ರಕ್ಷಿತಾ ಬರ್ತ್​ಡೇಗೆ ಭರ್ಜರಿ ಗಿಫ್ಟ್​: ನಿರ್ಮಾಣ ಸಂಸ್ಥೆ ಆರಂಭಿಸಿದ ಕ್ರೇಜಿ ಕ್ವೀನ್; 'ಈಡಿಯಟ್'​ ಸಿನಿಮಾ ಅನೌನ್ಸ್!

ನಟಿ-ನಿರ್ಮಾಪಕಿ ರಕ್ಷಿತಾ ಪ್ರೇಮ್ ತಮ್ಮ ಪತಿ ಪ್ರೇಮ್ ಅವರೊಂದಿಗೆ ಫೀನಿಕ್ಸ್ ಪ್ರೇಮ್ಸ್ ಸ್ಟುಡಿಯೋಸ್ ಎಂಬ ಹೊಸ ನಿರ್ಮಾಣ ಸಂಸ್ಥೆಯನ್ನು ಘೋಷಿಸುವ ಮೂಲಕ ತಮ್ಮ ಹುಟ್ಟುಹಬ್ಬ ಆಚರಿಸಿಕೊಂಡರು.

ಈ ಬ್ಯಾನರ್ ಚಲನಚಿತ್ರ ನಿರ್ಮಾಣ ಮತ್ತು ಸ್ಟುಡಿಯೋ ಕೆಲಸ ಎರಡರ ಮೇಲೂ ಕೇಂದ್ರೀಕರಿಸುತ್ತದೆ, ಇದು ಅವರ ಪ್ರಯಾಣದಲ್ಲಿ ಹೊಸ ಅಧ್ಯಾಯ ಗುರುತಿಸುತ್ತದೆ. ತಮ್ಮ ಸಹೋದರ ರಾಣಾ ನಾಯಕನಾಗಿ ನಟಿಸಿರುವ ತಮ್ಮ ಮೊದಲ ಪ್ರಾಜೆಕ್ಟ್ 'ಈಡಿಯಟ್' ಸಿನಿಮಾವನ್ನು ರಕ್ಷಿತಾ ಘೋಷಿಸಿದ್ದಾರೆ.

ಈ ಹಿಂದೆ ಪ್ರೇಮ್ ಅವರೊಂದಿಗೆ ಏಕ್ ಲವ್ ಯಾ ಮತ್ತು ಮುಂಬರುವ ಕೆಡಿ ಚಿತ್ರಗಳಲ್ಲಿ ಸಹ-ನಿರ್ದೇಶಕ, ಬರಹಗಾರ ಮತ್ತು ಗೀತರಚನೆಕಾರರಾಗಿ ಕೆಲಸ ಮಾಡಿದ ಮಂಜುನಾಥ್ ಬಿ.ಎಸ್. ಈ ಸಿನಿಮಾ ನಿರ್ದೇಶಿಸಲಿದ್ದಾರೆ.

ನಿರ್ದೇಶಕರಾಗಿ ತಮ್ಮ ಮೊದಲ ಚಿತ್ರದ ಬಗ್ಗೆ ಮಾತನಾಡಿದ ಮಂಜುನಾಥ್, ಪ್ರೀತಿಯ ಬಗೆಗಿನ ಸಿನಿಮಾ ಕಥೆಯಾಗಿದೆ. ಕೆಲವೊಮ್ಮೆ ಪ್ರೀತಿಯು ಒಬ್ಬ ವ್ಯಕ್ತಿಯನ್ನು 'ಮೂರ್ಖ'ನನ್ನಾಗಿ ಮಾಡಬಹುದು" ಎಂದು ಹೇಳಿದರು. ಈ ಕಲ್ಪನೆಯು ಚಿತ್ರದ ಹೃದಯಭಾಗದಲ್ಲಿದೆ. ಈ ಪ್ರಾಜೆಕ್ಟ್ ನೊಂದಿಗೆ ನಿರ್ದೇಶಕನಾಗಿ ನನ್ನ ಪ್ರಯಾಣ ಪ್ರಾರಂಭಿಸುವುದು ಒಂದು ದೊಡ್ಡ ಹೆಜ್ಜೆ ಮತ್ತು ಹೊಸ ಜವಾಬ್ದಾರಿಯಾಗಿದೆ ಎಂದರು.

ಈ ಚಿತ್ರವು ಮೇ ತಿಂಗಳಲ್ಲಿ ಸೆಟ್ಟೇರಲಿದೆ. ಕಿರಿಕ್ ಪಾರ್ಟಿ ಮತ್ತು 777 ಚಾರ್ಲಿಯಂತಹ ಚಿತ್ರಗಳಲ್ಲಿ ಕೆಲಸ ಮಾಡಿದ ಅಭಿಜಿತ್ ಮಹೇಶ್, ಈಡಿಯಟ್‌ಗೆ ಸಂಭಾಷಣೆ ಬರೆಯಲಿದ್ದಾರೆ.

ಏಕ್ ಲವ್ ಯಾ' ಸಿನಿಮಾ ಮೂಲಕ ಕನ್ನಡ ಚಿತ್ರರಂಗ ಪ್ರವೇಶಿಸಿದ ರಕ್ಷಿತಾ ಸಹೋದರ ರಾಣಾ ಈ ಸಿನಿಮಾದ ನಾಯಕ ನಟ. ಉಳಿದಂತೆ ವಿಲಿಯಂ ಡೆವಿಡ್ ಕ್ಯಾಮರಾ ಕೈಚಳಕ, ರೋಮಿಯೋ ಸಂಗೀತ ನೀಡುತ್ತಿದ್ದಾರೆ. ನಿರ್ದೇಶಕ ಮಂಜುನಾಥ್ ಬಿ.ಎಸ್ ಕಥೆ, ನಿರ್ದೇಶಕನಾಗುವುದರ ಜೊತೆಗೆ ಈ ಸಿನಿಮಾಗೆ ಬಂಡವಾಳವನ್ನೂ ಹೂಡುತ್ತಿದ್ದಾರೆ. ರಕ್ಷಿತಾ ಪ್ರೇಮ್​​ ಮುಖ್ಯ ನಿರ್ಮಾಪಕಿ.

"ಏಕ್ ಲವ್ ಯಾ" ಮತ್ತು "ಎಳುಮಲೆ" ನಂತರ ನಾಯಕ ನಟನಾಗಿ ರಾಣಾ ಅವರ ಮೂರನೇ ಚಿತ್ರ ಇದಾಗಿದೆ. ರಾಣಾ ಸಹೋದರಿ ರಕ್ಷಿತಾ ಬ್ಯಾನರ್ ಅಡಿಯಲ್ಲಿ ಅವರ ಮೊದಲ ಚಿತ್ರ ಇದು. ನಾನು ಪ್ರೇಮ್ ಸರ್ ಅವರೊಂದಿಗೆ ಕೆಲಸ ಮಾಡಿದ್ದೇನೆ ಮತ್ತು ಮಂಜುನಾಥ್ ಅವರನ್ನು ಬಹಳ ಸಮಯದಿಂದ ತಿಳಿದಿದ್ದೇನೆ. ಅವರು ತುಂಬಾ ಆಸಕ್ತಿದಾಯಕ ಪ್ರೇಮಕಥೆಯನ್ನು ಆರಿಸಿಕೊಂಡಿದ್ದಾರೆ. ನನ್ನ ಹಿಂದಿನ ಚಿತ್ರಗಳಲ್ಲಿಯೂ ಪ್ರೀತಿ ಒಂದು ವಿಷಯವಾಗಿತ್ತು, ಆದರೆ ಈ ಕಥೆ ಕನ್ನಡ ಸಿನಿಮಾಗೆ ಚಿತ್ರಕಥೆಯ ವಿಷಯದಲ್ಲಿ ವಿಭಿನ್ನವಾಗಿದೆ ಎಂದು ರಾಣಾ ಹೇಳಿದ್ದಾರೆ"

"ಈಡಿಯಟ್" ಎಂಬ ಶೀರ್ಷಿಕೆ ರಕ್ಷಿತಾ ಪ್ರೇಮ್ ಅವರಿಗೆ ವಿಶೇಷವಾಗಿದೆ, ಏಕೆಂದರೆ ಇದು ರವಿತೇಜ ಅವರೊಂದಿಗಿನ ಅವರ ಮೊದಲ ತೆಲುಗು ಚಿತ್ರದ ಟೈಟಲ್ ಆಗಿತ್ತು.

ಫೀನಿಕ್ಸ್ ಪ್ರೇಮ್ಸ್ ಸ್ಟುಡಿಯೋಸ್‌ನ ಹಿಂದಿನ ದೃಷ್ಟಿಕೋನದ ಬಗ್ಗೆ ಮಾತನಾಡುತ್ತಾ, ರಕ್ಷಿತಾ, "ನಾವು ಹೊಸ ಪ್ರತಿಭೆಗಳಿಗೆ ವೇದಿಕೆಯನ್ನು ಸೃಷ್ಟಿಸಲು ಬಯಸುತ್ತೇವೆ. ಹೊಸ ಆಲೋಚನೆಗಳನ್ನು ಬೆಂಬಲಿಸುವುದು ಮತ್ತು ಉದ್ಯಮದಲ್ಲಿ ಹೊಸಬರಿಗೆ ಅರ್ಥಪೂರ್ಣ ಅವಕಾಶಗಳನ್ನು ನೀಡುವುದು ನಮ್ಮ ಗುರಿಯಾಗಿದೆ ಎಂದಿದ್ದಾರೆ.