ಮುಖ್ಯಮಂತ್ರಿಯಾಗಿ ಶತ ದಿನ ಪೂರೈಸುತ್ತಿರುವ ಡಿ.ಕೆ ಶಿವಕುಮಾರ್: ಸಂಭ್ರಮಾಚರಣೆಗೆ ಪ್ಲಾನ್; ಯು-ಟರ್ನ್ ಸರ್ಕಾರ ಎಂದ ಪ್ರತಿಪಕ್ಷಗಳು!

ಬೆಂಗಳೂರು: ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್‌ ನೇತೃತ್ವದ ಸರಕಾರ ಸೆಪ್ಟಂಬರ್ 10 ರಂದು ಶತದಿನ ಪೂರೈಸುತ್ತಿದ್ದು, ಸಂಭ್ರಮಾಚರಣೆಗೆ ಸಿದ್ಧತೆ ಮಾಡಿಕೊಳ್ಳಲಾಗುತ್ತಿದೆ.

1980 ರ ದಶಕದಲ್ಲಿ ಆರ್. ಗುಂಡೂರಾವ್ ಅವರಿಂದ ಹಿಡಿದು ರಾಮಕೃಷ್ಣ ಹೆಗಡೆ, ಎಸ್. ಬಂಗಾರಪ್ಪ, ವೀರಪ್ಪ ಮೊಯ್ಲಿ, ಎಚ್.ಡಿ. ದೇವೇಗೌಡ, ಎಚ್.ಡಿ. ಕುಮಾರಸ್ವಾಮಿ, ಸಿದ್ದರಾಮಯ್ಯ, ಡಿ.ವಿ. ಸದಾನಂದ ಗೌಡ, ಜಗದೀಶ್ ಶೆಟ್ಟರ್ ಮತ್ತು ಬಸವರಾಜ ಬೊಮ್ಮಾಯಿ ಅವರವರೆಗೆ ಸತತ ಕರ್ನಾಟಕದ ಮುಖ್ಯಮಂತ್ರಿಗಳೆಲ್ಲರೂ ತಮ್ಮ ಸರ್ಕಾರ 100 ದಿನ ಪೂರೈಸಿದ ಹಿನ್ನೆಲೆಯಲ್ಲಿ ಹಲವು ಆಚರಣೆಗಳನ್ನು ಆಯೋಜಿಸಿದ್ದರು. ಏಕೆಂದರೆ ಶತ ದಿನೋತ್ಸವ ಎಂಬುದು ಮೈಲಿಗಲ್ಲಾಗಿದೆ.

ಕುಣಿಗಲ್ ಶಾಸಕ ಎಚ್.ಡಿ. ರಂಗನಾಥ್ ಸರ್ಕಾರವು ಏನು ಪ್ಲಾನ್ ಮಾಡಿದೆ ಎಂಬುದರ ಮುನ್ನೋಟವನ್ನು ನೀಡಿದರು. "ರೈತರಿಗೆ ಪ್ರಮುಖ ಘೋಷಣೆಗಳು ಇರುತ್ತವೆ" ಎಂದು ಅವರು ಹೇಳಿದರು, "ಶಿಕ್ಷಣ ಸಂಬಂಧಿತ ಆಚರಣೆಗಳು ಮತ್ತು ಆರೋಗ್ಯ ಕ್ಷೇತ್ರದಲ್ಲಿಯೂ ಸಹ ಕೆಲವು ಪ್ರಮುಖ ಘೋಷಣೆಗಳು ಬರುವ ನಿರೀಕ್ಷೆಯಿದೆ" ಎಂದು ಹೇಳಿದರು. ಈ ಮೈಲಿಗಲ್ಲು ಗಣನೀಯ ಪರಿಹಾರವನ್ನು ನೀಡುತ್ತದೆಯೇ ಅಥವಾ ಹೆಚ್ಚಾಗಿ ಔಪಚಾರಿಕವಾಗಿ ಉಳಿಯುತ್ತದೆಯೇ ಎಂಬುದನ್ನು ಕಾದು ನೋಡಬೇಕು.

ಶಾಸಕ ಸುದ್ದಂ ದಾಸ್ ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡದ ಉಪ-ಯೋಜನೆಯ (ಎಸ್‌ಸಿಪಿ-ಟಿಎಸ್‌ಪಿ) ಪ್ರಶ್ನೆ ಎತ್ತಿದ್ದಾರೆ, ದಲಿತ ಸಮುದಾಯವು ಸರ್ಕಾರಕ್ಕೆ ಮತದಾರರ ಯಾವುದೇ ಇತರ ವರ್ಗಕ್ಕಿಂತ ಹೆಚ್ಚಿನ ಬೆಂಬಲವನ್ನು ನೀಡಿದೆ ಎಂದು ವಾದಿಸಿದರು. ಎಸ್‌ಸಿಪಿ-ಟಿಎಸ್‌ಪಿ ನಿಧಿಗಳಿಗೆ ಸರ್ಕಾರವು ತನ್ನ ಬದ್ಧತೆಯನ್ನು ಬರವಣಿಗೆಯ ಜೊತೆಗೆ ಕಾರ್ಯ ರೂಪಕ್ಕೂ ತರಬೇಕು ಎಂದು ಅವರು ಹೇಳಿದರು, 100 ದಿನಗಳ ಮೈಲಿಗಲ್ಲು ದೀರ್ಘಕಾಲದಿಂದ ಬಾಕಿ ಇರುವ ಸಮುದಾಯದ ಬೇಡಿಕೆಗಳನ್ನು ಪರಿಹರಿಸಲು ಒಂದು ಸಂದರ್ಭವಾಗಿರಬೇಕು ಎಂದು ಸೂಚಿಸಿದರು.

ರಾಜಕೀಯ ವಿಶ್ಲೇಷಕ ಬಿ.ಎಸ್. ಮೂರ್ತಿ ಪ್ರಕಾರ ಇದುವರೆಗಿನ ಸರ್ಕಾರದ ಕಾರ್ಯಕ್ಷಮತೆಯ ಬಗ್ಗೆ ಹೆಚ್ಚು ಅಳತೆ ಮಾಡಿದ ಮೌಲ್ಯಮಾಪನವನ್ನು ನೀಡಿದ್ದಾರೆ, ಆಡಳಿತವು "ತಡವಾಗಿ ಪ್ರಾರಂಭವಾಗಿದೆ. ಆಡಳಿತದ ವಿಶಾಲ ವ್ಯವಹಾರಕ್ಕಿಂತ ಹೆಚ್ಚಾಗಿ "ಬೆಂಗಳೂರು ಸಮಸ್ಯೆಗಳು ಮತ್ತು ಸಚಿವಾಲಯದ ಸಮಸ್ಯೆಗಳು ಹೆಚ್ಚಿನ ಸಮಯವನ್ನು ತಿಂದುಹಾಕಿವೆ ಎಂದು ಅಭಿಪ್ರಾಯ ಪಟ್ಟಿದ್ದಾರೆ.

ಆದರೆ ಬಿಜೆಪಿ ಆಚರಣೆಗಳಲ್ಲಿ ಭಾಗವಹಿಸುವ ಮನಸ್ಥಿತಿಯಲಿಲ್ಲ. ರಾಜ್ಯಾಧ್ಯಕ್ಷ ಬಿ.ವೈ. ವಿಜಯೇಂದ್ರ ಅವರು ಸರ್ಕಾರವನ್ನು "ಯು-ಟರ್ನ್ ಸರ್ಕಾರ" ಎಂದು ತೀವ್ರವಾಗಿ ಟೀಕಿಸಿದ್ದಾರೆ. ಪ್ರತಿಪಕ್ಷಗಳ ಪ್ರತಿಭಟನೆಯ ನಂತರ ಉದ್ಯಾನವನಗಳ ಶಾಸನವನ್ನು ಹಿಂತೆಗೆದುಕೊಂಡಿದ್ದಾರೆ, ಟೀಕೆಗಳ ನಂತರ ಬರ ಪೀಡಿತ ತಾಲ್ಲೂಕುಗಳ ಪಟ್ಟಿಯನ್ನು 101 ರಿಂದ 125 ಕ್ಕೆ ವಿಸ್ತರಿಸಲು ಮುಂದಾಗಿದ್ದಾರೆ. ಆಕ್ಷೇಪಣೆ ಬಂದ ನಂತರ ಸಚಿವರನ್ನು ಕೈಬಿಟ್ಟಿದ್ದಾರೆ. ಇದನ್ನು ಹೊರತು ಪಡಿಸಿ ಮುಖ್ಯಮತ್ರಿಗಳು ಏನು ಸಾಧಿಸಿದ್ದಾರೆ?" ಎಂದು ಅವರು ಪ್ರಶ್ನಿಸಿದ್ದಾರೆ.

ಶಿವಕುಮಾರ್ ಅವರ ಆಪ್ತರಾಗಿರುವ ಬಿಡಿಎ ಅಧ್ಯಕ್ಷ ಮತ್ತು ಶಾಂತಿನಗರ ಶಾಸಕ ಎನ್.ಎ. ಹ್ಯಾರಿಸ್ ಮಾತನಾಡಿ "100 ದಿನಗಳು ಕ್ಷಣಾರ್ಧದಲ್ಲಿ ಕಳೆದಿವೆ. ನಮ್ಮ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರು ಅಭಿವೃದ್ಧಿ, ನಿರ್ಣಾಯಕ ನಾಯಕತ್ವ ಶೀಘ್ರಗತಿಯ ವೇಗದಲ್ಲಿ ಕರ್ನಾಟಕವನ್ನು ಮುನ್ನಡೆಸುತ್ತಿದ್ದು 100 ದಿನಗಳು ಪೂರ್ಣಗೊಂಡಿವೆ. ಶಿವಕುಮಾರ್ ನೇತೃತ್ವದಲ್ಲಿ ಕರ್ನಾಟಕ ವೇಗವಾಗಿ, ಬಲವಾಗಿ ಮತ್ತು ಮುಂದಕ್ಕೆ ಸಾಗುತ್ತಿದೆ" ಎಂದು ಘೋಷಿಸಿದರು.