ಮಟನ್ ಪಲಾವ್

ಬೇಕಾಗುವ ಪದಾರ್ಥಗಳು...

• ಮಟನ್- ಅರ್ಧ ಕೆಜಿ
• ಈರುಳ್ಳಿ- 3-4
• ಬೆಳ್ಳುಳ್ಳಿ- ಸ್ವಲ್ಪ
• ಏಲಕ್ಕಿ- 2
• ಚಕ್ಕೆ- ಸ್ವಲ್ಪ
• ಲವಂಗ-ಸ್ವಲ್ಪ
• ಪಲಾವ್ ಎಲೆ- ಸ್ವಲ್ಪ
• ಶುಂಠಿ-ಬೆಳ್ಳುಳ್ಳಿ ಪೇಸ್ಟ್- ಸ್ವಲ್ಪ
• ಜೀರಿಗೆ ಪುಡಿ- ಅರ್ಧ ಚಮಚ
• ಅಚ್ಛ ಖಾರದ ಪುಡಿ- 1 ಚಮಚ
• ದನಿಯಾ ಪುಡಿ - 1 ಚಮಚ
• ಮೆಣಸಿನ ಕಾಯಿ-2-3
• ಟೊಮೆಟೋ- ಸಣ್ಣಗೆ ಹೆಚ್ಚಿದ್ದು 1/4 ಬಟ್ಟಲು
• ಮೊಸರು- ಅರ್ಧ ಬಟ್ಟಲು
• ಪುದೀನಾ- ಸ್ವಲ್ಪ
• ಕೊತ್ತಂಬರಿ ಸೊಪ್ಪು- ಸ್ವಲ್ಪ
• ನೀರು- 2 ಬಟ್ಟಲು
• ಗರಂ ಮಸಾಲಾ ಪುಡಿ - ಕಾಲು ಚಮಚ
• ಬಾಸುಮತಿ ಅಕ್ಕಿ-1 ಬಟ್ಟಲು
• ಉಪ್ಪು- ರುಚಿಗೆ ತಕ್ಕಷ್ಟು
• ಎಣ್ಣೆ- ಅಗತ್ಯಕ್ಕನುಗುಣವಾಗಿ

ಮಾಡುವ ವಿಧಾನ...

• ಮೊದಲು ಕುಕ್ಕರ್ ಒಲೆಯ ಮೇಲಿಟ್ಟು ಅದಕ್ಕೆ ಸ್ವಲ್ಪ ಎಣ್ಣೆ ಹಾಗೂ ಈರುಳ್ಳಿ ಹಾಕಿ ಚೆನ್ನಾಗಿ ಕೆಂಪಗೆ ಹುರಿದುಕೊಳ್ಳಬೇಕು. ನಂತರ ಇದಕ್ಕೆ ಮಟನ್ ಪೀಸ್, ಉಪ್ಪು, ನೀರು ಹಾಕಿ ಚೆನ್ನಾಗಿ 3-4 ವಿಷಲ್ ಕೂಗಿಸಿಕೊಳ್ಳಬೇಕು. ಬಳಿಕ ಕುಕ್ಕರ್ ಮುಚ್ಚಳವನ್ನು ತೆಗೆದು ನೀರನ್ನು ಬಸಿದಿಟ್ಟುಕೊಳ್ಳಬೇಕು. 
• ಮತ್ತೆ ಕುಕ್ಕರ್ ಇಟ್ಟು ಅದಕ್ಕೆ ಸ್ವಲ್ಪ ಎಣ್ಣೆ ಹಾಕಿ ಈರುಳ್ಳಿಯನ್ನು ಕೆಂಪಗೆ ಹುರಿದುಕೊಳ್ಳಬೇಕು. ಬಳಿಕ ಏಲಕ್ಕಿ, ಚಕ್ಕೆ, ಲವಂಗ, ಪಲಾವ್ ಎಲೆ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಜೀರಿಗೆ ಪುಡಿ, ಅಚ್ಛ ಖಾರದ ಪುಡಿ, ದನಿಯಾ ಪುಡಿತ, ಮೆಣಸಿನ ಕಾಯಿ, ಟೊಮೆಟೋ ಎಲ್ಲವನ್ನೂ ಹಾಕಿ ಕೆಂಪಗೆ ಹುರಿದುಕೊಳ್ಳಬೇಕು. ನಂತರ ಮೊಸರು, ಪುದೀನಾ, ಕೊತ್ತಂಬರಿ ಸೊಪ್ಪು ಹಾಗೂ ಈಗಾಗಲೇ ಬಸಿದಿಟ್ಟುಕೊಂಡಿದ್ದ ಮಟನ್ ನೀರು ಸೇರಿ ಒಟ್ಟು 2 ಬಟ್ಟಲು ನೀರನ್ನು ಹಾಕಬೇಕು. ನಂತರ ತೊಳೆದ ಅಕ್ಕಿ, ಗರಂ ಮಸಾಲಾ ಪುಡಿ, ಉಪ್ಪು ಹಾಗಿ 2-3 ಕೂಗು ಕೂಗಿಸಿದರೆ, ರುಚಿಕರವಾದ ಮಟನ್ ಪಲಾವ್ ಸವಿಯಲು ಸಿದ್ಧ.