ಮಟನ್ ಬಿರಿಯಾನಿ ರುಚಿಯನ್ನೇ ಮೀರಿಸುವ ಹಲಸಿನಕಾಯಿ ಬಿರಿಯಾನಿ; ಒಮ್ಮೆ ಟ್ರೈ ಮಾಡಿ ನೋಡಿ..!

ಸೀಸನ್‌ನಲ್ಲಿ ಸಿಗುವ ಎಳೆಯ ಹಲಸಿನಕಾಯಿ (Raw Jackfruit) ಬಳಸಿ ಮಾಡುವ ಬಿರಿಯಾನಿ ಸಸ್ಯಾಹಾರಿಗಳ ಪಾಲಿಗೆ ಅತ್ಯುತ್ತಮ ಆಯ್ಕೆಯಾಗಿದೆ.

ಮಾಂಸದಂತಹ ವಿನ್ಯಾಸ (Texture) ಹೊಂದಿರುವ ಹಲಸಿನಕಾಯಿ ಮಸಾಲೆಯನ್ನು ಚೆನ್ನಾಗಿ ಹೀರಿಕೊಳ್ಳುವುದರಿಂದ ಈ ಬಿರಿಯಾನಿ ಇನ್ನಷ್ಟು ರುಚಿಕರವಾಗುತ್ತದೆ. ಮನೆಯಲ್ಲೇ ಹೋಟೆಲ್ ಶೈಲಿಯ ಸುವಾಸನೆಯುಳ್ಳ ಹಲಸಿನಕಾಯಿ ಬಿರಿಯಾನಿಯನ್ನು ಸುಲಭವಾಗಿ ತಯಾರಿಸಬಹುದು.

ಬೇಕಾಗುವ ಪದಾರ್ಥಗಳು...

• ಎಳೆಯ ಹಲಸಿನಕಾಯಿ – 500 ಗ್ರಾಂ

• ಬಾಸ್ಮತಿ ಅಕ್ಕಿ – 2 ಬಟ್ಟಲು

• ಈರುಳ್ಳಿ – 3 (ಉದ್ದವಾಗಿ ಕತ್ತರಿಸಿದ್ದು)

• ಟೊಮೆಟೊ – 2 (ಸಣ್ಣದಾಗಿ ಕತ್ತರಿಸಿದ್ದು)

• ಮೊಸರು – ½ ಬಟ್ಟಲು

• ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ – 2 ಚಮಚ

• ಹಸಿಮೆಣಸಿನಕಾಯಿ – 3

• ಪುದೀನಾ ಸೊಪ್ಪು – 1 ಬಟ್ಟಲು

• ಕೊತ್ತಂಬರಿ ಸೊಪ್ಪು – 1 ಬಟ್ಟಲು

• ಕೆಂಪು ಮೆಣಸಿನ ಪುಡಿ – 1 ಚಮಚ

• ಅರಿಶಿನ – ¼ ಚಮಚ

• ಧನಿಯಾ ಪುಡಿ – 1 ಚಮಚ

• ಗರಂ ಮಸಾಲೆ – 1 ಚಮಚ

• ಬಿರಿಯಾನಿ ಮಸಾಲೆ – 2 ಚಮಚ

• ಲವಂಗ – 4

• ಏಲಕ್ಕಿ – 4

• ದಾಲ್ಚಿನ್ನಿ – 2 ತುಂಡು

• ಬಿರಿಯಾನಿ ಎಲೆ – 2

• ತುಪ್ಪ – 2 ಚಮಚ

• ಎಣ್ಣೆ – 3 ಚಮಚ

• ಉಪ್ಪು – ರುಚಿಗೆ ತಕ್ಕಷ್ಟು

• ನಿಂಬೆ ರಸ – 1 ಚಮಚ

• ನೀರು – ಅಗತ್ಯವಿದ್ದಷ್ಟು

ಮಾಡುವ ವಿಧಾನ...

• ಹಲಸಿನಕಾಯಿಯ ಸಿಪ್ಪೆ ತೆಗೆದು ಮಧ್ಯಮ ಗಾತ್ರದ ತುಂಡುಗಳಾಗಿ ಕತ್ತರಿಸಿ.

• ಉಪ್ಪು ಮತ್ತು ಸ್ವಲ್ಪ ಅರಿಶಿನ ಹಾಕಿದ ನೀರಿನಲ್ಲಿ 8–10 ನಿಮಿಷ ಅರ್ಧ ಬೇಯಿಸಿ. ನೀರನ್ನು ಬಸಿದ ತೆಗೆದಿಟ್ಟುಕೊಳ್ಳಿ.

• ಅಕ್ಕಿಯನ್ನು 30 ನಿಮಿಷ ನೆನೆಸಿಡಿ. ಒಂದು ಪಾತ್ರೆಯಲ್ಲಿ ಸಾಕಷ್ಟು ನೀರು ಕುದಿಸಿ, ಉಪ್ಪು, ಲವಂಗ, ಏಲಕ್ಕಿ, ದಾಲ್ಚಿನ್ನಿ ಹಾಗೂ ಬಿರ್ಯಾನಿ ಎಲೆ ಹಾಕಿ. ಅಕ್ಕಿಯನ್ನು ಸುಮಾರು 70% ಮಾತ್ರ ಬೇಯಿಸಿ ನೀರನ್ನು ಬಸಿಯಿರಿ.

• ಇದೀಗ ದಪ್ಪ ತಳದ ಪಾತ್ರೆಯಲ್ಲಿ ಎಣ್ಣೆ ಮತ್ತು ತುಪ್ಪ ಬಿಸಿ ಮಾಡಿ. ಇದಕ್ಕೆ ಲವಂಗ, ಏಲಕ್ಕಿ, ದಾಲ್ಚಿನ್ನಿ, ಬಿರ್ಯಾನಿ ಎಲೆ ಹಾಕಿ ಹುರಿಯಿರಿ.

• ಈರುಳ್ಳಿ ಹಾಕಿ ಚಿನ್ನದ ಬಣ್ಣ ಬರುವವರೆಗೆ ಹುರಿಯಿರಿ. ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಹಸಿಮೆಣಸಿನಕಾಯಿ ಸೇರಿಸಿ ಹಸಿ ವಾಸನೆ ಹೋಗುವವರೆಗೆ ಹುರಿಯಿರಿ. ನಂತರ ಟೊಮೆಟೊ ಸೇರಿಸಿ ಮೆತ್ತಗಾಗುವವರೆಗೆ ಬೇಯಿಸಿ.

• ಅಚ್ಛ ಖಾರದ ಪುಡಿ, ಅರಿಶಿನ, ದನಿಯಾ ಪುಡಿ, ಗರಂ ಮಸಾಲೆ ಹಾಗೂ ಬಿರಿಯಾನಿ ಮಸಾಲೆ ಸೇರಿಸಿ. ಮೊಸರು ಹಾಕಿ ಚೆನ್ನಾಗಿ ಕಲಸಿ.

• ಈಗ ಬೇಯಿಸಿದ ಹಲಸಿನಕಾಯಿ ಸೇರಿಸಿ 8–10 ನಿಮಿಷ ಮಸಾಲೆಯೊಂದಿಗೆ ಬೇಯಿಸಿ.

• ಕೊತ್ತಂಬರಿ, ಪುದೀನಾ ಸೊಪ್ಪು ಹಾಗೂ ನಿಂಬೆ ರಸ ಸೇರಿಸಿ.

• ಇದೀಗ ಮಸಾಲೆಯ ಮೇಲೆ ಅರ್ಧ ಬೇಯಿಸಿದ ಅಕ್ಕಿಯನ್ನು ಸಮವಾಗಿ ಹರಡಿ.

• ಉಳಿದ ಪುದೀನಾ, ಕೊತ್ತಂಬರಿ, ತುಪ್ಪ ಹಾಗೂ ಸ್ವಲ್ಪ ಕರಿದ ಈರುಳ್ಳಿ ಹಾಕಿ.

• ಪಾತ್ರೆಯನ್ನು ಬಿಗಿಯಾಗಿ ಮುಚ್ಚಿ ಕಡಿಮೆ ಉರಿಯಲ್ಲಿ 20–25 ನಿಮಿಷ ದಮ್ ಮಾಡಿ.

• ನಂತರ ನಿಧಾನವಾಗಿ ಕಲಸಿದರೆ, ರುಚಿಕರವಾದ ಹಲಸಿನಕಾಯಿ ಬಿರಿಯಾನಿ ಸವಿಯಲು ಸಿದ್ಧ.

ಟಿಪ್ಸ್...

• ಎಳೆಯ ಹಲಸಿನಕಾಯಿ ಬಳಸಿದರೆ ಬಿರಿಯಾನಿ ಹೆಚ್ಚು ರುಚಿಯಾಗುತ್ತದೆ.

• ಹಲಸಿನಕಾಯಿಯನ್ನು ಹೆಚ್ಚು ಬೇಯಿಸಬೇಡಿ, ಇಲ್ಲದಿದ್ದರೆ ಚೂರು ಚೂರಾಗುತ್ತದೆ.

• ದಮ್ ಮಾಡುವಾಗ ಉರಿಯನ್ನು ಕಡಿಮೆ ಇಟ್ಟರೆ ಬಿರಿಯಾನಿಗೆ ಉತ್ತಮ ಸುವಾಸನೆ ಬರುತ್ತದೆ.

• ಎಣ್ಣೆಯಲ್ಲಿ ಕರಿದ ಈರುಳ್ಳಿ ಸೇರಿಸಿದರೆ ಹೋಟೆಲ್ ಶೈಲಿಯ ರುಚಿ ಸಿಗುತ್ತದೆ.

• ಕೇಸರಿ ಹಾಲು ಅಥವಾ ಗುಲಾಬಿ ನೀರನ್ನು ಕೊನೆಯಲ್ಲಿ ಸೇರಿಸಿದರೆ ಬಿರಿಯಾನಿಯ ಪರಿಮಳ ಮತ್ತಷ್ಟು ಹೆಚ್ಚುತ್ತದೆ.