‘ಆರ' ನನ್ನ ಸಿನಿಮಾ ಪಯಣದ ಆರಂಭಿಕ ಹೆಜ್ಜೆಯಷ್ಟೇ: ನಾಯಕ ಎಆರ್ ರೋಹಿತ್

ಸ್ಪಾಟ್ ಬಾಯ್ ಆಗಿ ತನ್ನ ಪಯಣ ಆರಂಭಿಸಿದ ಎಆರ್ ರೋಹಿತ್ ಕ್ರಮೇಣ ಲೈಟ್ ಬಾಯ್, ಅಸಿಸ್ಟೆಂಟ್ ಮತ್ತು ಅಸೋಸಿಯೇಟ್ ಡೈರೆಕ್ಟರ್ ಸೇರಿದಂತೆ ವಿವಿಧ ಜವಾಬ್ದಾರಿಗಳ ಮೂಲಕ ಹಾದುಬಂದಿದ್ದಾರೆ. ಈ ಪಯಣ ಅವರನ್ನು ಸಮಗ್ರ ಸಿನಿಮಾ ಜಗತ್ತಿನ ಮೂಲಕ ಕೊಂಡೊಯ್ದಿದೆ. ಇಂದು, ಅವರು ತಮ್ಮ ಇತ್ತೀಚಿನ ಆರ ಸಿನಿಮಾದಲ್ಲಿ ನಾಯಕ ಮತ್ತು ಬರಹಗಾರರಾಗಿ ಅಷ್ಟೇ ಅಲ್ಲದೆ, ಪ್ರೊಡಕ್ಷನ್ ಹೌಸ್ ಅನ್ನು ನಿರ್ವಹಿಸುತ್ತಿದ್ದಾರೆ. ಅಶ್ವಿನ್ ವಿಜಯಮೂರ್ತಿ ನಿರ್ದೇಶನದ ಈ ಚಿತ್ರ ಕಳೆದ ವಾರ ತೆರೆಗೆ ಅಪ್ಪಳಿಸಿತ್ತು.

'ಸಿನಿಮಾದ ಜಟಿಲತೆಗಳನ್ನು ಗ್ರಹಿಸುವ ಬಲವಾದ ಬಯಕೆಯಿಂದ ಪ್ರೇರೇಪಿಸಲ್ಪಟ್ಟ ನಾನು ವಿವಿಧ ವಿಭಾಗಗಳಲ್ಲಿ ಕೆಲಸ ಮಾಡಿದೆ. ಈ ಹಾದಿಯಲ್ಲಿ ಹಲವು ಕೌಶಲ್ಯಗಳನ್ನು ಪಡೆದುಕೊಂಡೆ. ಈ ಸಿನಿಮೀಯ ಸಾಹಸದ ಉದ್ದಕ್ಕೂ, ನಾನು ಯಶಸ್ಸು ಮತ್ತು ಸವಾಲುಗಳನ್ನು ಕಂಡಿದ್ದೇನೆ. ಚಲನಚಿತ್ರ ನಿರ್ಮಾಣದ ಹಿಂದಿನ ಆಳವಾದ ಅಂಶಗಳನ್ನು ಪಡೆದುಕೊಂಡೆ. ಆದಾಗ್ಯೂ, ಇನ್ನೂ ಅನೇಕ ಅಂಶಗಳನ್ನು ಕಂಡುಕೊಳ್ಳಲು ಮತ್ತು ಕರಗತ ಮಾಡಿಕೊಳ್ಳಲು ನಾನು ಸಿದ್ಧನಾಗಿದ್ದೇನೆ' ಎಂದು ನಟನಾಗಿ ದೊಡ್ಡ ಬ್ರೇಕ್‌ಗಾಗಿ ಕಾಯುತ್ತಿರುವ ರೋಹಿತ್ ಹೇಳುತ್ತಾರೆ.

ಆರ ಸಿನಿಮಾ ಬಗ್ಗೆ ವಿವರಿಸುವ ಅವರು, 'ಈ ಸಿನಿಮಾವು ತನ್ನ ಜೀವನದಲ್ಲಿ ಅತೃಪ್ತರಾಗಿರುವ ಮತ್ತು ಇತರ ಆಯಾಮಗಳನ್ನು ಅನ್ವೇಷಿಸಲು ಬಯಸುವ ಯುವ ಮುಗ್ಧ ಅರ್ಚಕನ ಪ್ರಯಾಣವನ್ನು ಒಳಗೊಂಡಿದೆ. ಅವರಿಗೆ ಎದುರಾಗುವ ಸವಾಲುಗಳ ಬಗ್ಗೆ' ಚಿತ್ರದಲ್ಲಿ ಹೇಳಲಾಗಿದೆ ಎಂದು ಅವರು ಹೇಳುತ್ತಾರೆ.

ಇದನ್ನೂ ಓದಿ: ಅಶ್ವಿನ್ ವಿಜಯಮೂರ್ತಿ ನಿರ್ದೇಶನದ 'ಆರ' ಸಿನಿಮಾ ಬಿಡುಗಡೆಗೆ ದಿನಾಂಕ ನಿಗದಿ

ಈ ಸವಾಲುಗಳ ಮೂಲಕ, ಆತ ಶ್ರೀಮಂತಿಕೆ, ಪ್ರಕೃತಿ ಮತ್ತು ಆಧ್ಯಾತ್ಮಿಕತೆಯ ಬಗ್ಗೆ ಪ್ರಮುಖ ಪಾಠಗಳನ್ನು ಕಲಿಯುತ್ತಾನೆ ಎಂದು ರೋಹಿತ್ ವಿವರಿಸುತ್ತಾರೆ. ಅವರು ಚಿತ್ರದಲ್ಲಿ ನಟ ಮತ್ತು ನಿರ್ಮಾಪಕರಾಗಿ ಬಹುಮುಖಿ ಜವಾಬ್ದಾರಿಗಳನ್ನು ವಹಿಸಿದ್ದಕ್ಕಾಗಿ ಸಂತೋಷಪಡುತ್ತಾರೆ. 

'ಸ್ಪಾಟ್ ಬಾಯ್‌ನಿಂದ ಬರಹಗಾರ, ನಟ ಮತ್ತು ನಿರ್ಮಾಪಕನಾಗಿ ಮುನ್ನಡೆಯುತ್ತಿರುವುದು ನಾನು ಹೆಮ್ಮೆಪಡುವ ಸಾಧನೆಯಾಗಿದೆ. ಆರ ನನ್ನ ಸಿನಿಮಾ ಪಯಣದ ಆರಂಭಿಕ ಹೆಜ್ಜೆಯನ್ನು ಗುರುತಿಸುತ್ತದೆ' ಎಂದು ಅವರು ಹೇಳುತ್ತಾರೆ.