ಅಮ್ಮನಿಗೆ "ಐ ಲವ್ ಯೂ" ಎಂದ 3 ತಿಂಗಳ ಕಂದ: ವಿಡಿಯೋ ವೈರಲ್

ಗ್ಲಾಸ್ಗೋವ್: 3 ತಿಂಗಳ ಹಾಲುಕಂದಮ್ಮ ತನ್ನ ಅಮ್ಮನಿಗೆ ಐ ಲವ್ ಯೂ ಹೇಳಿದ ವಿಡಿಯೋವೊಂದು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ವ್ಯಾಪಕವಾಗಿ ಶೇರ್ ಆಗುತ್ತಿದೆ.

ಸ್ಕಾಟ್ ಲ್ಯಾಂಡ್ ನ ಗ್ಲಾಸ್ಗೋವ್ ನಗರದ ನಿವಾಸಿಗಳಾದ ಕ್ಲೇರ್ ರೀಡ್ (28 ವರ್ಷ )ಮತ್ತು ಗ್ರಾಂಟ್ ರೀಡ್ (32 ವರ್ಷ) ದಂಪತಿಯ 13 ವಾರಗಳ ಹೆಣ್ಮು ಮಗು ತನ್ನ ತಾಯಿ ಐ ಲವ್ ಯೂ ಹೇಳಿದಾಗ ತಾನು ಕೂಡ ಐ ಲವ್ ಯೂ  ಎಂದು ಹೇಳಿದ್ದಾಳೆ. ಈ ವಿಡಿಯೋವನ್ನು ಸಂಬಂಧಿಕರೊಬ್ಬರು ಚಿತ್ರೀಕರಿಸಿದ್ದು, ಕೂಡಲೇ ತಾಯಿ ಕ್ಲೇರ್ ರೀಡ್ ಗೆ ಫೋನಾಯಿಸಿ ವಿಚಾರ ತಿಳಿಸಿದ್ದಾಳೆ. ಆದರೆ ಪತಿ ಗ್ರಾಂಟ್ ರೀಡ್ ಮೊದಲು ಅದನ್ನು ನಂಬಲಿಲ್ಲ. ಬಳಿಕ ಕ್ಲೇರ್  ಅದನ್ನು ವಾಟ್ಸಪ್ ಮೂಲಕ ತನ್ನ ಪತಿಗೆ ಕಳುಹಿಸಿದ್ದಾಳೆ.

ಈ ವಿಡಿಯೋ ನೋಡಿದ ಗ್ರಾಂಟ್ ನಿಜಕ್ಕೂ ಅಚ್ಚರಿಗೆ ಒಳಗಾಗಿದ್ದು, ತನ್ನ ಪುಟ್ಟ ಮಗಳು ತನ್ನ ತಾಯಿಗೆ ಐ ಲವ್ ಯೂ ಹೇಳಿರುವುದನ್ನು ನೋಡಿ ಅಶ್ಚರ್ಯಗೊಂಡಿದ್ದಾನೆ. ವೃತ್ತಿಪರವಾಗಿ ಗ್ರಾಂಟ್ ಎಂಜಿನಿಯರ್ ಆಗಿದ್ದು, ಪ್ರಸ್ತುತ  ದಂಪತಿಗಳಉ ಗ್ಲಾಸ್ಗೋವ್ ನಗರದ ಹೊಟೆಲ್ ವೊಂದರಲ್ಲಿ ತಂಗಿದ್ದಾರೆ ಎಂದು ಆಂಗ್ಲ ಪತ್ರಿಕೆಯೊಂದು ವರದಿ ಮಾಡಿದೆ. ಇದೀಗ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ವ್ಯಾಪಕ ಶೇರ್ ಆಗುತ್ತಿದೆ.