Strait of Hormuz: ಕೊನೆಗೂ ಹಾರ್ಮುಜ್ ತೆರೆಯಲು ಇರಾನ್ ಅಸ್ತು; ಆದ್ರೆ ಕಂಡಿಷನ್ಸ್ ಅಪ್ಲೈ..!

ಟೆಹ್ರಾನ್: ಅಮೆರಿಕ, ಇಸ್ರೇಲ್ ಮತ್ತು ಇರಾನ್ ನಡುವಿನ ದುರ್ಬಲವಾದ ತಾತ್ಕಾಲಿಕ ಕದನ ವಿರಾಮ ಒಪ್ಪಂದದಿಂದಾಗಿ. ಟೆಹ್ರಾನ್ ಈಗ ಹಲವು ಷರತ್ತುಗಳೊಂದಿಗೆ ಹಾರ್ಮುಜ್ ಜಲಸಂಧಿಯನ್ನು ತೆರೆಯಲು ಒಪ್ಪಿಗೆ ನೀಡಿದೆ.

ಹಾರ್ಮುಜ್ ಜಲಸಂಧಿಯ ಮೂಲಕ ತೈಲ ಸಾಗಣೆಯು ಯುದ್ಧದ ಮೊದಲು ಇದ್ದ ಸ್ಥಿತಿಗೆ ಮರಳಲು ಬಹಳ ಸಮಯ ತೆಗೆದುಕೊಳ್ಳುತ್ತದೆ ಎಂದು ಸಹ ಇರಾನ್ ಎಚ್ಚರಿಕೆ ನೀಡಿದೆ.

ದಿನಕ್ಕೆ 15 ಹಡಗುಗಳು, IRGC ಅನುಮೋದನೆ ಅಗತ್ಯ

ಕದನ ವಿರಾಮ ನಿಯಮಗಳ ಅಡಿಯಲ್ಲಿ, ಇಸ್ಲಾಮಾಬಾದ್‌ನಲ್ಲಿ ಮಾತುಕತೆಗೆ ಮುಂಚಿತವಾಗಿ ಇರಾನ್ ದಿನಕ್ಕೆ 15 ಕ್ಕಿಂತ ಹೆಚ್ಚು ಹಡಗುಗಳನ್ನು ಹಾರ್ಮುಜ್ ಜಲಸಂಧಿಯ ಮೂಲಕ ತೆರಳಲು ಅನುಮತಿಸುವುದಿಲ್ಲ ಎಂದು ಇರಾನಿನ ಉನ್ನತ ಮೂಲಗಳು ರಷ್ಯಾದ ಸುದ್ದಿ ಸಂಸ್ಥೆ TASS ಗೆ ತಿಳಿಸಿವೆ.

ಪ್ರತಿ ಮಾರ್ಗಕ್ಕೂ ಇರಾನ್‌ನ ಅನುಮೋದನೆ ಮತ್ತು ನಿರ್ದಿಷ್ಟ ಪ್ರೋಟೋಕಾಲ್‌ ಅನ್ನು ಅನುಸರಿಸುವ ಅಗತ್ಯವಿರುತ್ತದೆ ಎಂದು ಹೇಳಿದ್ದಾರೆ.

"ಪ್ರಸ್ತುತ ಕದನ ವಿರಾಮದ ಅಡಿಯಲ್ಲಿ, ದಿನಕ್ಕೆ 15 ಕ್ಕಿಂತ ಕಡಿಮೆ ಹಡಗುಗಳಿಗೆ ಹಾರ್ಮುಜ್ ಜಲಸಂಧಿ ಮೂಲಕ ತೈಲ ಸಾಗಿಸಲು ಅನುಮತಿ ಇದೆ. ಇದು ಇರಾನ್‌ನ ಅನುಮೋದನೆ ಮತ್ತು ನಿರ್ದಿಷ್ಟ ಪ್ರೋಟೋಕಾಲ್‌ನ ಜಾರಿಯ ಮೇಲೆ ಕಟ್ಟುನಿಟ್ಟಾಗಿ ಅವಲಂಬಿತವಾಗಿದೆ.

ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು 15 ದಿನಗಳ ತಾತ್ಕಾಲಿಕ ಕದನ ವಿರಾಮದ ಬಗ್ಗೆ ಬುಧವಾರ ಘೋಷಿಸಿದ್ದರು. ಷರತ್ತುಗಳಿಗೆ ಒಳಪಟ್ಟು ಈ ಕದನ ವಿರಾಮಕ್ಕೆ ಸಮ್ಮತಿಸುವುದಾಗಿ ಇರಾನ್ ಹೇಳಿತ್ತು.