'ದಂಗಲ್' ಪ್ರಚಾರಕ್ಕೆ ಬಿಗ್ ಬಾಸ್ ಗೆ ಹೋಗಲೊಲ್ಲೆ ಎಂದ ಅಮೀರ್ ಖಾನ್
ತಮ್ಮ ಮುಂದಿನ ಚಿತ್ರ 'ದಂಗಲ್' ಪ್ರಚಾರಕ್ಕಾಗಿ, ಗೆಳೆಯ ಮತ್ತು ಸಹನಟ ಸಲ್ಮಾನ್ ಖಾನ್ ನಡೆಸಿಕೊಡುವ ಬಿಗ್ ಬಾಸ್ ಕಾರ್ಯಕ್ರಮಕ್ಕೆ ಹೋಗುವುದಿಲ್ಲ ಎಂದು ನಟ ಅಮೀರ್ ಖಾನ್ ಸ್ಪಷ್ಟಪಡಿಸಿದ್ದಾರೆ.
Published On :
ಮುಂಬೈ: ತಮ್ಮ ಮುಂದಿನ ಚಿತ್ರ 'ದಂಗಲ್' ಪ್ರಚಾರಕ್ಕಾಗಿ, ಗೆಳೆಯ ಮತ್ತು ಸಹನಟ ಸಲ್ಮಾನ್ ಖಾನ್ ನಡೆಸಿಕೊಡುವ ಬಿಗ್ ಬಾಸ್ ಕಾರ್ಯಕ್ರಮಕ್ಕೆ ಹೋಗುವುದಿಲ್ಲ ಎಂದು ನಟ ಅಮೀರ್ ಖಾನ್ ಸ್ಪಷ್ಟಪಡಿಸಿದ್ದಾರೆ.
"ನಾನು ಸಿನೆಮಾ ಪ್ರಚಾರಕ್ಕಾಗಿ ಟಿವಿ ಮೊರೆ ಹೋಗುವುದಿಲ್ಲ. ಸಿನೆಮಾದ ಟ್ರೇಲರ್ ಮತ್ತು ಪ್ರಮೋ ಗಳನ್ನೂ ನಾವು ಬಿಡುಗಡೆ ಮಾಡಿದ್ದೇವೆ" ಎಂದು ಪ್ರಚಾರಕ್ಕಾಗಿ ಸಲ್ಮಾನ್ ನಡೆಸಿಕೊಡುವ ಬಿಗ್ ಬಾಸ್ ಗೆ ತೆರಳಲಿದ್ದೀರಾ ಎಂಬ ಪ್ರಶ್ನೆಗೆ ಅಮೀರ್ ಉತ್ತರಿಸಿದ್ದಾರೆ.
"ಅವರಿಗೆ ನನ್ನ ಸಿನೆಮಾ ಪ್ರಚಾರ ಮಾಡುವುದಕ್ಕೆ ತೀವ್ರ ಆಸಕ್ತಿ ಇದೆ ಎಂಬುದರ ಬಗ್ಗೆ ನನಗೆ ಖಾತ್ರಿ ಇದೆ. ನನಗೆ ಕೂಡ ಅವರ ಸಿನೆಮಾವನ್ನು ಪ್ರಚಾರ ಮಾಡಲು ಇಷ್ಟ. ನಾವು ಅವರಿಗೆ 'ದಂಗಲ್' ತೋರಿಸಲು ಉತ್ಸಾಹದಿಂದ ಕಾಯುತ್ತಿದ್ದೇನೆ" ಎಂದು ಅಮೀರ್ ಹೇಳಿದ್ದಾರೆ.
ಈ ಹಿಂದೆ 'ಸುಲ್ತಾನ್' ಸಿನೆಮಾದಲ್ಲಿ ಸಲ್ಮಾನ್ ಖಾನ್ ಕುಸ್ತಿಪಟು ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು, ಈಗ ಅಮೀರ್ 'ದಂಗಲ್'ನಲ್ಲಿ ಕುಸ್ತಿಪಟುವಾಗಿ ನಟಿಸಿದ್ದಾರೆ.
'ದಬಾಂಗ್' ನಟನ ಜೊತೆಗೆ ಕುಸ್ತಿಯ ಬಗ್ಗೆ ಏನನ್ನಾದರೂ ಚರ್ಚಿಸಿದಿರೇ ಎಂಬ ಪ್ರಶ್ನೆಗೆ "ಇಲ್ಲ ನಾವು ಚರ್ಚಿಸಲಿಲ್ಲ. ಕೃಪಾ ಶಂಕರ್ ಸಿಂಗ್ ನಮಗೆ ತರಬೇತಿ ನೀಡಿದರು ಮತ್ತು ನಮ್ಮ ಸಿನೆಮಾಗೆ ಅಪಾರ ಕಾಣಿಕೆ ನೀಡಿದ್ದಾರೆ" ಎಂದಿದ್ದಾರೆ ಅಮೀರ್.
'ದಂಗಲ್' ಸಿನೆಮಾ ಡಿಸೆಂಬರ್ ೨೩ ಕ್ಕೆ ಬಿಡುಗಡೆಯಾಗಲಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.