ವಿದೇಶಿ ಕೃಷಿ ಕಾರ್ಮಿಕರಿಗೆ ಹೆಚ್ಚುವರಿ ಹೆಚ್2ಬಿ ವೀಸಾ ಘೋಷಿಸಿದ ಡೊನಾಲ್ಡ್ ಟ್ರಂಪ್ ಸರ್ಕಾರ
ಅಮೆರಿಕಾದ ಡೊನಾಲ್ಡ್ ಟ್ರಂಪ್ ನೇತೃತ್ವದ ಸರ್ಕಾರ ಇದೀಗ 15,000 ಹೆಚ್ಚುವರಿ ಹೆಚ್-2ಬಿ ವೀಸಾವನ್ನು...
Published On :
ವಾಷಿಂಗ್ಟನ್: ಅಮೆರಿಕಾದ ಡೊನಾಲ್ಡ್ ಟ್ರಂಪ್ ನೇತೃತ್ವದ ಸರ್ಕಾರ ಇದೀಗ 15,000 ಹೆಚ್ಚುವರಿ ಹೆಚ್-2ಬಿ ವೀಸಾವನ್ನು ಏಕಕಾಲಕ್ಕೆ ನೀಡುವುದಾಗಿ ಘೋಷಿಸಿದೆ. ಕಡಿಮೆ ವೇತನ ಹೊಂದಿರುವ ವಿದೇಶಿ ಕೆಲಸಗಾರರಿಗೆ ನೀಡುವ ವೀಸಾ ಇದಾಗಿದೆ.
ಹೆಚ್-1 ಬಿ ವೀಸಾ ನೀಡಿಕೆಯಲ್ಲಿ ಕಡಿತ ಮಾಡಿದ್ದ ಡೊನಾಲ್ಡ್ ಟ್ರಂಪ್ ಸರ್ಕಾರಕ್ಕೆ ಕೊನೆಗೂ ಕೇವಲ ಅಮೆರಿಕನ್ನರಿಂದ ಮಾತ್ರ ವ್ಯಾಪಾರ,ವಹಿವಾಟು, ಉದ್ಯಮ ಬೆಳೆಯುವುದಿಲ್ಲ ಎಂದು ಅರ್ಥವಾದಂತಿದೆ. ಉದ್ಯಮಿಗಳ ಹಿತಾಸಕ್ತಿಗೆ ಅನುಗುಣವಾಗಿ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಟ್ರಂಪ್ ಆಡಳಿತ ಹೇಳಿದೆ.
ತಾತ್ಕಾಲಿಕ ಕೃಷಿಯೇತರ ಕಾರ್ಮಿಕರ ಕೊರತೆಯನ್ನು ಅಮೆರಿಕಾದ ಉದ್ಯಮ ವಲಯ ಅನುಭವಿಸುತ್ತಿದೆ. ಈ ಸಮಸ್ಯೆಯಿಂದ ಪಾರು ಮಾಡಲು ಡೊನಾಲ್ಡ್ ಟ್ರಂಪ್ ಸರ್ಕಾರ ಇದೀಗ ಹೆಚ್-2 ಬಿ ವೀಸಾ ಕಾರ್ಯಕ್ರಮದಡಿ 15,000 ಹೆಚ್ಚುವರಿ ತಾತ್ಕಾಲಿಕ ಕೃಷಿಯೇತರ ನೌಕರರನ್ನು ನೇಮಕ ಮಾಡಿಕೊಳ್ಳಲು ಮುಂದಾಗಿದೆ ಎಂದು ಹೋಮ್ಲ್ಯಾಂಡ್ ಸೆಕ್ಯುರಿಟಿ ಇಲಾಖೆ ತಿಳಿಸಿದೆ.
ಹೆಚ್ಚುವರಿ ವೀಸಾಕ್ಕೆ ಅರ್ಹತೆ ಪಡೆಯಲು 2017ರ ಹಣಕಾಸು ವರ್ಷದಲ್ಲಿ ಹೆಚ್ -2 ಬಿ ವಲಸೆಯೇತರ ನೌಕರರ ವೀಸಾ ಪಡೆಯದಿದ್ದರೆ ತಮ್ಮ ವ್ಯಾಪಾರ, ವಹಿವಾಟು ನಷ್ಟ ಹೊಂದಲಿದೆ ಎಂದು ಅರ್ಜಿದಾರರು ಬರೆದುಕೊಡಬೇಕು.
ಹೆಚ್-2 ಬಿ ವೀಸಾ ಇರುವುದು ಹೆಚ್ಚಾಗಿ ವಿದೇಶಿ ಕೃಷಿ ಕಾರ್ಮಿಕರಿಗೆ. ಲ್ಯಾಟಿನ್ ಅಮೆರಿಕಾ ದೇಶಗಳಿಂದ ಅಮೆರಿಕಾದ ಉದ್ಯಮಿಗಳು ಕೆಲಸಗಾರರನ್ನು ನೇಮಿಸಿಕೊಳ್ಳುತ್ತಾರೆ.
ಡೊನಾಲ್ಡ್ ಟ್ರಂಪ್ ಆಡಳಿತ ಪ್ರಸ್ತುತ ಹೆಚ್-1 ಬಿ ವೀಸಾ ನಿಯಮದ ಬಗ್ಗೆ ಪರಾಮರ್ಶೆ ನಡೆಸುತ್ತಿದೆ.
ಸಿಲಿಕಾನ್ ವ್ಯಾಲಿ ಸೇರಿದಂತೆ ಅಮೆರಿಕಾದ ಉದ್ಯಮಿಗಳ ವರ್ಗ, ಅಮೆರಿಕಾದಲ್ಲಿ ಕುಶಲ ಕೆಲಸಗಾರರ ಭಾರೀ ಕೊರತೆಯಿದ್ದು, ವೀಸಾ ನೀಡಿಕೆಯನ್ನು ಸರ್ಕಾರ ಹೆಚ್ಚಿಸಬೇಕೆಂದು ಅಲ್ಲಿನ ಜನರು ಒತ್ತಾಯಿಸುತ್ತಿದ್ದಾರೆ. ಹೆಚ್-1 ಬಿ ವೀಸಾ ನೀತಿಯಡಿ ಕೆಲಸ ಮಾಡುತ್ತಿರುವ ಸರ್ಕಾರಕ್ಕೆ ಹೆಚ್-2ಬಿ ವೀಸಾದಂತೆ ಹೆಚ್-1ಬಿ ವೀಸಾವನ್ನು ಹೆಚ್ಚಿಸಲು ಸಾಧ್ಯವಿಲ್ಲ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.