ಉಕ್ರೇನ್ ಅಣುಘಟಕದ ತಪಾಸಣೆಯ ತುರ್ತು ಅಗತ್ಯವಿದೆ: ನ್ಯಾಟೋ

ರಷ್ಯಾ ಸೇನಾ ನಿಯಂತ್ರಣದಲ್ಲಿರುವ ಉಕ್ರೇನ್ ನ ಜಪೋರಿಝಿಯಾ ಪರಮಾಣು ವಿದ್ಯುತ್ ಸ್ಥಾವರವನ್ನು ತಪಾಸಣೆ ಮಾಡುವುದಕ್ಕೆ ವಿಶ್ವಸಂಸ್ಥೆಯ ಅಣು ಕಾವಲುಗಾರ ಸಂಸ್ಥೆಗೆ ಅವಕಾಶ ನೀಡಬೇಕು ಎಂದು ನ್ಯಾಟೋ ಮುಖ್ಯಸ್ಥ ಜೆನ್ಸ್ ಸ್ಟೋಲ್ಟೆನ್‌ಬರ್ಗ್ ಹೇಳಿದ್ದಾರೆ.

ಈ ಅಣು ವಿದ್ಯುತ್ ಸ್ಥಾವರವನ್ನು ರಷ್ಯಾ ಆಕ್ರಮಿಸಿಕೊಂಡಿರುವುದು ಈ ಸ್ಥಾವರದ ಸುರಕ್ಷತೆ ಹಾಗೂ ಭದ್ರತೆಗೆ ಅಪಾಯ ಉಂಟು ಮಾಡುವ ಅಣು ಅಪಘಾತ ಅಥವಾ ಘಟನೆಗಳ ಸಾಧ್ಯತೆ ಇದೆ ಎಂದು ವರದಿಗಾರರಿಗೆ ಬ್ರರಸೆಲ್ಸ್ ನಲ್ಲಿ ನ್ಯಾಟೋ ಮುಖ್ಯಸ್ಥ ಜೆನ್ಸ್ ಸ್ಟೋಲ್ಟೆನ್‌ಬರ್ಗ್ ತಿಳಿಸಿದ್ದಾರೆ.

ಇದನ್ನೂ ಓದಿ: ಉಕ್ರೇನ್ ಹೊತ್ತಿ ಉರಿಯುತ್ತಿದ್ದರೂ ಹೆಂಡತಿಯೊಂದಿಗೆ ಫೋಟೊಶೂಟ್ ಬೇಕಿತ್ತಾ?: ವೊಲೊಡಿಮಿರ್ ಝೆಲೆನ್‌ಸ್ಕಿ ಟ್ರೋಲ್

ಅಂತಾರಾಷ್ಟ್ರೀಯ ಪರಮಾಣು ಶಕ್ತಿ ಸಂಸ್ಥೆ (ಐಎಇಎ) ತಪಾಸಣೆಗೆ ಅವಕಾಶ ಮಾಡಿಕೊಡುವುದರ ತುರ್ತು ಅಗತ್ಯವಿದ್ದು, ರಷ್ಯಾದ ಎಲ್ಲಾ ಪಡೆಗಳು ವಾಪಸ್ ತೆರಳುವಂತೆ ನೋಡಿಕೊಳ್ಳಬೇಕಿದೆ. ಅಣು ಸ್ಥಾವರದ ಮೇಲಿನ ರಷ್ಯಾದ ಸೇನಾ ನಿಯಂತ್ರಣ ಉಕ್ರೇನ್ ನ ಜನಸಂಖ್ಯೆಗೆ ಮಾರಕವಾದದ್ದು ಎಂದು ಸ್ಟೋಲ್ಟೆನ್‌ಬರ್ಗ್ ಅಭಿಪ್ರಾಯಪಟ್ಟಿದ್ದಾರೆ. ಮಾರ್ಚ್ ನಲ್ಲಿ ರಷ್ಯಾದ ಪಡೆಗಳು ಜಪೋರಿಝಿಯಾ ಪರಮಾಣು ವಿದ್ಯುತ್ ಸ್ಥಾವರವನ್ನು ಆಕ್ರಮಿಸಿಕೊಂಡಿದ್ದವು.