ಕೀಮಾ ವಡೆ

ಬೇಕಾಗುವ ಪದಾರ್ಥಗಳು

• ಕೀಮಾ (ತುಂಡಾಗಿ ಕತ್ತರಿಸಿದ ಮಾಂಸ) - ಅರ್ಧ ಕೆಜಿ
• ಕೊಬ್ಬರಿ - ಅರ್ಧ ಹೋಳು
• ಚಕ್ಕೆ - ಸ್ವಲ್ಪ
• ಲವಂಗ - ಸ್ವಲ್ಪ
• ಕಾಳು ಮೆಣಸು - ಸ್ವಲ್ಪ
• ಏಲಕ್ಕಿ - 1
• ಗಸಗಸೆ - ಸ್ವಲ್ಪ
• ದನಿಯಾ ಪುಡಿ - ಅರ್ಧ ಚಮಚ
• ಶುಂಠಿ - ಸ್ವಲ್ಪ
• ಅಚ್ಚ ಖಾರದ ಪುಡಿ - 1 ಚಮಚ
• ಕೊತ್ತಂಬರಿ ಸೊಪ್ಪು - ಸ್ವಲ್ಪ
• ಬೆಳ್ಳುಳ್ಳಿ- 10-15 ಎಸಳು
• ಮೊಟ್ಟೆ - 2 ಎರಡು
• ಉಪ್ಪು - ರುಚಿಗೆ ತಕ್ಕಷ್ಟು
• ಹುರಿಗಡಲೆ - ಸ್ವಲ್ಪ
• ಎಣ್ಣೆ - ಅಗತ್ಯವಿದ್ದಷ್ಟು

• ಮೊದಲು ಮಿಕ್ಸಿ ಜಾರ್ ತೆಗೆದುಕೊಂಡು ಹುರಿಗಡಲೆಯನ್ನು ಹಾಕಿ ಪುಡಿ ಮಾಡಿಕೊಳ್ಳಬೇಕು. ಪುಡಿಯನ್ನು ಪಾತ್ರೆಯೊಂದಕ್ಕೆ ಹಾಕಿಟ್ಟುಕೊಳ್ಳಬೇಕು.
• ಇದೇ ಜಾರ್ ಗೆ ಕೊಬ್ಬರಿ, ಬೆಳ್ಳುಳ್ಳು ಎಸಳು, ಚಕ್ಕೆ ಲವಂಗ, ಗಸಗಸೆ, ಕಾಳು ಮೆಣಸು, ಶುಂಠಿ, ಕೊತ್ತಂಬರಿ ಸೊಪ್ಪು, ಖಾರದ ಪುಡಿ, ದನಿಯಾ ಪುಡಿ ಹಾಕಿ ನೀರು ಹಾಕದೆ ರುಬ್ಬಿಕೊಳ್ಳಬೇಕು. ರುಬ್ಬಿಕೊಳ್ಳುವಾಗ ಮೊಟ್ಟೆಯನ್ನು ಹಾಕಿ ರುಬ್ಬಿ ಕೊಳ್ಳಬೇಕು.
• ನಂತರ ಜಾರ್ ನಲ್ಲಿ ಕೀಮಾವನ್ನು ಹಾಕಿ 1-2 ಸುತ್ತು ಸ್ವಲ್ಪ ರುಬ್ಬಿಕೊಳ್ಳಬೇಕು.
• ರುಬ್ಬಿಕೊಂಡ ಮಸಾಲೆ, ಕೀಮಾ, ಉಪ್ಪು ಹಾಗೂ ಹುರಿಗಡಲೆ ಪುಡಿಯನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಬೇಕು.
• ಒಲೆಯ ಮೇಲೆ ಬಾಣಲೆಯಿಟ್ಟು ಎಣ್ಣೆಯನ್ನು ಹಾಕಿ ಕಾಯಲು ಬಿಡಬೇಕು. ನಂತರ ಕೀಮಾ ಮಸಾಲೆಯನ್ನು ಚಿಕ್ಕ ಚಿಕ್ಕ ಉಂಡೆಗಳನ್ನಾಗಿ ಮಾಡಿ ತಟ್ಟಿ ಎಣ್ಣೆಗೆ ಹಾಕಿ ಕೆಂಪಗಾಗುವವರೆಗೆ ಖರಿದರೆ ರುಚಿಕರ ಕೀಮಾ ವಡೆ ಸವಿಯಲು ಸಿದ್ಧವಾಗುತ್ತದೆ.