ನೈಸ್ ಉಗ್ರ ದಾಳಿಯಲ್ಲಿ ಮೃತಪಟ್ಟವರಲ್ಲಿ 30 ಜನರು ಮುಸ್ಲಿಮರೇ!

ಪ್ಯಾರಿಸ್: ಫ್ರಾನ್ಸ್‌ ದೇಶದ ನೈಸ್ ನಗರದಲ್ಲಿ ನಡೆದ ಉಗ್ರರ ದಾಳಿಯಲ್ಲಿ 84 ಜನರು ಸಾವನ್ನಪ್ಪಿದ್ದು ಈ ಪೈಕಿ 30 ಜನರು ಮುಸ್ಲಿಮರೇ ಎಂದು ಫ್ರೆಂಚ್  ಮಾಧ್ಯಮವೊಂದು ವರದಿ ಪ್ರಕಟಿಸಿದೆ.

ದಾಳಿ ನಡೆಸಿದ ಟ್ಯುನೇಷಿಯಾ ಮೂಲದ ಉಗ್ರ ಮೊಹಮ್ಮದ್ ಲಾಹೌಯಾಜ್ ಬೌಲ್ಹೆಲ್ ನ ದಾಳಿಯಲ್ಲಿ ಟ್ಯುನೇಷಿಯಾದ 20 ಜನರು ಮೃತಪಟ್ಟಿದ್ದಾರೆ. ಮಾಧ್ಯಮದೊಂದಿಗೆ ಮಾತನಾಡಿರುವ ನೈಸ್ ನಗರದ ಇಮಾಮ್ ಮೃತಪಟ್ಟವರ ಪೈಕಿ 30 ಜನರು ಮುಸ್ಲಿಮರು ಎನ್ನುವುದನ್ನು ಸ್ಪಷ್ಟಪಡಿಸಿದ್ದಾರೆ.

ಸಾವನ್ನಪ್ಪಿದ ಮುಸ್ಲಿಮರ ಪೈಕಿ 12 ವರ್ಷ, 4 ವರ್ಷಗಳ ಮಕ್ಕಳೂ ಸೇರಿದ್ದು, ಧರ್ಮವನ್ನು ಲೆಕ್ಕಿಸದೆ ಇಲ್ಲರನ್ನು ಉಗ್ರರು ಹತ್ಯೆ ಮಾಡಿದ್ದಾರೆ ಎಂದು ನೈಸ್ ನಗರದ ಇಮಾಮ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.