ಯೋಧರು ಹುತಾತ್ಮರಾಗದ ದೇಶವೇ ಇಲ್ಲ: ಬಿಜೆಪಿ ಸಂಸದ ನೇಪಾಳ್ ಸಿಂಗ್ ವಿವಾದಾಸ್ಪದ ಹೇಳಿಕೆ
ಸೇನೆಯಲ್ಲಿ ಯೋಧರು ಪ್ರತೀದಿನ ಹುತಾತ್ಮರಾಗುತ್ತಿರುತ್ತಾರೆ, ಯೋಧರು ಹುತಾತ್ಮರಾಗದ ದೇಶ ಯಾವುದಾದರೂ ಇದೆಯೇ ಎಂದು ಉತ್ತರಪ್ರದೇಶದ ಬಿಜೆಪಿ ಸಂಸದ ನೇಪಾಳ್ ಸಿಂಗ್ ಅವರು ಮಂಗಳವಾರ ವಿವಾದಾತ್ಮಕ ಹೇಳಿಕೆಯನ್ನು ನೀಡಿದ್ದಾರೆ...
Published On :
ನವದೆಹಲಿ: ಸೇನೆಯಲ್ಲಿ ಯೋಧರು ಪ್ರತೀದಿನ ಹುತಾತ್ಮರಾಗುತ್ತಿರುತ್ತಾರೆ, ಯೋಧರು ಹುತಾತ್ಮರಾಗದ ದೇಶ ಯಾವುದಾದರೂ ಇದೆಯೇ ಎಂದು ಉತ್ತರಪ್ರದೇಶದ ಬಿಜೆಪಿ ಸಂಸದ ನೇಪಾಳ್ ಸಿಂಗ್ ಅವರು ಮಂಗಳವಾರ ವಿವಾದಾತ್ಮಕ ಹೇಳಿಕೆಯನ್ನು ನೀಡಿದ್ದಾರೆ.
ಪುಲ್ವಾಮದಲ್ಲಿ ಸಿಆರ್'ಪಿಎಫ್ ತರಬೇತಿ ಕೇಂದ್ರದ ಮೇಲೆ ಉಗ್ರರು ನಡೆಸಿದ ದಾಳಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪ್ರತಿಕ್ರಿಯೆ ನೀಡುವ ವೇಳೆ ನೇಪಾಳ್ ಸಿಂಗ್ ಅವರು ವಿವಾದಾತ್ಮಕ ಹೇಳಿಕೆಯನ್ನು ನೀಡಿದ್ದಾರೆ.
ಸೇನೆಯಲ್ಲಿ ಯೋಧರು ಪ್ರತೀನಿತ್ಯ ಹುತಾತ್ಮರಾಗುತ್ತಿರುತ್ತಾರೆ. ಯೋಧರು ಹುತಾತ್ಮರಾಗದೇ ಇರುವ ದೇಶ ಯಾವುದಾದರೂ ಇದೆಯೇ? ಗ್ರಾಮದಲ್ಲಿ ಮಾರಮಾರಿಯಾದಾಗ ಒಬ್ಬರಲ್ಲ ಒಬ್ಬರು ಗಾಯಗೊಳ್ಳುತ್ತಾರೆ. ಜೀವವನ್ನು ರಕ್ಷಣೆ ಮಾಡುವ ಯಾವದಾದರೂ ಉಪಕರಣ ಇದೆಯೇ? ಗುಂಡುಗಳನ್ನು ಪರಿಣಾಮಕಾರಿಯಾಗದೆ ಮಾಡುವ ಯಾವುದಾದರೂ ಉಪಕರಣವಿದ್ದರೆ ಸೂಚಿಸಿ ಅದನ್ನು ನಾವು ಅನುಷ್ಠಾನಕ್ಕೆ ತರುತ್ತೇವೆಂದು ತಿಳಿಸಿದ್ದಾರೆ.
ನೇಪಾಳ್ ಸಿಂಗ್ ಅವರ ಈ ಹೇಳಿಕೆಗೆ ತೀವ್ರ ವಿರೋಧಗಳು ವ್ಯಕ್ತವಾಗುತ್ತಿದ್ದಂತೆಯೇ ಹೇಳಿಕೆ ಕುರಿತಂತೆ ಕ್ಷಮೆಯಾಚಿಸಿರುವ ಅವರು, ಯೋಧರಿಗೆ ಅವಮಾನ ಮಾಡಬೇಕೆಂಬ ಉದ್ದೇಶದಿಂದ ನಾನು ಈ ರೀತಿಯ ಹೇಳಿಕೆಯನ್ನು ನೀಡಿಲ್ಲ. ದೇಶ ಕಾಯುವ ಯೋಧರ ಜೀವ ರಕ್ಷಣೆ ಮಾಡುವ ಉಪಕರಣಗಳನ್ನು ಪರಿಚಯಿಸಲು ವಿಜ್ಞಾನಿಗಳು ಯತ್ನ ನಡೆಸುತ್ತಿರುತ್ತಾರೆಂಬ ಅರ್ಥದಲ್ಲಿ ಹೇಳಿಕೆಯನ್ನು ನೀಡಿದ್ದೆ ಎಂದಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.