ಸೋನಾಕ್ಷಿಗೆ ರಾಮ್‌ಚರಣ್ ಬೌಲ್ಡ್!

ಬಾಲಿವುಡ್‌ಗೆ ಕಾಲಿಟ್ಟ ಸೋನಾಕ್ಷಿ ಸಿನ್ಹಾಗೆ ಅವಕಾಶಗಳ ಮಹಾಪೂರವೇ ಹರಿದು ಬರುತ್ತಿದೆ. ಈಗ ರಜನಿಕಾಂತ್‌ನ 'ಲಿಂಗಾ' ಚಿತ್ರದ ಮೂಲಕ ಟಾಲಿವುಡ್ ಅಂಗಳಕ್ಕೂ ಪಾದರ್ಪಣೆ ಮಾಡಿದ ಸೋನಾಕ್ಷಿಗೆ ತಮಿಳಿನಲ್ಲಿ ಬರುತ್ತಿರುವ ಆಫರ್‌ಗಳು ಒಂದೆರಡಲ್ಲ.

ಸ್ಲಿಮ್ ಆಗಿರುವ ಸೋನಾಕ್ಷಿಯ ವನುಪು ವೈಯ್ಯಾರ ನೋಡಿ ಟಾಲಿವುಡ್‌ನ ನಿರ್ದೇಶಕರು ಕ್ಲೀನ್ ಬೌಲ್ಡ್ ಆಗಿದ್ದಷ್ಟೇ ಅಲ್ಲ ಚಿರಂಜೀವಿ ಪುತ್ರ ರಾಮ್ ಚರಣ್ ಕೂಡ ಕ್ಲೀನ್ ಬೌಲ್ಡ್ ಆಗಿದ್ದಾರಂತೆ. ಭಾಷೆ ಬಾರದಿದ್ದರೂ ಸೋನಾಕ್ಷಿಯೂ ಹಾವ ಭಾವ ನೋಡಿ ಮೆಚ್ಚಿಕೊಂಡಿರುವ ನಿರ್ದೇಶಕರೊಬ್ಬರು ರಾಮ್‌ಚರಣ್ ತೇಜಾ ಅಭಿನಯದ ಚಿತ್ರಕ್ಕೆ ಸೋನಾಕ್ಷಿಯನ್ನೇ ನಾಯಕಿಯನ್ನಾಗಿ ಮಾಡುವ ಮನಸ್ಸು ಮಾಡಿದ್ದಾರಂತೆ.

ಈ ಬಗ್ಗೆ ಆಗಲೇ ಚೆರ್ರಿ ಜತೆ ಮಾತುಕತೆ ಕೂಡ ನಡೆದಿದೆಯಂತೆ. ಸೋನಾಕ್ಷಿಯ ಎಲ್ಲಾ ಸಿನಿಮಾಗಳನ್ನೂ ಬಿಡದೆ ನೋಡಿರುವ ರಾಮ್ ಚರಣ್, ಆಕೆಯೊಂದಿಗೆ ರೋಮ್ಯಾನ್ಸ್ ಮಾಡುವುದಕ್ಕೆ ಒಪ್ಪಿಕೊಂಡಿದ್ದಾರಂತೆ. ಬಾಲಿವುಡ್ ಮೂಲಗಳ ಪ್ರಕಾರ ಸೋನಾಕ್ಷಿಗೆ ಅಧಿಕೃತವಾಗಿ ಆಫರ್ ಕೂಡ ಕೊಟ್ಟಾಗಿದೆ. ಆದರೆ ಸೋನಾಕ್ಷಿ ಕಡೆಯಿಂದ ಇನ್ನೂ ಒಪ್ಪಿಗೆ ಸಿಕ್ಕಿಲ್ಲವಂತೆ.