IPL 2026ರಲ್ಲಿ ವೈಫಲ್ಯ: CSK ಫ್ಯಾನ್ಸ್ ಒತ್ತಡಕ್ಕೆ ಮಣಿದ ಸ್ಟೀಫನ್ ಫ್ಲೆಮಿಂಗ್; ಮುಖ್ಯ ಕೋಚ್ ಹುದ್ದೆಯಿಂದ ಹೊರಗೆ?

2026ರ ಐಪಿಎಲ್ ಆವೃತ್ತಿಯಲ್ಲಿ ತಂಡದ ನಿರಾಶಾದಾಯಕ ಪ್ರದರ್ಶನದ ನಂತರ ಕೋಚಿಂಗ್ ವ್ಯವಸ್ಥೆಯ ಬಗ್ಗೆ ಭಾರಿ ಟೀಕೆ ಕೇಳಿಬಂದಿದ್ದರೂ ಚೆನ್ನೈ ಸೂಪರ್ ಕಿಂಗ್ಸ್ (CSK) ಮುಖ್ಯ ಕೋಚ್ ಸ್ಟೀಫನ್ ಫ್ಲೆಮಿಂಗ್ ಅವರನ್ನು ವಜಾಗೊಳಿಸುವುದಿಲ್ಲ ಎಂದು ಕ್ರಿಕ್‌ಬಜ್ ವರದಿ ಮಾಡಿದೆ. 2008ರ ಉದ್ಘಾಟನಾ ಐಪಿಎಲ್ ಆವೃತ್ತಿಯಿಂದಲೂ ಫ್ಲೆಮಿಂಗ್ ಸಿಎಸ್‌ಕೆ ಜೊತೆ ಇದ್ದಾರೆ ಮತ್ತು 2009 ರಿಂದ ಮುಖ್ಯ ಕೋಚ್ ಆಗಿ ಸೇವೆ ಸಲ್ಲಿಸುತ್ತಿದ್ದಾರೆ. ನ್ಯೂಜಿಲೆಂಡ್‌ನ ಮಾಜಿ ನಾಯಕನನ್ನು ಕನಿಷ್ಠ ಇನ್ನೊಂದು ಆವೃತ್ತಿಗೆ ಮುಖ್ಯ ಕೋಚ್ ಆಗಿ ಮುಂದುವರಿಸಲು ಫ್ರಾಂಚೈಸಿ ಸಿದ್ಧವಾಗಿದೆ ಎಂದು ವರದಿಯಾಗಿದೆ. ಸಿಎಸ್‌ಕೆ 2025ರಲ್ಲಿ ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನ ಪಡೆದಿತ್ತು ಮತ್ತು 2026 ಲ್ಲಿ ಎಂಟನೇ ಸ್ಥಾನ ಗಳಿಸಿತು. ಇದೀಗ ಫ್ಲೆಮಿಂಗ್ ಅವರ ಒಪ್ಪಂದವನ್ನು ವಿಸ್ತರಿಸುವ ನಿರೀಕ್ಷೆಯಿದೆ ಎಂದು ವರದಿ ತಿಳಿಸಿದೆ.

ಫ್ರಾಂಚೈಸಿ ಐಪಿಎಲ್ 2026ರ ಪರಿಶೀಲನೆ ನಡೆಸಲಿದೆ. ಫ್ಲೆಮಿಂಗ್ ಅವರ ಒಪ್ಪಂದ ವಿಸ್ತರಣೆಯನ್ನು ದೃಢೀಕರಿಸಲಾಗುತ್ತದೆ. ಅವರು ಸದ್ಯ ಟೆಕ್ಸಾಸ್ ಸೂಪರ್ ಕಿಂಗ್ಸ್ ಜೊತೆ ಮೇಜರ್ ಲೀಗ್ ಕ್ರಿಕೆಟ್ (MLC) ನಲ್ಲಿ ಮುಖ್ಯ ತರಬೇತುದಾರರಾಗಿ ಕೆಲಸ ಮಾಡುತ್ತಿದ್ದಾರೆ.

ವರದಿ ಪ್ರಕಾರ, ಖಲೀಲ್ ಅಹ್ಮದ್ ಮತ್ತು ಡೇವಿಡ್ ಮಿಲ್ಲರ್ ಅವರನ್ನು ಡೆಲ್ಲಿ ಕ್ಯಾಪಿಟಲ್ಸ್ ಜೊತೆಗೆ ಸಿಎಸ್‌ಕೆ ಟ್ರೇಡಿಂಗ್ ಮಾಡುವ ಸಾಧ್ಯತೆ ಬಗ್ಗೆಯೂ ಮಾತುಗಳು ಕೇಳಿಬಂದಿವೆ.

ಈಮಧ್ಯೆ, 2027ರ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಗಿಂತ ಮೊದಲು ನಡೆಯಲಿರುವ ಟ್ರೇಡಿಂಗ್‌ನಲ್ಲಿ, ರಿಷಭ್ ಪಂತ್ ಅವರನ್ನು ಲಕ್ನೋ ಸೂಪರ್ ಜೈಂಟ್ಸ್ (ಎಲ್‌ಎಸ್‌ಜಿ) ನಿಂದ ಡೆಲ್ಲಿ ಕ್ಯಾಪಿಟಲ್ಸ್ (ಡಿಸಿ) ಗೆ ಬದಲಿಸುವ ಸಾಧ್ಯತೆಯಿದೆ. ಕುಲದೀಪ್ ಯಾದವ್ ಎಲ್‌ಎಸ್‌ಜಿ ಪಾಲಾಗಬಹುದು ಎನ್ನಲಾಗಿದೆ.

ಡಿಸಿಯಿಂದ ಬಿಡುಗಡೆಯಾದ ನಂತರ, 2025ರ ಮೆಗಾ ಹರಾಜಿನಲ್ಲಿ ಎಲ್‌ಎಸ್‌ಜಿ ಪಂತ್ ಅವರನ್ನು ₹27 ಕೋಟಿಗೆ ಖರೀದಿಸಿದಾಗ ಐಪಿಎಲ್ ಇತಿಹಾಸದಲ್ಲಿ ಅತ್ಯಂತ ದುಬಾರಿ ಆಟಗಾರರಾದರು. ಐಪಿಎಲ್ ಟ್ರೇಡಿಂಗ್ ವಿಂಡೋ ಸೀಸನ್ ಮುಗಿದ ಸುಮಾರು ಒಂದು ತಿಂಗಳ ನಂತರ ತೆರೆಯುತ್ತದೆ ಮತ್ತು ಮುಂದಿನ ಹರಾಜು ನಡೆಯುವ ಒಂದು ವಾರದ ಮೊದಲಿನವರೆಗೂ ಇರುತ್ತದೆ ಎಂಬುದನ್ನು ಗಮನಿಸಬೇಕು.

ಹರಾಜಿನ ನಂತರ ವಿಂಡೋ ಮತ್ತೆ ತೆರೆಯುತ್ತದೆ ಮತ್ತು ಪಂದ್ಯಾವಳಿ ಪ್ರಾರಂಭವಾಗುವ ಒಂದು ತಿಂಗಳ ಮೊದಲು ಮತ್ತೆ ಮುಚ್ಚುತ್ತದೆ. ಪಂತ್ ಅವರನ್ನು ಡಿಸಿಗೆ ವಿನಿಮಯ ಮಾಡಿಕೊಳ್ಳುವ ಮೊತ್ತ ಮತ್ತು ಕುಲದೀಪ್ ಅವರಿಗೆ ಎಲ್‌ಎಸ್‌ಜಿ ಪಾವತಿಸುವ ಮೊತ್ತವು ಇನ್ನೂ ಚರ್ಚೆಯಲ್ಲಿದೆ ಎಂದು IANS ವರದಿ ತಿಳಿಸಿದೆ.

'ರಿಷಭ್-ಕುಲದೀಪ್ ವಿನಿಮಯ ಟ್ರೇಡಿಂಗ್ ನಡೆಯುತ್ತಿದೆ ಎಂಬುದು ನಿಜ ಮತ್ತು ಎರಡೂ ಫ್ರಾಂಚೈಸಿಗಳು ಅದರಲ್ಲಿ ನಿರತವಾಗಿವೆ. ಆದರೆ ಒಳಗೊಂಡಿರುವ ಮೊತ್ತ ಮತ್ತು ಉಳಿದ ಔಪಚಾರಿಕತೆಗಳು ಬಿಸಿಸಿಐ ಮತ್ತು ಐಪಿಎಲ್‌ನಿಂದ ಅನುಮೋದನೆಗೆ ಬಾಕಿ ಇವೆ' ಎಂದು ಈ ಬೆಳವಣಿಗೆಯೊಂದಿಗೆ ಪರಿಚಿತವಾಗಿರುವ ಮೂಲವೊಂದು ಶುಕ್ರವಾರ ಐಎಎನ್‌ಎಸ್‌ಗೆ ತಿಳಿಸಿದೆ.