ಅಫ್ಘಾನಿಸ್ತಾನ: ಮಹಿಳೆಯರ ಪ್ರತಿಭಟನೆ ವರದಿ ಮಾಡಿದ್ದ ಇಬ್ಬರು ಪತ್ರಕರ್ತರಿಗೆ ತಾಲಿಬಾನಿಗಳಿಂದ ಥಳಿತ

ಕಾಬೂಲ್: ಅಫ್ಘಾನಿಸ್ತಾನದಲ್ಲಿ ತಾಲಿಬಾನಿಗಳ ವಿರುದ್ಧ ಪ್ರತಿಭಟನೆ ಮಾಡಿದ್ದ ಮಹಿಳೆಯರ ಕುರಿತಾಗಿ ಸುದ್ದಿ ಪ್ರಕಟಿಸಿದ್ದ ಇಬ್ಬರು ಪತ್ರಕರ್ತರನ್ನು ತಾಲಿಬಾನ್ ಥಳಿಸಿರುವ ಘಟನೆ ವರದಿಯಾಗಿದೆ. ತಾಲಿಬಾನಿಗಳಿಂದ ಹಲ್ಲೆಗೆ ಒಳಗಾಗಿರುವ ಪತ್ರಕರ್ತರು ಎತಿಲಾಟ್ರೋಜ್ ಎಂಬ ಪತ್ರಿಕೆಯ ಉದ್ಯೋಗಿಗಳಾಗಿದ್ದಾರೆ.  

ಇದನ್ನೂ ಓದಿ: ಪಂಜ್‌ಶೀರ್‌ಗೆ ನುಗ್ಗಿದ ತಾಲಿಬಾನಿಗಳು: ಮನೆಮನೆಗೆ ನುಗ್ಗಿ ಯುವಕರ ಹತ್ಯೆ; ಅಮರುಲ್ಲಾ ಸಲೇಹ್ ಸಹೋದರನ ಕಗ್ಗೊಲೆ!

ತಾಲಿಬಾನಿಗಳು ಮೊದಲು ಅವರಿಬ್ಬರನ್ನು ಅಪಹರಿಸಿದ್ದರು ಎಂದು ತಿಳಿದುಬಂದಿದೆ. ಅಂತಾರಾಷ್ಟ್ರೀಯ ಸುದ್ದಿಮಾಧ್ಯಮದ ಮೂವರು ಪತ್ರಕರ್ತರಿಗೆ ತಾಲಿಬಾನಿಗಳು ಈ ಹಿಂದೆ ಬೆದರಿಕೆ ಹಾಕಿದ್ದರು. ಅವರು ಮಹಿಳೆಯರ ಪ್ರತಿಭಟನೆಯ ವರದಿಗಾರಿಕೆಗೆಂದು ತೆರಳಿದ್ದರು. 

ಇದನ್ನೂ ಓದಿ: ಮಹಿಳೆಯರು ಮಕ್ಕಳನ್ನಷ್ಟೇ ಹೆರಬೇಕು, ಮಂತ್ರಿಗಳಾಗಬಾರದು: ತಾಲಿಬಾನ್ ವಕ್ತಾರ

ತಾಲಿಬಾನಿಗಳು ದೇಶದಲ್ಲಿ ಪತ್ರಿಕಾ ಸ್ವಾತಂತ್ರ್ಯವನ್ನು ಕಾಪಾಡಿಕೊಳ್ಳುವುದಾಗಿ ಭರವಸೆ ನೀಡಿತ್ತು. ಆದರೆ ಇತ್ತೀಚಿನ ಘಟನೆಗಳು ಅವರ ಈ ಭರವಸೆಯನ್ನು ಶಂಕಿಸುವಂತೆ ಮಾಡಿವೆ.

ಇದನ್ನೂ ಓದಿ: ಆಫ್ಘಾನಿಸ್ತಾನ: ಕ್ರೀಡೆಯಿಂದ ದೇಹ ಪ್ರದರ್ಶನ: ಮಹಿಳೆಯರಿಗೆ ನಿಷೇಧ ಹೇರಿದ ತಾಲಿಬಾನ್