ಐರೋಪ್ಯ ಔಷಧ ನಿಯಂತ್ರಕ ಸಂಸ್ಥೆಯ ಒಪ್ಪಿಗೆಗೆ ಕಾದಿರುವ ಕೊರೋನಾ ಗುಳಿಗೆ

ಆಮ್ ಸ್ಟರ್ ಡ್ಯಾಮ್: ಇದೇ ಮೊದಲ ಬಾರಿಗೆ ಔಷಧ ಸಂಸ್ಥೆಯೊಂದು ಕೊರೊನಾ ಚಿಕಿತ್ಸೆಯಲ್ಲಿ ಸಹಾಯವಾಗುವ ತನ್ನ ಗುಳಿಗೆಯ ಸಾರ್ವಜನಿಕ ಬಳಕೆಗೆ ಅನುಮತಿ ನೀದುವಂತೆ ಕೋರಿರುವ ವಿಷಯವನ್ನು ಐರೋಪ್ಯ ಔಷಧ ಸಂಸ್ಥೆ ಬಹಿರಂಗಪಡಿಸಿದೆ. 

ಇದನ್ನೂ ಓದಿ:  ರಾಜ್ಯದಲ್ಲಿ ಮುಂದುವರೆದ ಕೊರೋನಾ ಏರಿಳಿತ: ಬೆಂಗಳೂರಿನಲ್ಲಿ 163 ಸೇರಿ 255 ಮಂದಿಗೆ ಪಾಸಿಟಿವ್; 7 ಸಾವು!

ಮರ್ಕ್ (Merck) ಎನ್ನುವ ಔಷಧ ಸಂಸ್ಥೆ ಮೊಲ್ನುಪಿರಾವಿರ್ (Molnupiravir) ಎನ್ನುವ ಕೊರೊನಾ ಗುಳಿಗೆಯನ್ನು ಅಭಿವೃದ್ಧಿಪಡಿಸಿದೆ. ಇದೀಗ ಐರೋಪ್ಯ ಔಷಧ ನಿಯಂತ್ರಕ ಸಂಸ್ಥೆಯ ಅನುಮತಿಗಾಗಿ ಕಾದಿದೆ. 

ಕೊರೊನಾ ಪತ್ತೆಯಾದ 5 ದಿನಗಳ ಒಳಗೆ ಈ ಗುಳಿಗೆಯನ್ನು ರೋಗಿಗೆ ನೀಡಬೇಕು. ನಂತರದ 5 ದಿನಗಳ ಕಾಲ ದಿನಕ್ಕೆ ಎರಡು ಬಾರಿ ಈ ಗುಳಿಗೆಯನ್ನು ಸೇವಿಸಬೇಕು. 

ಇದನ್ನೂ ಓದಿ: ಹಾಸನ: ಅರಕಲಗೂಡಿನಲ್ಲಿ 17 ವಿದ್ಯಾರ್ಥಿಗಳಿಗೆ ಕೊರೋನಾ ಪಾಸಿಟಿವ್ 

ಈ ಮಾತ್ರೆಯಿಂದ ಕೊರೊನಾ ಲಕ್ಷಣಗಳನ್ನು ಕಡಿಮೆ ಮಾಡುವುದಲ್ಲದೆ, ರೋಗಿಗಳು ಬೇಗನೆ ಗುಣಮುಖರಾಗುತ್ತಾರೆ ಎಂದು ಔಷಧ ಸಂಸ್ಥೆ ತಿಳಿಸಿದೆ. ಒಂದು ವೇಳೆ ಔಷಧ ಸಂಸ್ಥೆಯ ಈ ಭರವಸೆ ಸಾಬೀತಾದರೆ ಬೇಡಿಕೆ ಹೆಚ್ಚುವುದರಲ್ಲಿ ಸಂಶಯವಿಲ್ಲ. 

ಈ ತಿಂಗಳ ಆರಂಭದಲ್ಲಿ ಇದೇ ಗುಳಿಗೆಯ ಸಾರ್ವಜನಿಕ ಬಳಕೆಗೆ ಬ್ರಿಟನ್ ಒಪ್ಪಿಗೆ ನೀಡಿತ್ತು. ಆ ಮೂಲಕ ಮೊದಲ ಕೊರೊನಾ ಗುಳಿಗೆಗೆ ಅನುಮತಿ ನೀಡಿದ ಮೊದಲ ರಾಷ್ಟ್ರ ಎನ್ನುವ ಕೀರ್ತಿಗೆ ಬ್ರಿಟನ್ ಪಾತ್ರವಾಗಿತ್ತು.

ಇದನ್ನೂ ಓದಿ: ಕೋವಿಡ್ ಸಮಯದಲ್ಲಿಯೂ 'ಸಲಗ' ಯಶಸ್ವಿಯಾಗಿರುವುದು ಪವಾಡ!