ಪಠಾಣ್ ಕೋಟ್ ದಾಳಿ ವಿಚಾರದಲ್ಲಿ ಭಾರತ ಓವರ್ ರಿಯಾಕ್ಟ್ ಮಾಡಬಾರದು: ಪರ್ವೇಜ್ ಮುಷರಫ್

ನವದೆಹಲಿ: ಪಂಜಾಬ್ ನ ಪಠಾಣ್ ಕೋಟ್ ವಾಯು ನೆಲೆಯ ಮೇಲೆ ನಡೆದ ದಾಳಿಯ ಬಗ್ಗೆ ಭಾರತ ಅತಿಯಾದ ಪ್ರತಿಕ್ರಿಯೆ ನೀಡಬಾರದು ಎಂದು ಪಾಕಿಸ್ತಾನ ನಿವೃತ್ತ ಸೇನಾ ಮುಖ್ಯಸ್ಥ ಪರ್ವೇಜ್ ಮುಷರಫ್ ಹೇಳಿದ್ದಾರೆ.

ಭಾರತ ಮತ್ತು ಪಾಕಿಸ್ತಾನ ಎರಡು ರಾಷ್ಟ್ರಗಳು ಉಗ್ರರ ಅಟ್ಟಹಾಸಕ್ಕೆ ನಲುಗಿ ಸಂತ್ರಸ್ತ ದೇಶಗಳಾಗಿವೆ. ಹೀಗಾಗಿ ಭಯೋತ್ಪಾದನೆ ನಿಗ್ರಹಕ್ಕಾಗಿ ಎರಡು ರಾಷ್ಟ್ರಗಳ ರಾಜಧಾನಿಗಳಾದ ದೆಹಲಿ ಮತ್ತು ಇಸ್ಲಮಾಬಾದ್ ಗಳ ಮೇಲೆ ಒತ್ತಡ ಹೇರಬಾರದು ಎಂದು ಅವರು ತಿಳಿಸಿದ್ದಾರೆ.

ಎರಡು ರಾಷ್ಟ್ರಗಳು ಭಯೋತ್ಪಾದನೆಯಿಂದ ಜರ್ಝರಿತವಾಗಿವೆ. ಆದರೆ ಪಾಕಿಸ್ತಾ ಇದಕ್ಕೆ ಅತಿಯಾಗಿ ಪ್ರತಿಕ್ರಿಯಿಸುತ್ತಿಲ್ಲ, ಇಂಥಗ ಘಟನೆಗಳು ನಡೆಯದಂತೆ ತಡೆಯಬೇಕು, ಆದರೆ ಇಂಥ ಘಟನೆಗಳನ್ನು ಮೆಟ್ಟಿ ನಿಲ್ಲಬೇಕು ಎಂದು ಹೇಳಿದ್ದಾರೆ.

ಎಲ್ಲಾ ಭಯೋತ್ಪಾದನಾ ದಾಳಿಗಳಿಗೆ ಭಾರತವೇ ಮೊದಲು ಪ್ರತಿಕ್ರಿಯೆ ನೀಡುತ್ತದೆ. ಹಾಗೂ ಎಲ್ಲಾ ಉಗ್ರರ ದಾಳಿಗಳಿಗೂ ಪಾಕಿಸ್ತಾನವನ್ನು ಹೊಣೆ ಮಾಡುತ್ತದೆ. ಆದರೆ ಭಾರತ ಕೂಡ ಭಯೋತ್ಪಾದಕರಿಂದ ಮುಕ್ತವಾಗಿಲ್ಲ ಎಂದು ಮುಷರಫ್ ಹೇಳಿದ್ದಾರೆ