ಚಿನ್ನದ ಟಾಯ್ಲೆಟ್‌ಗೆ 9 ಕೋಟಿ ಬೆಲೆಯ 40 ಸಾವಿರ ವಜ್ರಗಳ ಬಳಕೆ! ಇದನ್ನು ಬಳಸುವ ಅವಕಾಶ ನಿಮಗೂ ಇದೀಯಾ ನೋಡಿ?

ಶಾಂಘೈ(ಚೀನಾ): ಚಿನ್ನದ ಟಾಯ್ಲೆಟ್‌ ನಿರ್ಮಿಸಿರುವ ಉದ್ಯಮಿಯೊಬ್ಬ ಅದಕ್ಕೆ 9 ಕೋಟಿ ಬೆಲೆಯ 40 ಸಾವಿರ ವಜ್ರಗಳನ್ನು ಬಳಸಿ ಹೊಸ ವಿನ್ಯಾಸದ ಶೌಚಾಲಯ ನಿರ್ಮಿಸಿದ್ದು ಈ ಫೋಟೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. 

ಬ್ರಿಟನ್ನಿನ ಬ್ಲೆನ್ ಹೆಮ್ ಅರಮನೆಯಲ್ಲಿ ಸುಮಾರು 12.78 ಕೋಟಿ ರುಪಾಯಿ ಮೌಲ್ಯದ ಚಿನ್ನಾಭರಣದಲ್ಲಿ ಶೌಚಾಲಯ ನಿರ್ಮಿಸಿದ್ದು ಈ ಹಿಂದೆ ಸುದ್ದಿಯಾಗಿತ್ತು. ಇದೀಗ ಇದಕ್ಕೆ ಉದ್ಯಮಿಯೊಬ್ಬ ಸೆಡ್ಡು ಹೊಡೆದಿದ್ದು ಅದಕ್ಕಿಂತ ದುಬಾರಿ ಶೌಚಾಲಯವನ್ನು ನಿರ್ಮಿಸಿದ್ದಾನೆ. 

ಹಾಂಕಾಂಗ್ ಮೂಲದ ಚಿನ್ನದ ವ್ಯಾಪಾರಿಯೊಬ್ಬ ಈ ಶೌಚಾಲಯ ರೆಡಿ ಮಾಡಿದ್ದು ಅದನ್ನು ತನ್ನ ಅಂಗಡಿಯಲ್ಲಿ ಪ್ರದರ್ಶನಕ್ಕೆ ಇಟ್ಟಿದ್ದಾನೆ. ಇನ್ನು ಶೌಚಾಲಯದ ಸುತ್ತಾ ಬುಲೆಟ್ ಪ್ರೂಫ್ ಗ್ಲಾಸ್ ಭದ್ರತೆ ಹಾಕಲಾಗಿದೆ. 

ಇದನ್ನು ಕೇವಲ ಪ್ರದರ್ಶನಕ್ಕೆ ಮಾತ್ರ ಇಡಲಾಗಿದ್ದು ಇದನ್ನು ಬಳಸುವ ಅವಕಾಶ ಇಲ್ಲವಾಗಿದೆ.