ಫೋರ್ಬ್ಸ್ ಪಟ್ಟಿ: 20 ಏಷ್ಯನ್ ಮಹಿಳಾ ಉದ್ಯಮಿಗಳ ಪಟ್ಟಿಯಲ್ಲಿ ಮೂವರು ಭಾರತೀಯ ಉದ್ಯಮಿಗಳಿಗೆ ಸ್ಥಾನ

ಸಿಂಗಾಪುರ: ಫೋರ್ಬ್ಸ್ ಏಷ್ಯಾ ನವೆಂಬರ್ ಸಂಚಿಕೆಯ ಪಟ್ಟಿಯಲ್ಲಿ ಮೂವರು ಪ್ರಮುಖ ಭಾರತೀಯ ಮಹಿಳಾ ಉದ್ಯಮಿಗಳು ಸ್ಥಾನ ಪಡೆದುಕೊಂಡಿದ್ದಾರೆ. ಮೂರು ವರ್ಷಗಳ ಕೋವಿಡ್-19 ಸಾಂಕ್ರಾಮಿಕದ ಅನಿಶ್ಚಿತತೆ ಹೊರತಾಗಿಯೂ, ವಿವಿಧ ತಂತ್ರಗಳೊಂದಿಗೆ ತಮ್ಮ ಉದ್ಯಮಗಳು ಯಶಸ್ವಿಯಾಗುವಂತೆ ನೋಡಿಕೊಂಡ 20 ಏಷ್ಯನ್ ಮಹಿಳೆಯರನ್ನು ಪಟ್ಟಿ ಮಾಡಲಾಗಿದೆ.

ಸ್ಟೀಲ್ ಅಥಾರಿಟಿ ಆಫ್ ಇಂಡಿಯಾ ಲಿಮಿಟೆಡ್‌ನ ಅಧ್ಯಕ್ಷೆ ಸೋಮಾ ಮೊಂಡಲ್, ಎಂಕ್ಯೂರ್ ಫಾರ್ಮಾದ ಇಂಡಿಯಾ ಬ್ಯುಸಿನೆಸ್‌ನ ಕಾರ್ಯನಿರ್ವಾಹಕ ನಿರ್ದೇಶಕಿ ನಮಿತಾ ಥಾಪರ್ ಮತ್ತು ಹೊನಾಸ ಗ್ರಾಹಕ ಸಹ ಸ್ಥಾಪಕ ಮತ್ತು ಮುಖ್ಯ ನಾವೀನ್ಯತೆ ಅಧಿಕಾರಿ ಗಜಲ್ ಅಲಾಘ್ ಪಟ್ಟಿಯಲ್ಲಿ ಸ್ಥಾನಪಡೆದಿದ್ದಾರೆ.

ಈ ಮಹಿಳೆಯರಲ್ಲಿ ಕೆಲವರು ಶಿಪ್ಪಿಂಗ್, ಆಸ್ತಿ ಮತ್ತು ನಿರ್ಮಾಣದಂತಹ ಕಠಿಣ ಕ್ಷೇತ್ರಗಳಲ್ಲಿ ಕಾರ್ಯನಿರ್ವಹಿಸುತ್ತಿದ್ದರೆ, ಇತರರು ತಂತ್ರಜ್ಞಾನ, ಔಷಧಿ ಮತ್ತು ಸರಕುಗಳಂತಹ ಕ್ಷೇತ್ರಗಳಲ್ಲಿ ಹೊಸತನವನ್ನು ಮುಂದುವರೆಸುತ್ತಿದ್ದಾರೆ ಎಂದು ಫೋರ್ಬ್ಸ್ ಮಂಗಳವಾರ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.

ಈ ವರ್ಷ ಏಷ್ಯಾ-ಪೆಸಿಫಿಕ್ ಪ್ರದೇಶವು ಹೆಚ್ಚಾಗಿ ಸಾಂಕ್ರಾಮಿಕ ನಂತರದ ದಿನಗಳಿಗೆ ಸಾಗಿದೆ. ಅಲ್ಲಿ ಸರ್ಕಾರಗಳು, ಜನರು ಮತ್ತು ವ್ಯವಹಾರಗಳು ಕೋವಿಡ್-19 ನೊಂದಿಗೆ ಬದುಕಲು ಕಲಿಯುತ್ತಿವೆ ಎಂದು ಅದು ಹೇಳಿದೆ.

ಪಟ್ಟಿಯಲ್ಲಿರುವ ಇತರ ಮಹಿಳೆಯರು ಆಸ್ಟ್ರೇಲಿಯಾ, ಚೀನಾ, ದಕ್ಷಿಣ ಕೊರಿಯಾ, ಇಂಡೋನೇಷ್ಯಾ, ಜಪಾನ್, ಸಿಂಗಾಪುರ, ದಕ್ಷಿಣ ಕೊರಿಯಾ, ತೈವಾನ್ ಮತ್ತು ಥೈಲ್ಯಾಂಡ್‌ನವರು.