"ನೀವು ಒಬ್ಬಂಟಿಯಾಗಿ ಮಾಡಬಹುದು...": ಮೆಲಾನಿಯಾ ಟ್ರಂಪ್ ಪುಟಿನ್ ಗೆ ಬರೆದ ಪತ್ರದಲ್ಲಿ ಹೇಳಿದ್ದೇನು?

ವಾಷಿಂಗ್ಟನ್: ಅಮೆರಿಕದ ಪ್ರಥಮ ಮಹಿಳೆ ಮೆಲಾನಿಯಾ ಟ್ರಂಪ್ ಅವರು ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರಿಗೆ ಪತ್ರ ಬರೆದಿದ್ದಾರೆ. ಉಕ್ರೇನ್ ವಿರುದ್ಧದ ಯುದ್ಧದಲ್ಲಿ ಮಕ್ಕಳ ದುಃಸ್ಥಿತಿಯ ಕುರಿತು "ಶಾಂತಿ"ಯ ಪತ್ರವೊಂದನ್ನು ಬರೆದಿದ್ದು, ಮುಗ್ದ ಮಕ್ಕಳನ್ನು ರಕ್ಷಿಸುವಂತೆ ಒತ್ತಾಯಿಸಿದ್ದಾರೆ.

ಶನಿವಾರ ಅಲಾಸ್ಕಾದಲ್ಲಿ ನಡೆದ ಸಭೆಯಲ್ಲಿ ಯುಎಸ್ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ರಷ್ಯಾದ ಅಧ್ಯಕ್ಷರಿಗೆ ಈ ಪತ್ರವನ್ನು ಹಸ್ತಾಂತರಿಸಿದ್ದಾರೆ. ಉಕ್ರೇನ್ ಹೆಸರನ್ನು ಬಳಸದೆ ಯುದ್ಧದಿಂದ ಮಕ್ಕಳ ಮೇಲೆ ಆಗುತ್ತಿರುವ ಪರಿಣಾಮವನ್ನು ಪ್ರಮುಖವಾಗಿ ಉಲ್ಲೇಖಿಸಿದ್ದಾರೆ. ಪ್ರತಿ ಮಗುವೂ ಶಾಂತಿ, ಪ್ರೀತಿ,ಮತ್ತು ಅಪಾಯದಿಂದ ಸುರಕ್ಷತೆಯ ಕನಸು ಕಾಣುತ್ತವೆ ಎಂದು ಅವರು ಹೇಳಿದ್ದಾರೆ.

"ದೇಶದ ಹಳ್ಳಿಗಾಡಿನಲ್ಲಿಯೇ ಆಗಲಿ ಅಥವಾ ಭವ್ಯವಾದ ನಗರ ಪ್ರದೇಶದಲ್ಲಿಯೇ ಆಗಲಿ ಎಲ್ಲಿಯೂ ಹುಟ್ಟಿದ ಪ್ರತಿಯೊಂದು ಮಗುವೂ ತಮ್ಮ ಹೃದಯದಲ್ಲಿ ಒಂದೇ ರೀತಿಯ ಶಾಂತ ಕನಸುಗಳನ್ನು ಹಂಚಿಕೊಳ್ಳುತ್ತದೆ. ಅವರು ಪ್ರೀತಿ ಮತ್ತು ಅಪಾಯದಿಂದ ಸುರಕ್ಷತೆಯ ಕನಸು ಕಾಣುತ್ತಾರೆ. ಪೋಷಕರಾಗಿ ಮುಂದಿನ ಪೀಳಿಗೆಯ ಭರವಸೆಯನ್ನು ಪೋಷಿಸುವುದು ನಮ್ಮ ಕರ್ತವ್ಯ. ನಾಯಕರಾಗಿ ಕೆಲವೊಂದು ನೆಮ್ಮದಿಗಳನ್ನು ಮೀರಿ ನಮ್ಮ ಮಕ್ಕಳನ್ನು ಕಾಪಾಡಬೇಕಾದ ಜವಾಬ್ದಾರಿ ಇದೆ ಎಂದಿದ್ದಾರೆ.

ಎಲ್ಲರಿಗೂ ಘನತೆ ತುಂಬಿದ ಜಗತ್ತು ಬೇಕು. ಇದರಿಂದ ಪ್ರತಿಯೊಬ್ಬ ಆತ್ಮವು ಶಾಂತಿಯಿಂದ ಎಚ್ಚರಗೊಳ್ಳಬಹುದು ಮತ್ತು ಭವಿಷ್ಯವನ್ನು ಸಂಪೂರ್ಣವಾಗಿ ರಕ್ಷಿಸುತ್ತದೆ ಎಂದು ಅವರು ಬರೆದಿದ್ದಾರೆ.

ಪ್ರತಿ ಪೀಳಿಗೆಯು ಭೌಗೋಳಿಕತೆ, ಸರ್ಕಾರ ಮತ್ತು ಸಿದ್ಧಾಂತಕ್ಕಿಂತ ಮೇಲಿರುವ ಮುಗ್ಧತೆಯ ತಮ್ಮ ಜೀವನವನ್ನು ಶುದ್ಧತೆಯೊಂದಿಗೆ ಪ್ರಾರಂಭಿಸುತ್ತಾರೆ. "ಆದರೂ ಇಂದಿನ ಜಗತ್ತಿನಲ್ಲಿ, ಕೆಲವು ಮಕ್ಕಳು ತಮ್ಮ ಸುತ್ತಲಿನ ಕತ್ತಲೆಯಿಂದ ಅಸ್ಪೃಶ್ಯವಾಗಿ ಶಾಂತವಾದ ನಗು ಚೆಲ್ಲಲು ಸಾಧ್ಯವಾಗುತ್ತಿಲ್ಲ. ತಮ್ಮ ಭವಿಷ್ಯವನ್ನು ಸಮರ್ಥವಾಗಿ ಹೇಳಿಕೊಳ್ಳುವ ಶಕ್ತಿಗಳ ವಿರುದ್ಧ ಮೌನ ಪ್ರತಿಭಟನೆಯನ್ನು ಮಾಡುತ್ತಾರೆ. ನೀವು ಏಕಾಂಗಿಯಾಗಿ ಅವರ ಮೊಗದಲ್ಲಿ ಮತ್ತೆ 'ಸುಮಧುರ ನಗು'ವನ್ನು ತರಬಹುದು ಎಂದು ಮೆಲಾನಿಯಾ ಟ್ರಂಪ್ ಬರೆದಿದ್ದಾರೆ.

ಮಕ್ಕಳ ಮುಗ್ಧತೆಯನ್ನು ರಕ್ಷಿಸುವ ಮೂಲಕ ರಷ್ಯಾಕ್ಕೆ ಮಾತ್ರ ಸೇವೆ ಸಲ್ಲಿಸುವುದಕ್ಕಿಂತ ಮಾನವೀಯತೆಗೆ ಹೆಚ್ಚಿನ ಸೇವೆ ಮಾಡಬಹುದು. ಈ ಮಕ್ಕಳ ಮುಗ್ಧತೆಯನ್ನು ರಕ್ಷಿಸಲು, ನೀವು ರಷ್ಯಾಕ್ಕೆ ಮಾತ್ರ ಸೇವೆ ಮಾಡುವುದಕ್ಕಿಂತ ಹೆಚ್ಚಿನದನ್ನು ಮಾಡುತ್ತೀರಿ, ನೀವು ಮಾನವೀಯತೆಯನ್ನೇ ಸೇವೆ ಮಾಡುತ್ತೀರಿ. ಅಂತಹ ದಿಟ್ಟ ಕಲ್ಪನೆಯು ಎಲ್ಲಾ ಮನುಷ್ಯರಲ್ಲಿದೆ. ನಿಮ್ಮಲ್ಲಿಯೂ ಇದೆ. ಪುಟಿನ್ ಅವರೇ, ಇಂದಿನಿಂದ ನಿಮ್ಮ ದೃಷ್ಟಿಕೋನ ಬದಲಾಯಿಸಲು ಇದು ಯೋಗ್ಯವಾದ ಸಮಯ ಎಂದು ಡೊನಾಲ್ಡ್ ಟ್ರಂಪ್ ಪತ್ನಿ ಪತ್ರದಲ್ಲಿ ಹೇಳುವ ಮೂಲಕ ಉಕ್ರೇನ್ ವಿರುದ್ಧದ ಯುದ್ಧ ಕೊನೆಗಾಣಿಸಲು ಮನವಿ ಮಾಡಿದ್ದಾರೆ.