ಮೊದಲ ಬಾರಿಗೆ ತೃತೀಯ ಲಿಂಗಿ ವ್ಯಕ್ತಿಗೆ ಚಾಲನಾ ಪರವಾನಗಿ ನೀಡಿದ ಪಾಕ್!
ಪಾಕಿಸ್ತಾನದಲ್ಲಿ ಇದೇ ಮೊದಲ ಬಾರಿಗೆ ತೃತೀಯ ಲಿಂಗಿಯೊಬ್ಬರು ವಾಹನ ಚಾಲನೆ ಪರವಾನಗಿ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಪಾಕ್ ಸಂಚಾರಿ ಅಧಿಕಾರಿಗಳು....
Published On :
ಇಸ್ಲಾಮಾಬಾದ್: ಪಾಕಿಸ್ತಾನದಲ್ಲಿ ಇದೇ ಮೊದಲ ಬಾರಿಗೆ ತೃತೀಯ ಲಿಂಗಿಯೊಬ್ಬರು ವಾಹನ ಚಾಲನೆ ಪರವಾನಗಿ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಪಾಕ್ ಸಂಚಾರಿ ಅಧಿಕಾರಿಗಳು ದೇಶದಲ್ಲೇ ಮೊದಲ ಬಾರಿಗೆ ತೃತೀಯ ಲಿಂಗಿಯೊಬ್ಬರಿಗೆ ಚಾಲನಾ ಪರವಾನಗಿ ನೀಡಿದ್ದಾಗಿ ಮಾದ್ಯಮಗಳು ವರದಿ ಮಾಡಿದೆ.
ಪಾಕ್ ರಾಜಧಾನಿ ಇಸ್ಲಾಮಾಬಾದ್ ಸಂಚಾರಿ ಪೋಲೀಸರು ತೃತೀಯ ಲಿಂಗಿ ಲೈಲಾ ಅಲಿ ಎನ್ನುವವರಿಗೆ ವಿಶೇಷ ನಿರ್ದೇಶನಗಳೊಡನೆ ಪರವಾನಗಿ ವಿತರಿಸಿದ್ದಾರೆ. ವಿಶೇಷವೆಂದರೆ ಅವರು ಇದಕ್ಕೆ ಮುನ್ನ ಪರವಾನಗಿ ಇಲ್ಲದೆ ದಶಕಗಳ ಕಾಲ ವಾಹನ ಚಾಲನೆ ಮಾಡುತಿದ್ದರು!
ತೃತೀಯ ಲಿಂಗಿಗಳ ಸಮಸ್ಯೆ ಕುರಿತು ಪೋಲೀಸರಿಗೆ ಸಹ ಮಾಹಿತಿ ನಿಡಿರುವ ಬಗ್ಗೆ ಲೈಲಾ ಅಲಿಮಾದ್ಯಮಗಳಲ್ಲಿ ವಿವರಿಸಿದ್ದಾರೆ.ಆಗ ಪೋಲೀಸ್ ಆಯುಕ್ತರು ತಮ್ಮ ಸಮುದಾಯದ ಸಮಸ್ಯೆಯನ್ನು ಇವಾರಿಸಿ ತನಗೆ ವಾಹನ ಚಾಲನೆ ಪರವಾನಗಿ ನೀಡುವುದಾಗಿ ಹೇಳಿದ್ದರೆಂದು ಅವರು ವಿವರಿಸಿದರು.
ಪಾಕಿಸ್ತಾನದಲ್ಲಿ ಒಟ್ಟಾರೆ 5,00,000 ತೃತೀಯ ಲಿಂಗಿಗಳಿದ್ದು ಇಲ್ಲಿನ ಆಡಳಿತ ಇದೇ ಮೊದಲ ಬಾರಿಗೆ ಆ ಸಮುದಾಯದ ವ್ಯಕ್ತಿಗೆ ಚಾಲನಾ ಪರವಾನಗಿ ಮಂಜೂರು ಮಾಡಿದೆ.
ಕಳೆದ ಮೇನ ಲ್ಲಿ ಪಾಕ್ ಸರ್ಕಾರ ತೃತೀಯಲಿಂಗಿಗಳ ರಕ್ಷಣಾ ಕಾಯ್ದೆಯನ್ನು ಜಾರಿಗೆ ತಂದಿದ್ದು ಇದರಿಂದ ಆ ಸಮುದಾಯದ ಜನರಿಗೆ ವಿಶೇಷ ರಕ್ಷಣೆ ದೊರಕಿದಂತಾಗಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.