ಜನರು ಸುಳ್ಳು ನಂಬಿಕೆಗಳಿಗೆ ಜೋತುಬೀಳುವುದು ಏಕೆ?
ಜನರು ಸುಳ್ಳು ನಂಬಿಕೆಗಳಿಗೇಕೆ ಜೋತು ಬೀಳುತ್ತಾರೆ ಯಾಕೆ ಎಂದು ಯಾವಾಗಾದರೂ ಯೋಚನೆ ಮಾಡಿದ್ದೀರಾ? ಇದಕ್ಕೆ ಯೂನಿವರ್ಸಿಟಿ ಆಫ್ ಕ್ಯಾಲಿಫೋರ್ನಿಯಾ-ಬರ್ಕ್ಲಿ ವಿಶ್ವವಿದ್ಯಾನಿಲಯ ಉತ್ತರ
Published On :
ಜನರು ಸುಳ್ಳು ನಂಬಿಕೆಗಳಿಗೇಕೆ ಜೋತು ಬೀಳುತ್ತಾರೆ ಯಾಕೆ ಎಂದು ಯಾವಾಗಾದರೂ ಯೋಚನೆ ಮಾಡಿದ್ದೀರಾ? ಇದಕ್ಕೆ ಯೂನಿವರ್ಸಿಟಿ ಆಫ್ ಕ್ಯಾಲಿಫೋರ್ನಿಯಾ-ಬರ್ಕ್ಲಿ ವಿಶ್ವವಿದ್ಯಾನಿಲಯ ಉತ್ತರ ಕಂಡುಕೊಂಡಿದೆ.
ಕೆಲವೊಂದು ಸುಳ್ಳು ನಂಬಿಕೆಗಳಿಗೆ ತದ್ವಿರುದ್ಧವಾದ ಸಾಕ್ಷ್ಯಗಳು ಕಣ್ಮುಂದೆಯೇ ಇದ್ದರೂ, ಸಾಕ್ಷ್ಯಗಳಿಗಿಂತಲೂ ವ್ಯಕ್ತವಾಗುವ ಪ್ರತಿಕ್ರಿಯೆಗಳಿಗೆ ಹೆಚ್ಚು ಮಹತ್ವ ನೀಡುತ್ತಾರೆ ಆದ್ದರಿಂದ ಬಹುತೇಕ ಬಾರಿ ಸುಳ್ಳು ನಂಬಿಕೆಗಳಿಗೇ ಜೋತು ಬೀಳುತ್ತಾರೆ ಎಂದು ವಿವಿಯ ಸಂಶೋಧಕರು ಹೇಳಿದ್ದಾರೆ.
ಹೊಸ ವಿಷಯಗಳನ್ನು ಕಲಿಯುವಾಗ ಸುಳ್ಳು ನಂಬಿಕೆಗಳಿಗೆ ತದ್ವಿರುದ್ಧವಾದ ಸಾಕ್ಷ್ಯಗಳು ಸಿಗುತ್ತವೆ, ಆದರೆ ಜನರು ಕಲಿಕೆಯ ಪ್ರಕ್ರಿಯೆಯಲ್ಲಿ ವ್ಯಕ್ತವಾಗುವ ಪ್ರತಿಕ್ರಿಯೆಗಳಿಗೆ ಹೆಚ್ಚು ಮಹತ್ವ ನೀಡುತ್ತಾರೆ. ಪ್ರತಿಕ್ರಿಯೆಗಳು ಎಂದಿಗೂ ಜನರನ್ನು ಹೆಚ್ಚು ಆತ್ಮವಿಶ್ವಾಸಿಯಾಗುವಂತೆ ಮಾಡುತ್ತವೆ ಎನ್ನುತ್ತಿದೆ ಸಂಶೋಧನೆಯ ಫಲಿತಾಂಶ.
ಸಕಾರಾತ್ಮಕ ಹಾಗೂ ನಕಾರಾತ್ಮಕ ಪ್ರತಿಕ್ರಿಯೆಗಳಿಂದ ಜನರ ನಂಬಿಕೆಗಳು ರೂಪುಗೊಳ್ಳುತ್ತವೆ. ಯಾವುದೋ ವಿಷಯದ ಬಗ್ಗೆ ನಿಮಗೆ ತಿಳಿಯದೇ ಇದ್ದರೂ ಸಾಕಷ್ಟು ತಿಳಿದಿದೆ ಎಂದುಕೊಳ್ಳುತ್ತೀರಿ, ಆ ನಂತರವೂ ಅದೇ ವಿಷಯದ ಬಗ್ಗೆ ಹೆಚ್ಚು ಹೆಚ್ಚು ಅನ್ವೇಷಿಸಲು ಸಾಕಷ್ಟು ಕುತೂಹಲ ತೋರಿಸುತ್ತೀರ, ಆದರೆ ನೀವು ನಿಮಗೆ ಆ ವಿಷಯದ ಬಗ್ಗೆ ಕಡಿಮೆ ತಿಳಿದಿದೆ ಎಂಬುದನ್ನು ಒಪ್ಪಿಕೊಳ್ಳುವುದಕ್ಕೆ ವಿಫಲರಾಗುತ್ತೀರಿ ಎಂದು ಸಂಶೋಧನಾ ಬರಹಗಾರ್ತಿ ಲೂಯಿಸ್ ಮಾರ್ಟಿ ಹೇಳಿದ್ದಾರೆ.
ಕಂಪ್ಯೂಟರ್ ಪರದೆ ಮೇಲೆ ವಿವಿಧ ಬಣ್ಣಗಳಿಂದ ಕೂಡಿದ್ದ ವಿವಿಧ ಸಂಯೋಜನೆಗಳನ್ನು 500 ಕ್ಕೂ ಹೆಚ್ಚು ವಯಸ್ಕರರಿಗೆ ತೋರಿಸಲಾಗಿತ್ತು. ನಂತರ ಸಂಶೋಧಕರೇ ಸೃಷ್ಟಿಸಿದ್ದ ವಸ್ತುವಿನ ಮಾದರಿಯಲ್ಲಿ ಕಾಣುವ ಆಕಾರ ಯಾವ ಬಣ್ಣದಲ್ಲಿ ಕಾಣಿಸುತ್ತದೆ ಎಂಬುದನ್ನು ತಿಳಿಸುವುದಕ್ಕೆ ಸೂಚಿಸಿದರು. ಈ ಪೈಕಿ ಹಲವರು ನೀಡಿದ ಉತ್ತರದಿಂದ ಸಂಶೋಧಕರು ಜನರು ಸುಳ್ಳು ನಂಬಿಕೆಗಳಿಗೇಕೆ ಜೋತು ಬೀಳುತ್ತಾರೆ ಎಂಬುದಕ್ಕೆ ಕಾರಣ ತಿಳಿದುಕೊಳ್ಳಲು ಯತ್ನಿಸಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.