ಗಂಡ -ಹೆಂಡತಿ ಜಗಳದಲ್ಲಿ ಹುಲಿಗೆ ಆಹಾರವಾದ ಅತ್ತೆ!

ಬೀಜಿಂಗ್‌: ಗಂಡ-ಹೆಂಡತಿಯ ನಡುವಿನ ಜಗಳದಿಂದ ಯುವತಿಯ ತಾಯಿ ಹುಲಿಯ ಬಾಯಿಗೆ ಆಹಾರವಾದ ದಾರುಣ ಘಟನೆ ಚೀನಾದ ಬೀಜಿಂಗ್‌ನಲ್ಲಿ ನಡೆದಿದೆ.

ಹುಲಿ ದಾಳಿಗೆ ಸಿಲುಕಿ ಯುವತಿ ಸಹ ತೀವ್ರವಾಗಿ ಗಾಯಗೊಂಡಿದ್ದು, ಆಸ್ಪತ್ರೆಯಲ್ಲಿ ಸಾವು ಬದುಕಿನ ನಡುವೆ ಹೋರಾಡುತ್ತಿದ್ದಾಳೆ.

Watch Video Here

ಕುಟುಂಬವೊಂದು  ಬದಾಲಿಂಗ್‌ ರಾಷ್ಟ್ರೀಯ ಉದ್ಯಾನಕ್ಕೆ ಭಾನುವಾರ ವೀಕೆಂಡ್‌ ಟ್ರಿಪ್‌ ಬಂದಿತ್ತು. ಉದ್ಯಾನದಲ್ಲಿ ನಿರ್ಮಿಸಲಾಗಿರುವ ರಸ್ತೆಯಲ್ಲಿ ಕಾರು ಚಾಲನೆ ಮಾಡುತ್ತಿದ್ದ ಗಂಡನ ಜತೆ ಜಗಳ ತೆಗೆದಿದ್ದಾಳೆ. ಕಾರು  ನಿಲ್ಲಿಸುವಂತೆ ಹೇಳಿದ್ದಾಳೆ. ಪ್ರಾಣಿಗಳ ದಾಳಿ ಅಪಾಯದಿಂದ ಉದ್ಯಾನದಲ್ಲಿ ವಾಹನ ನಿಲುಗಡೆ ನಿಷೇಧಿಸಿದ್ದರೂ ಲೆಕ್ಕಿಸದೆ ಆಕೆ ಕಾರಿನಿಂದ ಹೊರಗೆ ಇಳಿದಿದ್ದಾಳೆ.

ಕೂಡಲೇ ಡ್ರೈವರ್‌ ಸೀಟ್‌ನತ್ತ ಬಂದಿದ್ದಾಳೆ. ಕಾರಿನಿಂದ ಹೊರಗಿಳಿಯಲು ಗಂಡನೂ ತನ್ನ ಬದಿಯ ಡೋರ್‌ ತೆರೆದಿದ್ದಾನೆ. ಈ ವೇಳೆ ಹುಲಿಯೊಂದು ಮಿಂಚಿನಂತೆ ಎರಗಿ, ಕ್ಷಣಾರ್ಧದಲ್ಲಿ ಹೊರಗೆ ನಿಂತಿದ್ದ ಆಕೆಯನ್ನು ಎಳೆದೊಯ್ದಿದೆ. ಕೂಡಲೇ ಕಾರಿನಿಂದ ಇಳಿದ ಯುವತಿಯ ತಾಯಿ ಆಕೆಯನ್ನು ರಕ್ಷಿಸಲು ಹೋಗಿದ್ದಾಳೆ. ಅಷ್ಟರಲ್ಲಿ ಮತ್ತೊಂದು ಹುಲಿ ತಾಯಿಯ ಮೇಲೆ ಎರಗಿ ಅಲ್ಲೇ ಕೊಂದಿದೆ.

Watch Video Here

ಈ ಎಲ್ಲಾ ದೃಶ್ಯಗಳು ಉದ್ಯಾನದ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಆದರೆ ಈ ಬಗ್ಗೆ  ಬದಾಲಿಂಗ್‌ ರಾಷ್ಟ್ರೀಯ ಉದ್ಯಾನ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಕಾರಿನಲ್ಲಿದ್ದ ಮಗು ಯಾವುದೇ ಅಪಾಯವಿಲ್ಲದೇ ಪಾರಾಗಿದೆ.