1400 ಕಿಮೀ ಪಯಣಿಸಲು ನಾಲ್ಕು ವರ್ಷ ತೆಗೆದುಕೊಂಡ ರೈಲ್ವೆ ವ್ಯಾಗನ್!
ನಂಬಿದರೆ ನಂಬಿ, ಬಿಟ್ರೆ ಬಿಡಿ. 2014 ರಲ್ಲಿ ಆಂಧ್ರಪ್ರದೇಶದ ವಿಶಾಖಪಟ್ಟಣಂನಿಂದ ಕಾಂಪೋಸ್ಟ್ ಅನ್ನು ತುಂಬಿಸಿ ಗೂಡ್ಸ್ ರೈಲಿನಲ್ಲಿ ಕಳುಹಿಸಿದ್ದ ವ್ಯಾಗನ್ ಒಂದನ್ನು ಉತ್ತರ ಪ್ರದೇಶದ ಬಸ್ತಿಯನ್ನು ತಲುಪಲು....
Published On :
ಲಖನೌ: ನಂಬಿದರೆ ನಂಬಿ, ಬಿಟ್ರೆ ಬಿಡಿ. 2014 ರಲ್ಲಿ ಆಂಧ್ರಪ್ರದೇಶದ ವಿಶಾಖಪಟ್ಟಣಂನಿಂದ ಕಾಂಪೋಸ್ಟ್ ಅನ್ನು ತುಂಬಿಸಿ ಗೂಡ್ಸ್ ರೈಲಿನಲ್ಲಿ ಕಳುಹಿಸಿದ್ದ ವ್ಯಾಗನ್ ಒಂದನ್ನು ಉತ್ತರ ಪ್ರದೇಶದ ಬಸ್ತಿಯನ್ನು ತಲುಪಲು ತೆಗೆದುಕೊಂಡ ಅವಧಿ ಬರೋಬ್ಬರಿ ನಾಲ್ಕು ವರ್ಷಗಳು!
10 ಲಕ್ಷ ಮೌಲ್ಯದ ಕಾಂಪೋಸ್ಟ್ ತುಂಬಿದ್ದ ಈ ವ್ಯಾಗನ್ ನಾಲ್ಕು ವರ್ಷಗಳಲ್ಲಿ 1,400 ಕಿ.ಮೀ. ಕ್ರಮಿಸಿದೆ.
ಇಂಡಿಯನ್ ಪೋಟಾಶ್ ಲಿಮಿಟೆಡ್ ಕಂಪನಿ 2014ರಲ್ಲಿ ಗೂಡ್ಸ್ ರೈಲಿನಲ್ಲಿ ವ್ಯಾಗನ್(107462) ಅನ್ನು ಬುಕ್ ಮಾಡಿತ್ತು.ಇದು ಉತ್ತರ ಪ್ರದೇಶದ ಮೆಸರ್ಸ್ ರಾಮಚಂದ್ರ ಗುಪ್ತಾ ಅವರ ಶಾಪ್ ಗಾಗಿ ಕಾಂಪೋಸ್ಟ್ ಗಳನ್ನು ಕಳಿಸಲು ಯೋಜಿಸಿತ್ತು. ಆದರೆ ಎರಡು, ಮೂರು ವರ್ಷಗಳೇ ಕಳೆದರೂ ವ್ಯಾಗನ್ ನಿಗದಿತ ಸ್ಥಳ ತಲುಪಿರಲಿಲ್ಲ. ಃಇಘಾಗಿ ರೈಲ್ವೆ ಇಲಾಖೆ ವ್ಯಾಗನ್ ಕಾಣೆಯಾಗಿದೆ ಎಂದೇ ನಂಬಿತ್ತು.
ವ್ಯಾಗನ್ ತಲುಪದ ಕಾರಣ ಗುಪ್ತಾ ರೈಲ್ವೆ ಇಲಾಖೆಗೆ ಹಲವು ಬಾರಿ ಪತ್ರ ಬರೆದಿದ್ದರಲ್ಲದೆ ದೂರನ್ನೂ ಸಹ ನೀಡಿದ್ದರು. ಆದರೆ ರೈಲ್ವೆ ಇಲಾಖೆ ಈ ವ್ಯಾಗನ್ ಅನ್ನು ಪತ್ತೆಹಚ್ಚಲು ವಿಫಲವಾಗಿದ್ದು ಕಡೆಗೊಮ್ಮೆ ಗುಪ್ತಾ ತಮ್ಮ ಸರಕಿನ ಆಸೆಯನ್ನೇ ಬಿಟ್ಟು ಬಿಟ್ಟಿದ್ದರು.
ಈಶಾನ್ಯ ರೈಲ್ವೆಯ ಸಂಜಯ್ ಯಾದವ್ ಹೇಳುವಂತೆ ರೈಲ್ವೆ ಇಲಾಖೆ ಈ ವ್ಯಾಗನ್ ಪತ್ತೆಗೆ ಸಾಕಷ್ಟು ಪ್ರಯತ್ನ ನಡೆಸಿದೆ. ವ್ಯಾಗನ್ ಗಳನ್ನು ಕೆಲವೊಮ್ಮೆ ತಾಂತ್ರಿಕ ಕಾರಣಕ್ಕಾಗಿ ಸರಕು ರೈಲುಗಳಿಂದ ಬೇರ್ಪಡಿಸಲಾಗುವುದು.ಬಹುಶಃ, ಈ ವ್ಯಾಗನ್ ಸಹ ಅದೇ ರೀತಿ ಆಗಿತ್ತು.
ನಾಲ್ಕು ವರ್ಷಗಳ ತರುವಾಯ ಬುಧವಾರ ಈ ವ್ಯಾಗನ್ ಬಸ್ತಿಗೆ ಬಂದು ತಲುಪಿದೆ. ಆದರೆ ಇದರಲ್ಲಿದ್ದ ಕಾಂಪೋಸ್ಟ್ ಸಂಪೂರ್ಣ ಹಾಳಾಗಿದ್ದು ಶಾಪ್ ಮಾಲೀಕರು ಇದನ್ನು ತೆಗೆದುಕೊಳ್ಳಲು ನಿರಾಕರಿಸಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.