ಕಾವೇರಿ ವಿವಾದ: ಸುಪ್ರೀಂ ನಿಂದ ಕರ್ನಾಟಕದ ಮರುಪರಿಶೀಲನಾ ಅರ್ಜಿ ವಜಾ!

ನವದೆಹಲಿ: ಭೀಕರ ಬರಗಾಲ ಮತ್ತು ಕುಡಿಯುವ ನೀರಿನ ಕೊರತೆ ನಡುವೆಯೇ ಸುಪ್ರೀಂ ಕೋರ್ಟ್ ಹೋರಾಟದಲ್ಲಿ ಕರ್ನಾಟಕಕ್ಕೆ ಮತ್ತೆ ಹಿನ್ನಡೆಯಾಗಿದ್ದು, ಈ ಹಿಂದೆ ರಾಜ್ಯ ಸರ್ಕಾರ ಸಲ್ಲಿಕೆ ಮಾಡಿದ್ದ ಮರುಪರಿಶೀಲನಾ ಅರ್ಜಿಯನ್ನು ಸುಪ್ರೀಂ ಕೋರ್ಟ್ ವಜಾಗೊಳಿಸಿದೆ.

ಮಾರ್ಚ್ 21ರಂದು ನ್ಯಾಯಮೂರ್ತಿ ದೀಪಕ್ ಮಿಶ್ರಾ ನೇತೃತ್ವದ ಸುಪ್ರೀಂ ಕೋರ್ಟ್ ಪೀಠ, ಮಧ್ಯಂತರ ಆದೇಶದಂತೆ ಮುಂದಿನ ಆದೇಶದವರೆಗೆ ತಮಿಳುನಾಡಿಗೆ ನಿತ್ಯ 2 ಸಾವಿರ ಕ್ಯೂಸೆಕ್ಸ್ ಕಾವೇರಿ ನೀರು ಬಿಡುವಂತೆ  ಕರ್ನಾಕಟ ಸರ್ಕಾರಕ್ಕೆ ಸೂಚಿಸಿತ್ತು. ಆದರೆ ಕರ್ನಾಟಕದಲ್ಲಿಯೇ ಕುಡಿಯುವ ನೀರಿಗೆ ಭಾರಿ ಕೊರೆತೆ ಇದ್ದು, ಕುಡಿಯುವ ನೀರಿನ ಸಮಸ್ಯೆ ಇರುವುದರಿಂದ ಕೋರ್ಟ್ ಇದ್ದು, ಹೀಗಾಗಿ ತಮಿಳುನಾಡಿಗೆ ನೀರು ಬಿಡಲು ಸಾಧ್ಯವಿಲ್ಲ.   ಹೀಗಾಗಿ ಸುಪ್ರೀಂ ಕೋರ್ಟ್ ತನ್ನ ಆದೇಶವನ್ನು ಮರಪರಿಶೀಲಿಸಬೇಕು ಎಂದು ರಾಜ್ಯ ಸರ್ಕಾರ ಅರ್ಜಿ ಸಲ್ಲಿಸಿತ್ತು.

ಇದೀಗ ಕರ್ನಾಟಕದ ಅರ್ಜಿ ವಜಾಗೊಂಡಿದ್ದು, ರಾಜ್ಯ ಸರ್ಕಾರ ಮತ್ತೆ ಇಕ್ಕಟ್ಟಿದೆ ಸಿಲುಕಿದೆ.

ಇತಿಹಾಸದಲ್ಲೇ ತಮಿಳುನಾಡಿಗೆ ಕಡಿಮೆ ಪ್ರಮಾಣದ ನೀರು!
ಇಡೀ ರಾಜ್ಯಾದ್ಯಂತ ಭೀಕರ ಬರಗಾಲ ಎದುರಾಗಿರುವ ಹಿನ್ನಲೆಯಲ್ಲಿ ಕರ್ನಾಟಕದಿಂದ ತಮಿಳುನಾಡಿಗೆ ಹರಿಯುತ್ತಿರುವ ನೀರಿನ ಪ್ರಮಾಣ ದಾಖಲೆ ಪ್ರಮಾಣದಲ್ಲಿ ಕುಸಿದಿದ್ದು, ಕರ್ನಾಟಕ– ತಮಿಳುನಾಡು ಗಡಿಯ ಬಿಳಿಗುಂಡ್ಲು  ಮಾಪನ ಕೇಂದ್ರದಲ್ಲಿ  ಮಾರ್ಚ್‌ 6 ರಂದು ಕೇವಲ 49 ಕ್ಯುಸೆಕ್‌ ನೀರು ಮಾತ್ರ ಹರಿದುಹೋಗಿದ್ದು, ಇತಿಹಾಸದಲ್ಲೇ ಇದೇ ಮೊದಲ ಬಾರಿಗೆ ಇಷ್ಚು ಕಡಿಮೆ ಪ್ರಮಾಣದ ನೀರು ಹರಿದಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ರಾಜ್ಯದ ಭೀಕರ ಬರ ಪರಿಸ್ಥಿತಿಯಿಂದಾಗಿ ಸುಪ್ರೀಂ ಕೋರ್ಟ್ ಆದೇಶ ಪಾಲಿಸಲು ಸಾಧ್ಯವಾಗುತ್ತಿಲ್ಲ. ಜಲಾಶಯಗಳ ವಸ್ತುಸ್ಥಿತಿ ಎರಡೂ ರಾಜ್ಯಗಳ ಅಧಿಕಾರಿಗಳ ಅರಿವಿಗೆ ಬಂದಿದ್ದು, ಕೋರ್ಟ್ ಆದೇಶ ಬದಿಗಿಟ್ಟು ಮಾನವೀಯ  ನೆಲೆಯಲ್ಲಿ ಸ್ವಲ್ಪವಾದರೂ ನೀರು ಕೊಡಿ ಎಂದು ಕೇಳಲು ತಮಿಳುನಾಡಿನ ಉನ್ನತ ಅಧಿಕಾರಿಗಳು ಬಂದಿದ್ದರು. ಈ ವೇಳೆ ಕರ್ನಾಟಕದ ಅಧಿಕಾರಿಗಳು ನೀರು ಬಿಡುವ ಪ್ರಶ್ನೆ ಬಿಡಿ, ಕಾವೇರಿ ಕೊಳ್ಳದ ಇಡೀ ಅಚ್ಚುಕಟ್ಟು ಪ್ರದೇಶವೇ  ಸಂಪೂರ್ಣ ಬತ್ತಿದೆ. ಭೂಮಿಯ ಮೇಲ್ಮೈ ಬಿಸಿಯಿಂದ ನೀರಿನ ಹರಿವೇ ಸ್ಥಗಿತಗೊಂಡಿದೆ.

ಕಾವೇರಿ ನದಿಗೆ ಅಡ್ಡಲಾಗಿ ತಮಿಳುನಾಡಿನಲ್ಲಿ ನಿರ್ಮಿಸಿರುವ ಮೆಟ್ಟೂರು ಜಲಾಶಯದಲ್ಲಿ ನೀರಿನ ಒಳಹರಿವು ಕೇವಲ 14 ಕ್ಯುಸೆಕ್‌ಗೆ  ಇಳಿದಿದೆ.  ಇಷ್ಟು ಕಡಿಮೆ ಮಟ್ಟಕ್ಕೆ  ಹಿಂದೆಂದೂ ಒಳಹರಿವು ಇಳಿದಿರಲಿಲ್ಲ. ಸದ್ಯ ಈ ಜಲಾಶಯದಲ್ಲಿ 6.43 ಅಡಿಯಷ್ಟು ಮಾತ್ರ ನೀರಿದೆ. 2016 ಮಾರ್ಚ್‌ 4ರಂದು 22.3 ಟಿಎಂಸಿ ಅಡಿ ಇತ್ತು. ಹೀಗಾಗಿ ಈ ಜಲಾಶಯದ ನೀರನ್ನು  ನಂಬಿರುವ ತಮಿಳುನಾಡಿನ ಜನರೂ ತೀವ್ರ ಸಂಕಷ್ಟ ಅನುಭವಿಸುತ್ತಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.