ಡಿಸೆಂಬರ್ ನಲ್ಲಿ ಸಗಟು ಬೆಲೆ ಸೂಚ್ಯಂಕ ಹಣದುಬ್ಬರ ಶೇ. 3.58 ಕ್ಕೆ ಇಳಿಕೆ
ಸಗಟು ಬೆಲೆಗಳ ಆಧಾರದ ಮೇಲೆ ಹಣದುಬ್ಬರ ಕಡಿಮೆಯಾಗಿ ಕಳೆದ ಡಿಸೆಂಬರ್ ನಲ್ಲಿ ...
Published On :
ನವದೆಹಲಿ: ಸಗಟು ಬೆಲೆಗಳ ಆಧಾರದ ಮೇಲೆ ಹಣದುಬ್ಬರ ಕಡಿಮೆಯಾಗಿ ಕಳೆದ ಡಿಸೆಂಬರ್ ನಲ್ಲಿ ಶೇಕಡಾ 3.58ಕ್ಕೆ ತಲುಪಿದೆ. ಇಂಧನದ ಬೆಲೆ ಏರಿಕೆಯಾದರೂ ಕೂಡ ಆಹಾರ ಪದಾರ್ಥಗಳ ಬೆಲೆ ಇಳಿಕೆಯಾಗಿರುವುದು ಇದಕ್ಕೆ ಕಾರಣವಾಗಿದೆ.
ಸಗಟು ಬೆಲೆ ಸೂಚ್ಯಂಕ ಆಧಾರದ ಮೇಲೆ ನಡೆಸಿದ ಲೆಕ್ಕಾಚಾರ ಪ್ರಕಾರ, ನವೆಂಬರ್ ತಿಂಗಳಲ್ಲಿ ಹಣದುಬ್ಬರ ಶೇಕಡಾ 3.93 ಆದರೆ 2016 ಡಿಸೆಂಬರ್ ನಲ್ಲಿ ಶೇಕಡಾ 2.10ರಷ್ಟಾಗಿತ್ತು.
ಸರ್ಕಾರ ಇಂದು ಬಿಡುಗಡೆ ಮಾಡಿರುವ ಅಂಕಿಅಂಶ ಪ್ರಕಾರ, ನವೆಂಬರ್ ನಲ್ಲಿ ಆಹಾರ ವಸ್ತುಗಳ ಮೇಲಿನ ಹಣದುಬ್ಬರ ಶೇಕಡಾ 6.ರಿಂದ ಡಿಸೆಂಬರ್ ನಲ್ಲಿ ಶೇಕಡಾ 4.72ಕ್ಕೆ ಇಳಿಕೆಯಾಗಿದೆ.
ತರಕಾರಿ ಮೇಲಿನ ವಾರ್ಷಿಕ ಹಣದುಬ್ಬರ ಶೇಕಡಾ 59.80ಕ್ಕಿಂತ ಶೇಕಡಾ 56.46ಕ್ಕೆ ಇಳಿಕೆಯಾಗಿದೆ.ಈರುಳ್ಳಿ ಮೇಲಿನ ಹಣದುಬ್ಬರ ಶೇಕಡಾ 197.05ರಷ್ಟು ಏರಿಕೆಯಾಗಿದೆ.
ಇನ್ನು ಮೊಟ್ಟೆ, ಮಾಂಸ ಮತ್ತು ಮೀನುಗಳ ಮೇಲಿನ ಹಣದುಬ್ಬರ ಶೇಕಡಾ 1.67ರಷ್ಟು ಇಳಿಕೆಯಾಗಿದ್ದು, ಹಣ್ಣುಗಳ ಮೇಲಿನ ಹಣದುಬ್ಬರ ಶೇಕಡಾ 11.99ರಷ್ಟು ಏರಿಕೆಯಾಗಿದೆ.
ಇಂಧನ ಮತ್ತು ವಿದ್ಯುತ್ ವಲಯಗಳಲ್ಲಿ ಸಗಟು ಹಣದುಬ್ಬರ ಶೇಕಡಾ 9.16ಕ್ಕೆ ಡಿಸೆಂಬರ್ ನಲ್ಲಿ ಏರಿಕೆಯಾಗಿದ್ದು ಉತ್ಪಾದನಾ ವಸ್ತುಗಳ ಮೇಲಿನ ಹಣದುಬ್ಬರ ಶೇಕಡಾ 2.61ರಷ್ಟಾಗಿದೆ. ಚಿಲ್ಲರೆ ಹಣದುಬ್ಬರ ಕಳೆದ ಡಿಸೆಂಬರ್ ನಲ್ಲಿ ಶೇಕಡಾ 5.21ಕ್ಕೆ ಏರಿಕೆಯಾಗಿದೆ.
ಪ್ರಮುಖ ನೀತಿ ದರಗಳನ್ನು ನಿರ್ಧರಿಸುವಾಗ ಚಿಲ್ಲರೆ ಹಣದುಬ್ಬರವನ್ನು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಪರಿಗಣಿಸುತ್ತದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
inflationಹಣದುಬ್ಬರWholesale Price Indexಆಹಾರ ಪದಾರ್ಥFood articleGovernment dataಸಗಟು ಬೆಲೆ ಸೂಚ್ಯಂಕಸರ್ಕಾರಿ ಅಂಕಿಅಂಶ
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.