ಭಾರತದ ಎಮ್ಮೆ ಮಾಂಸ ರಫ್ತು ಏಪ್ರಿಲ್ ತಿಂಗಳಲ್ಲಿ ಶೇಕಡಾ 11.4 ರಷ್ಟು ಇಳಿಕೆ
ಭಾರತದ ಎಮ್ಮೆ ಮಾಂಸ ಮಾರಾಟ ಏಪ್ರಿಲ್ ನಲ್ಲಿ ಶೇಕಡಾ 11.4ರಷ್ಟು ಕುಸಿದಿದೆ. ಕಳೆದ ವರ್ಷಕ್ಕಿಂತ...
Published On :
ಮುಂಬೈ: ಭಾರತದ ಎಮ್ಮೆ ಮಾಂಸ ಮಾರಾಟ ಏಪ್ರಿಲ್ ನಲ್ಲಿ ಶೇಕಡಾ 11.4ರಷ್ಟು ಕುಸಿದಿದೆ. ಕಳೆದ ವರ್ಷಕ್ಕಿಂತ ಈ ವರ್ಷ ಕಡಿಮೆಯಾಗಿದ್ದು 86,119 ಟನ್ ಗಳಷ್ಟು ಮಾಂಸ ಮಾರಾಟವಾಗಿದೆ ಎಂದು ಸರ್ಕಾರದ ಸಂಸ್ಥೆ ತಿಳಿಸಿದೆ. ಕಸಾಯಿ ಖಾನೆ ಮುಷ್ಕರ ಮತ್ತು ರೂಪಾಯಿ ಮೌಲ್ಯ ಹೆಚ್ಚಳದಿಂದ ಹಡಗು ಮೂಲಕ ಸಾಗಣೆ ವೆಚ್ಚ ಅಧಿಕವಾಗಿರುವುದು ಇದಕ್ಕೆ ಕಾರಣವಾಗಿದೆ.
ಕಳೆದ ಮಾರ್ಚ್ ತಿಂಗಳಲ್ಲಿ ಕಸಾಯಿ ಖಾನೆ ಮುಷ್ಕರ ನಡೆದಿತ್ತು. ಇದರಿಂದಾಗಿ ಏಪ್ರಿಲ್ ನಲ್ಲಿ ಅನೇಕ ಕಸಾಯಿ ಖಾನೆಗಳು ಕಾರ್ಯನಿರ್ವಹಿಸಲು ಸಾಧ್ಯವಾಗಲಿಲ್ಲ ಎನ್ನುತ್ತಾರೆ ಮುಂಬೈ ಮೂಲದ ರಫ್ತುದಾರ.
ಭಾರತ ವಿಶ್ವದಲ್ಲಿಯೇ ಅತಿ ಹೆಚ್ಚು ಎಮ್ಮೆ ಮಾಂಸ ರಫ್ತು ಮಾಡುವ ದೇಶ. ಉತ್ತರ ಪ್ರದೇಶದ ಕಸಾಯಿ ಖಾನೆ ಮತ್ತು ಮಾಂಸ ಮಾರಾಟಗಾರರು ಅನುಮತಿ ಹೊಂದಿರದ ಕಸಾಯಿ ಖಾನೆಯನ್ನು ಮುಚ್ಚಿದ ನಂತರ ಕಳೆದ ಮಾರ್ಚ್ ನಲ್ಲಿ ಮುಷ್ಕರ ನಡೆಸಿದ್ದರು. ಉತ್ತರ ಪ್ರದೇಶ ದೇಶದಲ್ಲಿಯೇ ಅತಿ ಹೆಚ್ಚು ಎಮ್ಮೆ ಮಾಂಸ ರಫ್ತು ಮಾಡುವ ರಾಜ್ಯವಾಗಿದೆ.
ಉಳಿದ ವಸ್ತುಗಳ ರಫ್ತುಗಳನ್ನು ನೋಡಿದಾಗ, ಭಾರತದ ಬಾಸ್ಮತಿ ಅಕ್ಕಿ ರಫ್ತು ಏಪ್ರಿಲ್ ತಿಂಗಳಲ್ಲಿ ಶೇಕಡಾ 15.6ರಷ್ಟು ಹೆಚ್ಚಾಗಿದೆ. ಇತರ ಅಕ್ಕಿಗಳ ಮಾರಾಟ ಶೇಕಡಾ 18.5ರಷ್ಟು ಕಡಿಮೆಯಾಗಿದೆ ಎಂದು ಕೃಷಿ ಮತ್ತು ಸಂಸ್ಕರಿಸಿದ ಆಹಾರ ಉತ್ಪನ್ನಗಳ ರಫ್ತು ಅಭಿವೃದ್ಧಿ ಪ್ರಾಧಿಕಾರ ತಿಳಿಸಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.