ಹಿಜಾಬ್ ಹಾಕದೇ ಗಾಯನ: 29 ವರ್ಷದ ಗಾಯಕಿಗೆ 74 ಛಡಿ ಏಟು, 2 ವರ್ಷದ ಬ್ಯಾನ್!

ಇರಾನ್‌ನಲ್ಲಿ ಹಿಜಾಬ್ ಇಲ್ಲದೆ ಪ್ರದರ್ಶನ ನೀಡಿದ್ದಕ್ಕಾಗಿ ಗಾಯಕಿಯೊಬ್ಬರಿಗೆ 74 ಛಡಿ ಏಟು ಶಿಕ್ಷೆ ವಿಧಿಸಲಾಗಿದೆ. 29 ವರ್ಷದ ಪರಸ್ತು ಅಹ್ಮದಿ ಲೈವ್-ಸ್ಟ್ರೀಮ್ ಪ್ರದರ್ಶನ ನೀಡಿದ್ದಕ್ಕಾಗಿ ಶಿಕ್ಷೆ ವಿಧಿಸಲಾಗಿದೆ. ಇದನ್ನು ಲಕ್ಷಾಂತರ ಜನರು ಆನ್‌ಲೈನ್‌ನಲ್ಲಿ ವೀಕ್ಷಿಸಿದರು. ಸಂಗೀತಗಾರರು ಸೇರಿದಂತೆ ಸಂಗೀತ ಕಚೇರಿಯ ನಿರ್ಮಾಣ ತಂಡದ ಎಂಟು ಸದಸ್ಯರನ್ನು ಇರಾನಿನ ನ್ಯಾಯಾಲಯವು ದೋಷಿಗಳೆಂದು ನಿರ್ಣಯಿಸಿದೆ. ವಿಶ್ವಾದ್ಯಂತ ಮಾನವ ಹಕ್ಕುಗಳ ಗುಂಪುಗಳು ಮತ್ತು ಕಲಾವಿದರು ಈ ಘಟನೆಯನ್ನು ಖಂಡಿಸಿದ್ದಾರೆ.

ಆನ್‌ಲೈನ್‌ನಲ್ಲಿ ಅಶ್ಲೀಲ ಮತ್ತು ಅನೈತಿಕ ವಿಷಯವನ್ನು ರಚಿಸಿ ಪ್ರಕಟಿಸುವ ಮೂಲಕ ಸಾರ್ವಜನಿಕ ಸಭ್ಯತೆಯನ್ನು ಅವಮಾನಿಸಿದ್ದಕ್ಕಾಗಿ ಪರಸ್ತು ಅಹ್ಮದಿ ತಪ್ಪಿತಸ್ಥರೆಂದು ಇರಾನಿನ ನ್ಯಾಯಾಲಯವು ತೀರ್ಪು ನೀಡಿದೆ. ನ್ಯಾಯಾಲಯವು ಅಹ್ಮದಿಗೆ 74 ಛಡಿ ಏಟು ಶಿಕ್ಷೆ ವಿಧಿಸಿದೆ. ಆಕೆಗೆ ಎರಡು ವರ್ಷಗಳ ಕಾಲ ಇರಾನ್‌ನಿಂದ ಹೊರಹೋಗದಂತೆ ಮತ್ತು ಎರಡು ವರ್ಷಗಳ ಕಾಲ ಪ್ರದರ್ಶನ ನೀಡದಂತೆಯೂ ನಿರ್ಬಂಧ ವಿಧಿಸಲಾಗಿದೆ.