ಕೊರೋನಾ ಲಾಕ್ ಡೌನ್ ಫಜೀತಿ: ಲೈವ್ ರಿಪೋರ್ಟಿಂಗ್ ವೇಳೆ ಯುವತಿ ಅರೆನಗ್ನ ಓಡಾಟ, ವಿಡಿಯೋ ವೈರಲ್!

ಮ್ಯಾಡ್ರಿಡ್: ಕೊರೋನಾ ಲಾಕ್ ಡೌನ್ ಹಿನ್ನೆಲೆಯಲ್ಲಿ ವರದಿಗಾರನೊಬ್ಬ ಮನೆಯಲ್ಲೇ ಕುಳಿತು ಲೈವ್ ವರದಿ ಮಾಡುವಾಗ ಹಿಂಬದಿಯಲ್ಲಿ ಯುವತಿಯೋರ್ವಳು ಅರೆನಗ್ನವಾಗಿ ಹಾದು ಹೋಗಿದ್ದು ಇದರಿಂದ ವರದಿಗಾರನ ಅನೈತಿಕ ಸಂಬಂಧ ಸಾರ್ವಜನಿಕವಾಗಿ ಬಯಲಾದಂತಾಗಿದೆ. 

ಕೊರೋನಾ ಮಹಾಮಾರಿಗೆ ಸ್ಪೇನ್ ಸಹ ತತ್ತರಿಸಿದ್ದು ಲಾಕ್ ಡೌನ್ ಮಾಡಲಾಗಿದೆ. ಈ ಹಿನ್ನೆಲೆಯಲ್ಲಿ ವರದಿಗಾರರು ಸಹ ಮನೆಯಿಂದಲೇ ಕೆಲಸ ಮಾಡುತ್ತಿದ್ದಾರೆ. ಅದೇ ರೀತಿ ಸ್ಪ್ಯಾನಿಶ್ ಪತ್ರಕರ್ತನೊಬ್ಬ ಲೈವ್ ಸಂದರ್ಶನವೊಂದರಲ್ಲಿ ಮಾತನಾಡುತ್ತಿದ್ದಾಗ ಅರೆ ನಗ್ನವಾಗಿ ಯುವತಿಯೋರ್ವಳು ಕಾಣಿಸಿಕೊಂಡಿದ್ದಾಳೆ. 

ಮಾಡೆಲ್ ಮತ್ತು ಪತ್ರಕರ್ತನಾಗಿ ಅಲ್ಫೋನ್ಸೊ ಮೆರ್ಲೋಸ್ ಗುರುತಿಸಿಕೊಂಡಿದ್ದು ಯೂಟ್ಯೂಬ್ ಚಾನೆಲ್ ನಲ್ಲಿ ಅತಿಥಿಯಾಗಿ ಲೈವ್ ಸಂದರ್ಶನ ನೀಡುತ್ತಿದ್ದಾಗ ಈ ಘಟನೆ ನಡೆದಿದೆ. 

ಮೆರ್ಲೋಸ್ ಗೆಳತಿ ಮಾರ್ಟ್ ಲೋಪೆಜ್ ಆಗಿದ್ದು ಈ ವಿಡಿಯೋದಲ್ಲಿ ಕಾಣಿಸಿಕೊಂಡಿರುವುದು ಅಲೆಕ್ಸಿಯಾ ರಿವಾಸ್ ಈಕೆ ಸಹ ವರದಿಗಾರ್ತಿಯಾಗಿ ಕೆಲಸ ಮಾಡುತ್ತಿದ್ದಾಳೆ. ಸದ್ಯ ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.