ಕಾರಿಗೆ ಗುದ್ದಿದ ಸೈಕಲ್, ಕಾರಿನ ಬಂಪರ್ ಜಖಂ: ಫೋಟೋ ವೈರಲ್
ಕಾರು ಮತ್ತು ಸೈಕಲ್ ನಡುವೆ ಸಂಭವಿಸಿದ ರಸ್ತೆ ಅಪಘಾತದಲ್ಲಿ ಕಾರಿನ ಮುಂಭಾಗ ಸಂಪೂರ್ಣ ಜಖಂಗೊಂಡಿರುವ ವಿಚಿತ್ರ ಘಟನೆಗೆ ಚೀನಾದ ನಗರವೊಂದರಲ್ಲಿ ನಡೆದಿದೆ. ಇದನ್ನು ನಂಬಲು ಅಸಾಧ್ಯವಾದರೂ, ಫೋಟೋ ಮಾತ್ರ ಇದನ್ನು ಸತ್ಯ ಎನ್ನುತ್ತಿದೆ.
Published On :
ಶೆಂಝೆನ್: ಕಾರು ಮತ್ತು ಸೈಕಲ್ ನಡುವೆ ಸಂಭವಿಸಿದ ರಸ್ತೆ ಅಪಘಾತದಲ್ಲಿ ಕಾರಿನ ಮುಂಭಾಗ ಸಂಪೂರ್ಣ ಜಖಂಗೊಂಡಿರುವ ವಿಚಿತ್ರ ಘಟನೆಗೆ ಚೀನಾದ ನಗರವೊಂದರಲ್ಲಿ ನಡೆದಿದೆ. ಇದನ್ನು ನಂಬಲು ಅಸಾಧ್ಯವಾದರೂ, ಫೋಟೋ ಮಾತ್ರ ಇದನ್ನು ಸತ್ಯ ಎನ್ನುತ್ತಿದೆ.
ಫನ್ನಿ ಆ್ಯಕ್ಸಿಡೆಂಟ್ ಗಳ ಬಗ್ಗೆ ನೀವು ಕೇಳಿರಬಹುದು. ಸಿನಿಮಾಗಳಲ್ಲಿ ನೋಡಿಯೂ ಇರಬಹುದು. ಆದರೆ ಈ ಫನ್ನಿ ಆ್ಯಕ್ಸಿಡೆಮಂಟ್ ನಮ್ಮ ಕಣ್ಣ ಮುಂದೆ ನಡೆದರೆ... ಹೌದು ಚೀನಾದ ಶೆಂಝೆನ್ ನಗರದ ಜನ ಇಂತಹುದೊದು ಫನ್ನಿ ಆ್ಯಕ್ಸಿಡೆಂಟ್ ಸಾಕ್ಷಿಯಾಗಿದ್ದರು, ಕಾರು ಮತ್ತು ಸೈಕಲ್ ಗೆ ಅಪಘಾತ ಸಂಭವಿಸಿ ಸೈಕಲ್ ಗೆ ಏನೂ ಆಗದೇ ಕಾರಿನ ಮುಂಭಾಗ ಜಖಂ ಆಗಿದೆ.
ದಕ್ಷಿಣ ಚೀನಾದ ಶೆಂಝೆನ್ ನಗರದಲ್ಲಿ ಕಾರಿಗೆ ಸೈಕಲ್ ಗುದ್ದಿದ ರಭಸಕ್ಕೆ ಕಾರಿನ ಬಂಪರ್ ಪೂರ್ತಿ ಜಖಂ ಆಗಿದೆ. ಆದರೆ ವಿಚಿತ್ರ ಎಂದರೆ ಸೈಕಲ್ ಗೆ ಯಾವುದೇ ಹಾನಿಯಾಗಿಲ್ಲ. ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದ್ದು, ಈ ಫೋಟೋವನ್ನು ಹಲವರು ಫೋಟೋಶಾಪ್‌ ಎಂದುಕೊಂಡಿದ್ದರು. ಆದರೆ, ಕೊನೆಗೆ ಇದೊಂದು ನೈಜ ಘಟನೆ ಎಂಬುದು ಖಚಿತವಾಗಿದೆ.
ಚೀನಾದ ಸ್ಥಳೀಯ ಮಾಧ್ಯಮವೊಂದು ಈ ಬಗ್ಗೆ ವರದಿ ಮಾಡಿದ್ದು, ಸೈಕಲ್ ಸವಾರ ಏಕಮುಖ ರಸ್ತೆಯಲ್ಲಿ ವಿರುದ್ಧ ದಿಕ್ಕಿನಲ್ಲಿ ಚಲಿಸುತ್ತಿದ್ದ. ಈ ವೇಳೆ ಕಾರು ಅಡ್ಡಬಂದಿದ್ದು, ಕಾರಿಗೆ ನೇರವಾಗಿ ಸೈಕಲ್ ಗುದ್ದಿದೆ. ಪರಿಣಾಮ ಕಾರಿನ ಬಂಪರ್ ಜಖಂ ಆಗಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.