ಡ್ರ್ಯಾಗನ್ ಚಿಕನ್ | Dragon Chicken recipe in Kannada

ಚೈನೀಸ್ ಮತ್ತು ಇಂಡೋ-ಚೈನೀಸ್ ಖಾದ್ಯಗಳಲ್ಲಿ ವಿಶೇಷ ಜನಪ್ರಿಯತೆ ಪಡೆದಿರುವ ಡ್ರಾಗನ್ ಚಿಕನ್, ಅತ್ಯಂತ ರುಚಿಕರವಾಗಿದ್ದು, ಈ ಖಾದ್ಯ ಆಹಾರಪ್ರಿಯರ ಮನಗೆದ್ದಿದೆ. ಹೊರಗೆ ಗರಿಗರಿಯಾಗಿ, ಒಳಗೆ ಮೃದುವಾಗಿರುವ ಚಿಕನ್ ತುಂಡುಗಳಿಗೆ ವಿಶೇಷ ಸಾಸ್‌ ಮಿಶ್ರಣ ನೀಡುವ ಅದ್ಭುತ ರುಚಿಯೇ ಈ ಖಾದ್ಯದ ವಿಶೇಷತೆ. ರೆಸ್ಟೋರೆಂಟ್‌ ಶೈಲಿಯ ಡ್ರ್ಯಾಗನ್ ಚಿಕನ್ ಅನ್ನು ಮನೆಯಲ್ಲೇ ಸುಲಭವಾಗಿ ತಯಾರಿಸುವ ವಿಧಾನ ಇಲ್ಲಿದೆ.

ಬೇಕಾಗುವ ಪದಾರ್ಥಗಳು...

• ಬೋನ್‌ಲೆಸ್ ಚಿಕನ್ – 500 ಗ್ರಾಂ (ಉದ್ದವಾಗಿ ಕತ್ತರಿಸಿದ)

• ಮೊಟ್ಟೆ – 1

• ಕಾರ್ನ್‌ಫ್ಲೋರ್ – 3 ಚಮಚ

• ಮೈದಾ – 2 ಚಮಚ

• ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ – 1 ಚಮಚ

• ಖಾರದ ಪುಡಿ – 1 ಚಮಚ

• ಉಪ್ಪು – ರುಚಿಗೆ ತಕ್ಕಷ್ಟು

• ಕಾಳುಮೆಣಸು ಪುಡಿ – ½ ಚಮಚ

ಸಾಸ್‌ ಮಾಡಲು ಬೇಕಾಗುವ ಪದಾರ್ಥಗಳು...

• ಎಣ್ಣೆ – 2 ಚಮಚ

• ಬೆಳ್ಳುಳ್ಳಿ – 8-10 ಎಸಳು (ಸಣ್ಣದಾಗಿ ಕತ್ತರಿಸಿದ)

• ಖಾರದ ಮೆಣಸಿನಕಾಯಿ – 4

• ಈರುಳ್ಳಿ – 1 (ಉದ್ದವಾಗಿ ಕತ್ತರಿಸಿದ್ದು)

• ಕ್ಯಾಪ್ಸಿಕಂ – 1 (ಉದ್ದವಾಗಿ ಕತ್ತರಿಸಿದ್ದು)

• ಟೊಮೆಟೊ ಸಾಸ್ – 3 ಚಮಚ

• ರೆಡ್ ಚಿಲ್ಲಿ ಸಾಸ್ – 2 ಚಮಚ

• ಸೋಯಾ ಸಾಸ್ – 1 ಚಮಚ

• ವಿನಿಗರ್ – 1 ಚಮಚ

• ಜೇನುತುಪ್ಪ ಅಥವಾ ಸಕ್ಕರೆ – 1 ಚಮಚ

• ಉಪ್ಪು – ಅಗತ್ಯಕ್ಕೆ ತಕ್ಕಷ್ಟು

• ಕಾಜು – 10 ರಿಂದ 15

• ಸ್ಪ್ರಿಂಗ್ ಓನಿಯನ್ – ಸ್ವಲ್ಪ (ಅಲಂಕಾರಕ್ಕೆ)

ಮಾಡುವ ವಿಧಾನ...

• ಚಿಕನ್‌ಗೆ ಮೊಟ್ಟೆ, ಕಾರ್ನ್‌ಫ್ಲೋರ್, ಮೈದಾ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಖಾರದ ಪುಡಿ, ಉಪ್ಪು ಮತ್ತು ಕಾಳುಮೆಣಸಿನ ಪುಡಿ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ.

• ಇದನ್ನು 20-30 ನಿಮಿಷ ಮೆರಿನೇಟ್ ಮಾಡಿ.

• ಬಳಿಕ ಬಿಸಿ ಎಣ್ಣೆಯಲ್ಲಿ ಚಿಕನ್ ತುಂಡುಗಳನ್ನು ಗೋಲ್ಡನ್ ಬ್ರೌನ್ ಆಗುವವರೆಗೆ ಡೀಪ್ ಫ್ರೈ ಮಾಡಿ.

• ಮತ್ತೊಂದು ಪ್ಯಾನ್‌ನಲ್ಲಿ ಎಣ್ಣೆ ಬಿಸಿ ಮಾಡಿ ಗೋಡಂಬಿಯನ್ನು ಹುರಿದು ತೆಗೆದಿಟ್ಟುಕೊಳ್ಳಿ.

• ಅದೇ ಪ್ಯಾನ್‌ಗೆ ಬೆಳ್ಳುಳ್ಳಿ ಹಾಗೂ ಒಣ ಮೆಣಸಿನಕಾಯಿ ಹಾಕಿ ಹುರಿಯಿರಿ.

• ನಂತರ ಈರುಳ್ಳಿ ಮತ್ತು ಕ್ಯಾಪ್ಸಿಕಂ ಹಾಕಿ 2 ನಿಮಿಷ ಫ್ರೈ ಮಾಡಿ.

• ಟೊಮೆಟೊ ಸಾಸ್, ಚಿಲ್ಲಿ ಸಾಸ್, ಸೋಯಾ ಸಾಸ್, ವಿನಿಗರ್ ಮತ್ತು ಜೇನುತುಪ್ಪ ಸೇರಿಸಿ ಚೆನ್ನಾಗಿ ಕಲಸಿ.

• ಅಗತ್ಯವಿದ್ದರೆ ಸ್ವಲ್ಪ ನೀರು ಸೇರಿಸಿ ಸಾಸ್ ದಪ್ಪವಾಗುವವರೆಗೆ ಬೇಯಿಸಿ.

• ಈಗ ಫ್ರೈ ಮಾಡಿದ ಚಿಕನ್ ಮತ್ತು ಗೋಡಂಬಿ ಸೇರಿಸಿ ಸಾಸ್‌ಗೆ ಚೆನ್ನಾಗಿ ಕೋಟಿಂಗ್ ಆಗುವಂತೆ ಕಲಸಿ.

• ಕೊನೆಯಲ್ಲಿ ಸ್ಪ್ರಿಂಗ್ ಓನಿಯನ್ ಹಾಕಿ ಸರ್ವ್ ಮಾಡಿ.

ಸರ್ವಿಂಗ್ ಸಲಹೆ

ಡ್ರಾಗನ್ ಚಿಕನ್ ಅನ್ನು ಫ್ರೈಡ್ ರೈಸ್, ನೂಡಲ್ಸ್ ಅಥವಾ ಸ್ಟಾರ್ಟರ್ ಆಗಿ ಬಿಸಿ ಬಿಸಿಯಾಗಿ ಸರ್ವ್ ಮಾಡಿದರೆ ಅತ್ಯಂತ ರುಚಿಕರವಾಗಿರುತ್ತದೆ.