಿತ ಚಿತ್ರಗಳ ಸುತ್ತಲಿನ ಗೌಪ್ಯತಾ ಕಾಳಜಿಗಳು ಹೊಸತೇನೂ ಅಲ್ಲ. ChatGPT ಘಿಬ್ಲಿ-ಶೈಲಿ ಹಾಗೂ ವ್ಯಂಗ್ಯಚಿತ್ರ ಚಿತ್ರ ಕ್ರೇಜ್ ಸೇರಿದಂತೆ ಹಿಂದಿನ ವೈರಲ್ ಟ್ರೆಂಡ್ ಬಗ್ಗೆ ಈ ಹಿಂದೆಯೂ ಆತಂಕಗಳು ವ್ಯಕ್ತವಾಗಿತ್ತು.

ಸೈಬರ್ ಭದ್ರತೆ ಮತ್ತು ಗೌಪ್ಯತೆ ತಜ್ಞರು ಬಳಕೆದಾರರಿಗೆ AI ಪ್ಲಾಟ್‌ಫಾರ್ಮ್‌ಗಳಿಗೆ ಸ್ವಯಂಪ್ರೇರಣೆಯಿಂದ ಹಸ್ತಾಂತರಿಸುತ್ತಿರುವ ವೈಯಕ್ತಿಕ ಮಾಹಿತಿಯ ಪ್ರಮಾಣದ ಬಗ್ಗೆ ಎಚ್ಚರಿಕೆ ನೀಡಿದ್ದರೂ ಜನರು ಮಾತ್ರ ಈ ರೀತಿಯ ಟ್ರೆಂಡ್ ಗಳನ್ನು ಅನುಸರಿಸುವುದನ್ನು ಬಿಟ್ಟಿಲ್ಲ.

ನಿಮ್ಮ ಗೌಪ್ಯತೆ, ಗುರುತು ಕಳ್ಳತನವಾಹಬಹುದು ಎಚ್ಚರಿಕೆ!

ಹಿಂದಿನ AI ವ್ಯಂಗ್ಯಚಿತ್ರ ಟ್ರೆಂಡ್ ವೈರಲ್ ಆದಾಗ, ಬಳಕೆದಾರರು ಈ ರೀತಿಯ ಚಿತ್ರ ಪಡೆದುಕೊಳ್ಳಲು ತಾವು ಅಪ್‌ಲೋಡ್ ಮಾಡುವ ಮಾಹಿತಿಗೆ ಏನಾಗುತ್ತದೆ ಎಂಬುದನ್ನು ಪರಿಗಣಿಸದೆ ಬಹುಬೇಗನೆ ಟ್ರೆಂಡ್ ನಲ್ಲಿ ಭಾಗಿಯಾಗಲು ಧಾವಿಸುತ್ತಿದ್ದರು ಸೈಬರ್ ಭದ್ರತಾ ತಜ್ಞರು ಎಚ್ಚರಿಸಿದ್ದಾರೆ.

"ಈ ಟ್ರೆಂಡ್ ಗಳು ಪ್ರತಿ ಬಾರಿ ಕಾಣಿಸಿಕೊಂಡಾಗಲೂ, ಜನರು ಅದರ ಹಿಂದೆ ನಿಜವಾಗಿಯೂ ಏನಿದೆ ಎಂದು ಪ್ರಶ್ನಿಸುವ ಬದಲು ಅದರಲ್ಲಿ ಭಾಗಿಯಾಗಲು ಧಾವಿಸುತ್ತಾರೆ" ಎಂದು ಫೋರ್ಬ್ಸ್ ಫೆಬ್ರವರಿ 2026 ರ ವರದಿಯಲ್ಲಿ ಉಲ್ಲೇಖಿಸಿದೆ.

ಬಳಕೆದಾರರು ಛಾಯಾಚಿತ್ರಗಳು ಮತ್ತು ವೈಯಕ್ತಿಕ ವಿವರಗಳನ್ನು AI ಚಾಟ್‌ಬಾಟ್‌ಗೆ ಅಪ್‌ಲೋಡ್ ಮಾಡಿದ ನಂತರ ಏನಾಗುತ್ತದೆ ಎಂಬುದರ ಕುರಿತು ESET ನ ಜಾಗತಿಕ ಸೈಬರ್ ಭದ್ರತಾ ಸಲಹೆಗಾರ ಜೇಕ್ ಮೂರ್ ಎಚ್ಚರಿಸಿದ್ದಾರೆ. "ನೀವು ChatGPT ನಂತಹ ಚಾಟ್‌ಬಾಟ್‌ಗೆ ಫೋಟೋಗಳು ಮತ್ತು ವೈಯಕ್ತಿಕ ವಿವರಗಳನ್ನು ಅಪ್‌ಲೋಡ್ ಮಾಡಿದಾಗ, ವೇದಿಕೆಯು "ಈ ಎಲ್ಲಾ ಮಾಹಿತಿಯನ್ನು ಸಂಗ್ರಹಿಸುತ್ತದೆ ಮತ್ತು ವಿಶ್ಲೇಷಿಸುತ್ತದೆ" ಎಂದು ಮೂರ್ ಹೇಳುತ್ತಾರೆ. "ಈ ಮಾಹಿತಿಯನ್ನು ಸಂಗ್ರಹಿಸಲಾಗುತ್ತದೆ ಮತ್ತು ಅಸ್ಪಷ್ಟ ದೀರ್ಘಾವಧಿಯ ಬಳಕೆಗಳ ಜೊತೆಗೆ ಈ ಪ್ರಭಾವಶಾಲಿ ಮಾದರಿಗಳಿಗೆ ತರಬೇತಿ ನೀಡಲು ಬಳಸಲಾಗುತ್ತದೆ."

ಹೆಚ್ಚು ನಿಖರವಾದ AI-ರಚಿತ ಚಿತ್ರವನ್ನು ಪಡೆಯಲು ಬಳಕೆದಾರರು ಹೆಚ್ಚಿನ ಮಾಹಿತಿಯನ್ನು ಒದಗಿಸುವುದರಿಂದ ಅಪಾಯಗಳ ಸಾಧ್ಯತೆಗಳೂ ಬೆಳೆಯಬಹುದು ಎಂದು ತಜ್ಞರು ಹೇಳಿದ್ದಾರೆ.

ಭದ್ರತಾ ಸಂಸ್ಥೆ ಸಿಟಿಡೆಲ್‌ನ ಸಿಇಒ ಮತ್ತು ಸಹ-ಸಂಸ್ಥಾಪಕ ಮ್ಯಾಟ್ ಕಾನ್ಲಾನ್ ಈ ಬಗ್ಗೆ ಮಾತನಾಡಿದ್ದು, "ಪ್ರಸ್ತುತ AI ಚಿತ್ರ ಕ್ರೇಜ್‌ನೊಂದಿಗೆ, ಬಳಕೆದಾರರು "ಔಟ್‌ಪುಟ್ ಅನ್ನು ಸುಧಾರಿಸಲು ಹೆಚ್ಚು ವಿವರವಾದ ವೈಯಕ್ತಿಕ ಮಾಹಿತಿಯನ್ನು ಜನರೇಟಿವ್ ಮಾದರಿಗಳಿಗೆ ಸಕ್ರಿಯವಾಗಿ ನೀಡುತ್ತಿದ್ದಾರೆ" ಎಂದು ಹೇಳಿದ್ದಾರೆ. "ಫಲಿತಾಂಶ ನಿಖರವಾಗಿಲ್ಲದಿದ್ದರೆ, ಅವರು ಹೆಚ್ಚಿನ ಮಾಹಿತಿ, ಸಂದರ್ಭಗಳನ್ನು ಸೇರಿಸುತ್ತಾರೆ, ಹೆಚ್ಚು ವೈಯಕ್ತಿಕ ಡೇಟಾದೊಂದಿಗೆ AI ವ್ಯವಸ್ಥೆಯನ್ನು ಪರಿಣಾಮಕಾರಿಯಾಗಿ ತರಬೇತಿ ನೀಡುತ್ತಾರೆ." ಸದ್ಯಕ್ಕೆ ನಿರುಪದ್ರವ ಫೋಟೋ ಪ್ರವೃತ್ತಿಯಂತೆ ಕಾಣುವುದು ದೀರ್ಘಾವಧಿಯ ಗೌಪ್ಯತೆಯ ಪರಿಣಾಮಗಳನ್ನು ಬೀರಬಹುದು ಎಂದು ಕಾನ್ಲಾನ್ ಎಚ್ಚರಿಸಿದ್ದಾರೆ.

"ChatGPT ವ್ಯಂಗ್ಯಚಿತ್ರವನ್ನು ರಚಿಸಲು ನಿಮ್ಮ ಡೇಟಾವನ್ನು ನಮೂದಿಸುವುದು ಸದ್ಯಕ್ಕೆ ನಿರುಪದ್ರವ ಮತ್ತು ಮೋಜಿನ ಸಂಗತಿಯಾಗಿ ಕಾಣುತ್ತದೆ. ಆದರೆ ಈ ಪ್ರವೃತ್ತಿ "ಗಂಭೀರ ಡೇಟಾ ಗೌಪ್ಯತೆ ಕುರಿತ ಆತಂಕಗಳನ್ನು ಹೆಚ್ಚಿಸುತ್ತದೆ ಮತ್ತು ಭವಿಷ್ಯದಲ್ಲಿ ಐಡೆಂಟಿಟಿ ಕಳ್ಳತನ (Identity theft) ಅಪಾಯವನ್ನು ಹೆಚ್ಚಿಸಬಹುದು" ಎಂದು ಕಾನ್ಲಾನ್ ಎಚ್ಚರಿಸಿದ್ದಾರೆ. "ಒಮ್ಮೆ ಆ ಮಾಹಿತಿಯನ್ನು ಅಪ್‌ಲೋಡ್ ಮಾಡಿದ ನಂತರ, ಅದನ್ನು ಸಂಪೂರ್ಣವಾಗಿ ತೆಗೆದುಹಾಕಬಹುದು ಅಥವಾ ನಿಯಂತ್ರಿಸಬಹುದು ಎಂಬುದಕ್ಕೆ ಯಾವುದೇ ಗ್ಯಾರಂಟಿ ಇಲ್ಲ" ಎಂದು ಅವರು ಹೇಳಿರುವುದನ್ನು ಫೋರ್ಬ್ಸ್ ಉಲ್ಲೇಖಿಸಿದೆ.

ವೈಯಕ್ತಿಕ ಡೇಟಾ ಹಂಚಿಕೆಯನ್ನು ದೊಡ್ಡ ವಿಷಯವೇ ಅಲ್ಲ ಎಂಬ ಭಾವನೆ ಬಗ್ಗೆ ಕಳವಳ

ಪುನರಾವರ್ತಿತ ವೈರಲ್ ಪ್ರವೃತ್ತಿಗಳು AI ಪರಿಕರಗಳಿಗೆ ವೈಯಕ್ತಿಕ ಮಾಹಿತಿಯನ್ನು ಅಪ್‌ಲೋಡ್ ಮಾಡುವುದನ್ನು ತೀರಾ ಸಾಮಾನ್ಯದ ಸಂಗತಿ ಎಂದು ಭಾವಿಸುವಂತೆ ಮಾಡುವುದು ಮತ್ತೊಂದು ಸಮಸ್ಯೆಯಾಗಿದೆ.

ಕನ್ಸಲ್ಟೆನ್ಸಿ ಬ್ರೈಡ್‌ವೆಲ್‌ನ ಡೇಟಾ ಗೌಪ್ಯತೆಯ ಅಸೋಸಿಯೇಟ್ ಡೈರೆಕ್ಟರ್ ಕ್ರಿಸ್ ಲಿನ್ನೆಲ್, ಈ ಬಗ್ಗೆ ಮಾತನಾಡಿದ್ದು, "ಆ ಡೇಟಾ ಮುಂದೆ ಹೇಗೆ ಬಳಕೆಯಾಗಬಹುದು ಎಂಬುದನ್ನು ಸಂಪೂರ್ಣವಾಗಿ ಪರಿಗಣಿಸದೆ, AI ಪರಿಕರಗಳೊಂದಿಗೆ ಫೋಟೋಗಳು ಮತ್ತು ವಿವರವಾದ ವೈಯಕ್ತಿಕ ಅಥವಾ ವೃತ್ತಿಪರ ಮಾಹಿತಿಯ ಹಂಚಿಕೆಯನ್ನು ಸಾಮಾನ್ಯವಾಗಿಸುವ" ಅಪಾಯವಿದೆ ಎಂದು ಎಚ್ಚರಿಸಿದ್ದಾರೆ.

AI-ರಚಿತ ಚಿತ್ರದ ಸ್ಪಷ್ಟ ವೈಯಕ್ತೀಕರಣ ಚಾಟ್‌ಬಾಟ್ ವ್ಯಕ್ತಿಯ ಬಗ್ಗೆ ಸ್ವತಂತ್ರವಾಗಿ ಮಾಹಿತಿಯನ್ನು ಸಂಗ್ರಹಿಸಿದೆ ಎಂದು ಅರ್ಥವಲ್ಲ ಎಂದು ಲಿನ್ನೆಲ್ ವಿವರಿಸಿದರು.

"ವ್ಯಂಗ್ಯಚಿತ್ರವನ್ನು ರಚಿಸಲು, ಚಾಟ್‌ಜಿಪಿಟಿ ಬಳಕೆದಾರರು ಸಕ್ರಿಯವಾಗಿ ಒದಗಿಸಿದ ವಿಷಯವನ್ನು ಅವಲಂಬಿಸಿದೆ, ಉದಾಹರಣೆಗೆ ಅಪ್‌ಲೋಡ್ ಮಾಡಿದ ಚಿತ್ರಗಳು, ಪ್ರಾಂಪ್ಟ್‌ಗಳು ಮತ್ತು ವಿವರಣಾತ್ಮಕ ಮಾಹಿತಿ. "ಇದು ವ್ಯಕ್ತಿಯ ವೈಯಕ್ತಿಕ ವಿವರಗಳಿಗಾಗಿ ಸ್ವತಂತ್ರವಾಗಿ ಇಂಟರ್ನೆಟ್ ಅನ್ನು ಹುಡುಕುವುದಿಲ್ಲ, ಆದರೆ ಜನರು ಪೂರೈಸುವ ಡೇಟಾದ ಅಗಾಧತೆಯಿಂದಾಗಿ ಔಟ್‌ಪುಟ್ ಗುಣಮಟ್ಟ ಆಳವಾದ ವೈಯಕ್ತಿಕ ಒಳನೋಟದ ಅನಿಸಿಕೆಯನ್ನು ನೀಡುತ್ತದೆ" ಎಂದು ಅವರು ಹೇಳಿದ್ದಾರೆ.

ಒಂದು ಚಿತ್ರವನ್ನು ಸಾರ್ವಜನಿಕವಾಗಿ ಪೋಸ್ಟ್ ಮಾಡಿದ ನಂತರ AI ಪ್ಲಾಟ್‌ಫಾರ್ಮ್ ಅನ್ನು ಮೀರಿದ ಅಪಾಯವೂ ಇದೆ. "AI ಗೆ ನೀಡಲಾದ ಕಂಟೆಂಟ್ ನ್ನು ಅದರ ಮೂಲ ಸಂದರ್ಭ ಮತ್ತು ನಿಯಂತ್ರಣವನ್ನು ಮೀರಿ ಬಳಕೆ ಮಾಡುವ ಅಪಾಯವಿದೆ, ಅದನ್ನು ಮರುಪೋಸ್ಟ್ ಮಾಡಬಹುದು" ಎಂದು ಲಿನ್ನೆಲ್ ಹೇಳಿದ್ದಾರೆ.

'ಕಂಪನಿಯು ವೈಯಕ್ತಿಕ ಡೇಟಾವನ್ನು ಸಂಗ್ರಹಿಸುತ್ತದೆ'

ಕಳೆದ ವರ್ಷ ಏಪ್ರಿಲ್‌ನಲ್ಲಿ ವೈರಲ್ ಆದ ಹಿಂದಿನ ಘಿಬ್ಲಿ-ಶೈಲಿಯ ಇಮೇಜ್ ಟ್ರೆಂಡ್‌ನ ಸಮಯದಲ್ಲಿಯೂ ಸಹ - ಬಳಕೆದಾರರು ಸ್ವಯಂಪ್ರೇರಣೆಯಿಂದ ವೈಯಕ್ತಿಕ ಛಾಯಾಚಿತ್ರಗಳನ್ನು ಓಪನ್‌ಎಐನ ಚಾಟ್‌ಬಾಟ್‌ಗೆ ಅಪ್‌ಲೋಡ್ ಮಾಡುವ ಬಗ್ಗೆ ಕಳವಳ ಉಂಟಾಗಿತ್ತು.