ಗಾಜಾದಲ್ಲಿ ಹಮಾಸ್ ಬಂಡುಕೋರರಿಂದ ಒತ್ತೆಯಾಳಾಗಿದ್ದ 79 ಅಮೆರಿಕ ನಾಗರಿಕರು ಈಜಿಫ್ಟ್ ಕಡೆಗೆ ಆಗಮನ!

ವಾಷಿಂಗ್ಟನ್: ಗಾಜಾದಿಂದ ಗಡಿಪಾರು ಮಾಡಿದ ಐದು ಅಮೆರಿಕನ್ನರ ಜೊತೆಗೆ ಗಾಜಾದಲ್ಲಿ ಹಮಾಸ್ ಭಯೋತ್ಪಾದಕ ಗುಂಪಿನಿಂದ ಒತ್ತೆಯಾಳಾಗಿದ್ದ 74 ಯುನೈಟೆಡ್ ಸ್ಟೇಟ್ಸ್ ನಾಗರಿಕರು ಈಜಿಪ್ಟ್ ಕಡೆಗೆ ಆಗಮಿಸಿದ್ದಾರೆ ಎಂದು ಶ್ವೇತಭವನದ ರಾಷ್ಟ್ರೀಯ ಭದ್ರತಾ ಮಂಡಳಿಯ ಕಾರ್ಯತಂತ್ರದ ಸಂವಹನಗಳ ಸಂಯೋಜಕ ಜಾನ್ ಕಿರ್ಬಿ ಗುರುವಾರ ಹೇಳಿದ್ದಾರೆ.

ಇಲ್ಲಿಯವರೆಗೆ  ಗಾಜಾದಿಂದ ನಿರ್ಗಮಿಸಿದ ಐವರು ಅಮೆರಿಕನ್ನರ ಜೊತೆಗೆ74 ಯುಎಸ್ ನಾಗರಿಕರು ಮತ್ತು ಕುಟುಂಬ ಸದಸ್ಯರು ಈಜಿಪ್ಟ್ ಕಡೆಗೆ ಬಂದಿದ್ದಾರೆ. ಈ ಸಂಖ್ಯೆ ಮತ್ತಷ್ಟು ಬದಲಾಗುವ ಸಾಧ್ಯತೆಯಿದೆ ಎಂದು ಅವರು ತಿಳಿಸಿದ್ದಾರೆ. ಗಾಜಾದಲ್ಲಿ ಸುಮಾರು 400 ಯುಎಸ್ ನಾಗರಿಕರು ಸಿಲುಕಿಕೊಂಡಿದ್ದಾರೆ ಎಂದು ವಾಷಿಂಗ್ಟನ್ ಪೋಸ್ಟ್ ಇಂದು ಬೆಳಗ್ಗೆ ವರದಿ ಮಾಡಿತ್ತು. 

ಇದನ್ನೂ ಓದಿ: Israeli Troops in Gaza: ಗಾಜಾಗೆ ನುಗ್ಗಿದ ಇಸ್ರೇಲ್ ಸೇನೆ: 'ಭಯ ಬೇಡ.. ಬ್ಯಾಗ್ ನಲ್ಲಿ ವಾಪಸ್ ಕಳುಹಿಸುತ್ತೇವೆ' ಎಂದ ಹಮಾಸ್

ಈ ಒತ್ತೆಯಾಳುಗಳಿಗೆ ಮತ್ತಷ್ಟು ಸಹಾಯ ಮಾಡಲು ಯುಎಸ್ ರಾಯಭಾರ ಕಚೇರಿ, ಕೈರೋ ರಾಫಾ ಗಡಿಗೆ ಕಾನ್ಸುಲರ್ ತಂಡವನ್ನು ನಿಯೋಜಿಸಿದೆ. ನಂತರ ನಾವು ಅವರೊಂದಿಗೆ ಸೂಕ್ತವಾಗಿ ಮುಂದುವರಿಯುತ್ತೇವೆ. ಸಾಧ್ಯವಾದಷ್ಟು ಅಮೆರಿಕನ್ನರನ್ನು ಆದಷ್ಟು ಬೇಗ ಹೊರಹಾಕಲು ಯುಎಸ್ ಗಮನಹರಿಸುವುದನ್ನು ಮುಂದುವರಿಸುತ್ತದೆ ಎಂದು ಕಿರ್ಬಿ ಭರವಸೆ ನೀಡಿದ್ದಾರೆ.