ರಿಪೇರಿಯಾದ ಗ್ಯಾಲೆಕ್ಸಿ ನೋಟ್ ೭ ಫೋನುಗಳನ್ನು ಮಾರಾಟ ಮಾಡಲಿರುವ ಸ್ಯಾಮ್ಸಂಗ್
ಬ್ಯಾಟರಿ ದೋಷದಿಂದ ವಿವಾದಕ್ಕೊಳಗಾಗಿದ್ದ ಮತ್ತು ಹಿಂತೆಗೆದುಕೊಂಡಿದ್ದ ಗ್ಯಾಲೆಕ್ಸಿ ನೋಟ್ ೭ ಮಾದರಿಯ ಎಲ್ಲ ಫೋನುಗಳ ದೋಷವನ್ನು ಸರಿಪಡಿಸಿದ್ದು, ಸ್ಯಾಮ್ಸಂಗ್ ಅವುಗಳನ್ನು ಮಾರುಕಟ್ಟೆಗೆ ಬಿಡಲಿದೆ.
Published On :
ಸಿಯೋಲ್: ಬ್ಯಾಟರಿ ದೋಷದಿಂದ ವಿವಾದಕ್ಕೊಳಗಾಗಿದ್ದ ಮತ್ತು ಹಿಂತೆಗೆದುಕೊಂಡಿದ್ದ ಗ್ಯಾಲೆಕ್ಸಿ ನೋಟ್ ೭ ಮಾದರಿಯ ಎಲ್ಲ ಸ್ಮಾರ್ಟ್ ಫೋನುಗಳ ದೋಷವನ್ನು ಸರಿಪಡಿಸಿದ್ದು, ಸ್ಯಾಮ್ಸಂಗ್ ಎಲೆಕ್ಟ್ರಾನಿಕ್ಸ್ ಅವುಗಳನ್ನು ಮಾರುಕಟ್ಟೆಗೆ ಬಿಡಲಿದೆ. ಚಾರ್ಜ್ ಮಾಡುವಾಗ ಆಕಸ್ಮಿಕವಾಗಿ ಬೆಂಕಿ ಹೊತ್ತಿಕೊಳ್ಳುತ್ತಿದ್ದ ಈ ಫೋನ್ ಗಳನ್ನೂ ಹಿಂಪಡೆದಿದ್ದರಿಂದ ಸಂಸ್ಥೆಗೆ ಭಾರಿ ನಷ್ಟವಾಗಿತ್ತು.
ಈಗ ಜುಲೈ ೭ ರಿಂದ ರಿಪೇರಿ ಮಾಡಲಾದ ಗ್ಯಾಲೆಕ್ಸಿ ನೋಟ್ ಎಫ್ ಇ ಫೋನುಗಳು ಮಾರುಕಟ್ಟೆಯಲ್ಲಿ ಲಭ್ಯವಾಗಲಿವೆ ಎಂದು ಮೂಲಗಳು ಮಂಗಳವಾರ ತಿಳಿಸಿವೆ.
ಈ ಫೋನುಗಳ ಬೆಲೆಯನ್ನು ಇನ್ನು ನಿಗದಿಪಡಿಸಿಲ್ಲ ಎಂದು ಸ್ಯಾಮ್ಸಂಗ್ ವಕ್ತಾರ ತಿಳಿಸಿದ್ದರೂ, ಹಿಂದಿನ ಬೆಲೆಗಿಂತ ಸುಮಾರು ೩೫% ಕಡಿಮೆ ದರದಲ್ಲಿ ಈ ಫೋನು ಲಭ್ಯವಾಗಲಿದೆ ಎನ್ನುತ್ತವೆ ಮೂಲಗಳು.
ದಕ್ಷಿಣ ಕೊರಿಯಾದ ತಂತ್ರಜ್ಞಾನ ದೈತ್ಯ ಈಗ ಸಿಯೋಲ್ ನಲ್ಲಿ ದ್ವೈವಾರ್ಷಿಕ ಸಮ್ಮೇಳನವನ್ನು ಆಯೋಜಿಸಿದ್ದು, ಅಲ್ಲಿ ತನ್ನ ಮುಂದಿನ ತಂತ್ರಗಾರಿಕೆ ಮತ್ತು ಹೊಸ ಫೋನುಗಳನ್ನು ಪರಿಚಯಿಸುವುದರ ಬಗ್ಗೆ ತಿಳಿಸಲಿದೆ.
ಗ್ಯಾಲೆಕ್ಸಿ ನೋಟ್ ೭ ಫೋನುಗಳು ಬೆಂಕಿ ಹೊತ್ತಿಕೊಳ್ಳುತ್ತಿದ್ದರಿಂದ ಸ್ಯಾಮ್ಸಂಗ್ ಇವುಗಳ ಉತ್ಪಾದನೆ ಮತ್ತು ಮಾರಾಟವನ್ನು ಸ್ಥಗಿತಗೊಳಿಸಿತ್ತು. ಈ ಫೋನುಗಳಲ್ಲಿದ್ದ ಬ್ಯಾಟರಿಯ ದೋಷದಿಂದ ಬೆಂಕಿ ಹೊತ್ತಿಕೊಳ್ಳುತ್ತಿರುವುದಾಗಿ ನಂತರದ ತನಿಖೆಯಲ್ಲಿ ತಿಳಿದುಬಂದಿತ್ತು.
ಕಳೆದ ವರ್ಷ ಈ ಫೋನುಗಳನ್ನು ಹಿಂಪಡೆದ ಮೇಲೆ ಹಲವು ಪರಿಸರ ಸಂರಕ್ಷಣಾ ಸಂಸ್ಥೆಗಳು, ಎಲ್ಲ ೪೩ ಲಕ್ಷ ಫೋನುಗಳನ್ನು ರಿಪೇರಿ ಮಾಡಿ ಬಳಕೆಗೆ ಬಿಡಬೇಕು ಎಂದು ಸ್ಯಾಮ್ಸಂಗ್ ಸಂಸ್ಥೆಗೆ ಮನವಿ ಸಲ್ಲಿಸಿದ್ದವು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.