ಮಯಾಂಕ್ ಅಗರ್ವಾಲ್ ಗೆ ಕೂಡಿಬಂದ ಕಂಕಣ, ಲಂಡನ್ ನಲ್ಲಿ ಆಶಿತಾ ಸೂದ್ ರೊಡನೆ ನಿಶ್ಚಿತಾರ್ಥ
ರಣಜಿ ಟ್ರೋಫಿ ಸರಣಿಯಲ್ಲಿ ಅದ್ಭುತ ಆಟ ಪ್ರದರ್ಶನ ನೀಡಿರುವುದಲ್ಲದೆ ಸಾವಿರ ರನ್ ಕಲೆಹಾಕಿರುವ ಕರ್ನಾಟಕದ ಮಯಾಂಕ್ ಅಗರ್ವಾಲ್ ತಮ್ಮ ಗೆಳತಿ ಆಶಿತಾ ಸೂದ್ ಅವರೊಡನೆ ನಿಶ್ಚಿತಾರ್ಥ....
Published On :
ಲಂಡನ್: ರಣಜಿ ಟ್ರೋಫಿ ಸರಣಿಯಲ್ಲಿ ಅದ್ಭುತ ಆಟ ಪ್ರದರ್ಶನ ನೀಡಿರುವುದಲ್ಲದೆ ಸಾವಿರ ರನ್ ಕಲೆಹಾಕಿರುವ ಕರ್ನಾಟಕದ ಮಯಾಂಕ್ ಅಗರ್ವಾಲ್ ತಮ್ಮ ಗೆಳತಿ ಆಶಿತಾ ಸೂದ್ ಅವರೊಡನೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ ಎಂದು ಮಾದ್ಯಮದಲ್ಲಿ ವರದಿಯಾಗಿದೆ.
ತಮ್ಮ ಇನ್ಸ್‌ಟಾಗ್ರಾಂ ಖಾತೆಯಲ್ಲಿ ಈ ಸಂತಸವನ್ನು ಹಂಚಿಕೊಂಡಿರುವ ಮಯಾಂಕ್ ಟ್ವಿಟ್ಟರ್ ನಲ್ಲಿ ಸಹ ಬರೆದುಕೊಂಡಿದ್ದಾರೆ.
ಲಂಡನ್ ನ ಥೇಮ್ಸ್ ನದಿಯ ತಪ್ಪಲಿನಲ್ಲಿ ಲಂಡನ್ ಐ ಟವರ್ ಬಳಿ ತಮ್ಮ ಗೆಳತಿ ಆಶಿತಾ ಸೂದ್ ಅವರ ಮುಂದೆ ಮಂಡಿಯೂರಿ ಕುಳಿತಿರುವ ಮಯಾಂಕ್ ಚಿತ್ರ ಇನ್ಸ್‌ಟಾಗ್ರಾಂ ಪೋಸ್ಟ್ ನಲ್ಲಿ ಕಾಣಬಹುದು. ಈ ವೇಳೆ ಮಯಾಂಕ್ ಗೆಳತಿಗೆ ತನ್ನನ್ನು ಮದುವೆಯಾಗುವಂತೆ ಪ್ರಪೋಸ್ ಮಾಡಿದ್ದಾಗಿ, ಆಶಿತಾ ಆ ಪ್ರೀತಿಯ ಕೋರಿಕೆಗೆ ಸಮ್ಮತಿ ಇತ್ತಿದ್ದಾರೆ.
"ಅವರು (ಆಶಿತಾ) ಯಸ್! ಎಂದು ಹೇಳಿದ್ದಾರೆ, ನಾನದನ್ನು ಪದಗಳಲ್ಲಿ ವರ್ಣಿಸಲಾರೆ. ಈ ಕ್ಷಣ ನಮ್ಮಿಬ್ಬರಿಗೆ ಸ್ಮರಣೀಯವಾಗಿದೆ" ಎಂದು ಮಯಾಂಕ್ ಟ್ವೀಟ್ ಮಾಡಿದ್ದಾರೆ.
ಕಳೆದ ಕೆಲ ವರ್ಷಗಳಿಂದ ಮಯಾಂಕ್ ಹಾಗೂ ಆಶಿತಾ ಪ್ರೀತಿಯಲ್ಲಿ ತೊಡಗಿದ್ದರು. ಇಬ್ಬರ ಕುಟುಂಬದವರೂ ಸಹ ಅವರ ವಿವಾಹಕ್ಕೆ ಒಪ್ಪಿಗೆ ಇತ್ತದ್ದರಿಂದ ಇದೀಗ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Londonಲಂಡನ್Mayank Agarwalengagementರಣಜಿ ಟ್ರೋಫಿRanji Trophyನಿಶ್ಚಿತಾರ್ಥಮಾಯಾಂಕ್ ಅಗರ್ವಾಲ್Asita SoodKarnataka cricketerಆಶಿತಾ ಸೂದ್ಕರ್ನಾಟಕ ಕ್ರಿಕೆಟ್ ಆಟಗಾರ
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.