ನಿಯಮ ಉಲ್ಲಂಘನೆ: 79 ಹೊಟೆಲ್ ಗಳ ಮೇಲೆ ಬಿಬಿಎಂಪಿ ಅಧಿಕಾರಿಗಳ ದಾಳಿ; 5ಕ್ಕೆ ಬೀಗ, 26ಕ್ಕೆ ನೋಟಿಸ್

ಬೆಂಗಳೂರು: ನಿಯಮ ಉಲ್ಲಂಘನೆ ಮಾಡಿ ವಹಿವಾಟು ನಡೆಸುತ್ತಿದ್ದ ಆರೋಪದ ಮೇರೆಗೆ ಬಿಬಿಎಂಪಿ ಆರೋಗ್ಯ ಘಟಕದ ಅಧಿಕಾರಿಗಳು ಮಂಗಳವಾರ ನಗರದ 79 ಹೊಟೆಲ್ ಗಳ ಮೇಲೆ ದಾಳಿ ಮಾಡಿದ್ದು, ಈ ಪೈಕಿ 5 ಹೊಟೆಲ್ ಗಳಿಗೆ ಬೀಗ ಜಡಿದಿದ್ದಾರೆ.

ಹೌದು.. ಬೃಹತ್ ಬೆಂಗಳೂರು ಮಹಾನಗರ ವ್ಯಾಪ್ತಿಯ 8 ವಿಭಾಗಗಳಲ್ಲಿ ಅಧಿಕಾರಿಗಳು ಇಂದು ದಾಳಿ ನಡೆಸಿ ಪರಿಶೀಲನೆ ನಡೆಸಿದ್ದು, ಬೊಮ್ಮನಹಳ್ಳಿ, ದಾಸರಹಳ್ಳಿ, ಬೆಂಗಳೂರು ಪೂರ್ವ, ಮಹಾದೇವಪುರ, ರಾಜರಾಜೇಶ್ವರಿ ನಗರ, ಬೆಂಗಳೂರು ದಕ್ಷಿಣ, ಬೆಂಗಳೂರು ಪಶ್ಟಿಮ ಮತ್ತು ಯಲಹಂಕ ವಿಭಾಗದಲ್ಲಿನ ಒಟ್ಟು 79 ಹೋಟೆಲ್ ಗಳ ಮೇಲೆ ಬಿಬಿಎಂಪಿ ಆರೋಗ್ಯಾಧಿಕಾರಿಗಳು ದಾಳಿ ಮಾಡಿದ್ದಾರೆ. ಈ ಪೈಕಿ ಮಹಾದೇವಪುರ ವಿಭಾಗಲ್ಲಿನ 2, ಬೆಂಗಳೂರು ದಕ್ಷಿಣ ವಿಭಾಗದ 12, ಯಲಹಂಕ ವಿಭಾಗದ 12 ಹೊಟೆಲ್ ಗಳಿಗೆ ಅಧಿಕಾರಿನ ನಿಯಮ ಪಾಲಿಸದ ಹಿನ್ನಲೆಯಲ್ಲಿ ನೋಟಿಸ್ ನೀಡಲಾಗಿದೆ.

ಇದನ್ನೂ ಓದಿ: ಕೋಲಾರ ಕಾಂಗ್ರೆಸ್ ನಾಯಕ ಶ್ರೀನಿವಾಸ್ ಹತ್ಯೆ: ಕಾಲಿಗೆ ಗುಂಡು ಹಾರಿಸಿ 3 ಆರೋಪಿಗಳ ಬಂಧಿಸಿದ ಪೊಲೀಸರು

ಅಂತೆಯೇ ಆರ್ ಆರ್ ನಗರ ವಿಭಾಗದ ವ್ಯಾಪ್ತಿಯ ಒಟ್ಟು ಐದು ಹೊಟೆಲ್ ಗಳನ್ನು ನಿಯಮ ಬಾಹಿರವಾಗಿ ನಡೆಸುತ್ತಿದ್ದ ಹಿನ್ನಲೆಯಲ್ಲಿ ಈ ಹೊಟೆಲ್ ಗಳಿಗೆ ಬೀಗ ಜಡಿಯಲಾಗಿದೆ.

ಈ ಪೈಕಿ ಕೆಂಗೇರಿ ಉುಪನಗರದಲ್ಲಿರುವ ಬ್ರ್ಯೂ ಕಿಂಗ್ಸ್ ಹೊಟೆಲ್, ಆರ್ ಆರ್ ನಗರದ ಕೆಹೆಚ್ ಬಿ ಕಾಲೋನಿಯಲ್ಲಿರುವ ಮರಾಠ ಹಳ್ಳಿಯ ಪಬ್ ಹೌಸ್, ಚನ್ನರ್ಸಂದ್ರದ ಬ್ಯಾಂಬೂಸ್ ಶೂಟ್ಸ್ ಹೊಟೆಲ್, ನಾಗರಭಾವಿಯ ಬಿಡಿಎ ಬಡಾವಣೆಯ ದೀಪಾ ಕಾಂಪ್ಲೆಕ್ಸ್ ನಲ್ಲಿರುವ ಹೆಚ್ಐವಿ 5 ಹೊಟೆಲ್ ಮತ್ತು ಚನ್ನಸಂದ್ರದ ಮುಖ್ಯರಸ್ತೆಯಲ್ಲಿರುವ ಆನಂದ್ ಬಾರ್ ಮತ್ತು ರೆಸ್ಟೋರೆಂಟ್ ನ ರೂಫ್ ಟಾಪ್ (ಮೇಲ್ಛಾವಣಿ)ಗೆ ಬೀಗ ಹಾಕಲಾಗಿದೆ ಎಂದು ತಿಳಿದುಬಂದಿದೆ.