ಭಾರತದಲ್ಲಿ ಮೂರನೇ ಒಂದರಷ್ಟು ವಿವಾಹಿತ ಮಹಿಳೆಯರು ಕೌಟುಂಬಿಕ ದೌರ್ಜನ್ಯಕ್ಕೆ ಒಳಗಾಗಿದ್ದಾರೆ: ವರದಿ
ಭಾರತದಲ್ಲಿ ವಾಸಿಸಿಉರ್ವ ವಿವಾಹಿತ ಮಹಿಳೆಯರ ಪೈಕೆ ಸುಮಾರು ಮೂರನೇ ಒಂದರಷ್ಟು ಭಾಗದ ಮಹಿಳೆಯರು ಕೌಟುಂಬಿಕ ದೌರ್ಜನ್ಯಕ್ಕೆ ಒಳಗಾಗಿ ಹಿಂಸೆ ಅನುಭವಿಸಿದ್ದಾರೆ. ಲಿಂಗಾಧಾರಿತ
Published On :
ನವದೆಹಲಿ: ಭಾರತದಲ್ಲಿ ವಾಸಿಸಿಉರ್ವ ವಿವಾಹಿತ ಮಹಿಳೆಯರ ಪೈಕೆ ಸುಮಾರು ಮೂರನೇ ಒಂದರಷ್ಟು ಭಾಗದ ಮಹಿಳೆಯರು ಕೌಟುಂಬಿಕ ದೌರ್ಜನ್ಯಕ್ಕೆ ಒಳಗಾಗಿ ಹಿಂಸೆ ಅನುಭವಿಸಿದ್ದಾರೆ. ಲಿಂಗಾಧಾರಿತ ದೌರ್ಜನ್ಯ, ಹಿಂಸೆ ಬಹಳ ವ್ಯಾಪಕ ಸಮಸ್ಯೆಯಾಗಿದೆ ಎಂದು ಅದ್ಯಯನ ವರದಿಯೊಂದು ಸಾಬೀತುಪಡಿಸಿದೆ.
ಗುಜರಾತ್ ವಡೋದರಾ ಮೂಲದ ಎನ್ಜಿಓ "ಸಹಜ್" ಮತ್ತು ಯುಕೆ ಮೂಲದ "ಈಕ್ವಲ್ ಮೆಸರ್ಸ್ 2030" ಎಂಬನಾಗರಿಕ ಸಮಾಜ ಹಾಗೂ ಖಾಸಗಿ ಕ್ಷೇತ್ರದ ಸಂಘಟನೆಗಳ ಸಮೂಹ ಸೇರಿ ಈ ಅದ್ಯಯನ ನಡೆಸಿದೆ.
ನ್ಯಾಷನಲ್ ಫ್ಯಾಮಿಲಿ ಹೆಲ್ತ್ ಸರ್ವೆ (ಎನ್ಎಚ್ಎಫ್ಎಸ್) 4 ರಿಂದ ಅಂಕಿ ಅಂಶಗಳನ್ನು ಉಲ್ಲೇಖಿಸಿ ನೀಡಲಾದ ವರದಿಯಂತೆ 15 ರಿಂದ 49 ವರ್ಷ ವಯಸ್ಸಿನ ಮಹಿಳೆಯರಲ್ಲಿ ಶೇ .27 ರಷ್ಟು ಮಂದಿ 15 ವರ್ಷದಿಂದಲೂ ದೈಹಿಕ ಹಿಂಸೆ ಅನುಭವಿಸಿದ್ದಾರೆ
"ಒಂದು ಕಡೆ, ಭಾರತವು ಪ್ರಬಲ ಆರ್ಥಿಕ ಬೆಳವಣಿಗೆಯನ್ನು ಹೊಂದುತ್ತಿರುವ ರಾಷ್ಟ್ರವಾಗಿ ಕಂಡರೆ ಇನ್ನೊಂದೆಡೆ ಜಾತಿ, ವರ್ಗ ಅಥವಾ ಲಿಂಗಗಳ ಆಧಾರದ ಮೇಲೆ ತಾರತಮ್ಯವನ್ನು ಬಹುವಾಗಿ ಅನುಭವಿಸುವವವ್ರು ಇಲ್ಲಿದ್ದಾರೆ."ಲಿಂಗ ಸಮಾನತೆ ಆರೋಗ್ಯ, ಪೋಷಣೆ ಹಾಗೂ ಮಹಿಳೆಯರ ಕಲ್ಯಾಣ ಕ್ಷೇತ್ರಗಳಲ್ಲಿ ದೇಶ ಬಹಳ ಹಿಂದೆ ಇದೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
"ಭಾರತದಲ್ಲಿ ವಿವಾಹಿತ ಮಹಿಳೆಯರಲ್ಲಿ ಮೂರನೇ ಒಂದು ಭಾಗದಷ್ಟು ಮಹಿಳೆಯರು ಕೌಟುಂಬಿಕ ಹಿಂಸೆಗೆ ಈಡಾಗಿದ್ದಾರೆ.ಪತಿಯು ಪತ್ನಿಗೆ ಹಿಂಸೆ ನೀಡುವರೆಂದು ಅನೇಕರು ಒಪ್ಪಿಕೊಂಡಿದ್ದಾರೆ.ಭಾರತದಲ್ಲಿ ಇಂದಿಗೂ ಪುರುಷ ಪ್ರಧಾನ ಕೌಟುಂಬಿಕ ವ್ಯ್ವಸ್ಥೆಯ ಬೇರುಗಳು ಆಳಆಗಿದ್ದು ಇದರಿಂದ ಹೆಣ್ಣು ಹಾಗೂ ಹೆಣ್ಣುಮಕ್ಕಳ ಬಗ್ಗೆ ತಾತ್ಸಾರ, ತಾರತಮ್ಯ ಧೋರಣೆಗೆ ಕಾರಣವಾಗಿದೆ.
ಭಾರತೀಯ ಬಾಲಕಿಯರು ಪುರುಷರಿಗೆ ಹೋಲಿಸಿದರೆ ಕಡಿಮೆ ಶಿಕ್ಷಣ ಪಡೆದಿರುತ್ತಾರೆ.ಅಲ್ಲದೆ ಅವರಿಗೆ ಗಂಡು ಮಕ್ಕಳಿಗಿಂತ ಕಡಿಮೆ ಪೌಷ್ಟಿಕಾಂಶದ ಆಹಾರ ನೀಡಲಾಗುತ್ತದೆ. ಅವರು ಆರೋಗ್ಯದ ಕಡೆಗೆ ಸಹ ಪುರುಷರಷ್ಟು ಗಮನ ನೀಡುವುದಿಲ್ಲ ಎಂದು ವರದಿಯಲ್ಲಿ ಉಲ್ಲೇಖಿಸಳಾಗಿದೆ. ಸಾಮಾಜಿಕ ರೂಢಿಗಳ ಪರಿಣಾಮದಿಂದ ದೇಶದ ನಾನಾ ಕಡೆಗಳಲ್ಲಿ ಮಹಿಳೆಯರಿಗೆ ಸಮಾನ ಅವಕಾಶ ಸಿಗುತ್ತಿಲ್ಲ.
ಸರ್ಕಾರದ ಮಹತ್ವಾಕಾಂಕ್ಷೆಯ "ಬೇಟಿ ಬಚಾವೋ ಬೇಟಿ ಪಡಾವೋ" ಆಂದೋಲನದ ಹೊರತಾಗಿಯೂ ಪುರುಷ ಪ್ರಧಾನ ವ್ಯವಸ್ಥೆಯಲ್ಲಿ ಮಹಿಳೆಯರ ಸಾಮಾಜಿಕ ಸ್ಥಾನಮಾನ ದುರ್ಬಲಗೊಳ್ಳುತ್ತಿದೆ.ಬಾಲಕಿಯರ ಕಳಪೆ ಆರೋಗ್ಯ ಮತ್ತು ಮರಣದ ವಿಚಾರವಾಗಲಿ, ಹೆಣ್ಣು ಮಕ್ಕಳ ಜನನದ ಸಂಖ್ಯಾನುಪಾತವಾಗಲಿ ಆತಂಕಕಾರಿಯಾಗಿದೆ.
ಅಂತೆಯೇ, ರಾಜಕೀಯ ನಾಯಕತ್ವ ಮತ್ತು ಆರ್ಥಿಕ ಪಾಲ್ಗೊಳ್ಳುವಿಕೆಯಂತಹ ಸಮಯದಲ್ಲಿ ಸಹ ಮಹಿಳೆಯು ನಿರ್ಲಕ್ಷಕ್ಕೆ ಒಳಗಾಗಿದ್ದಾರೆ ಎಂದು ವರದಿ ಹೇಳಿದೆ..
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
ಮಹಿಳಾ ಸಬಲೀಕರಣDomestic Violencemarried womenಕೌಟುಂಬಿಕ ಹಿಂಸಾಚಾರWomen Empowerment National Family Health Surveyವಿವಾಹಿತ ಮಹಿಳೆಯರುರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷೆ
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.